O Seminario de Estudos Terra de Viveiro homenaxea a Manuel María, o venres 13 de maio, ás oito da tarde, no salón multiusos do Concello, cunha charla-coloquio do escritor e amigo seu Xosé Lois García. Seguidamente o propio Xosé Lois García e Xoán Neira recitarán poemas do autor chairego.
O acto, presentado por Carlos Nuevo, rematará coa actuación do coro do Colexio Lois Tobío que, dirixido por Manuel Rodríguez, interpretará pezas (O cuco, O carro… ) do poeta de Outeiro de Rei.