Paseo Literario por Compostela, con Euloxio R. Ruibal: “Os escenarios de pedra de Salvador García-Bodaño”, o 1 de decembro

O sábado 1 de decembro terá lugar o Paseo Literario por Compostela Os escenarios de pedra de Salvador García-Bodaño, guiado por Euloxio R. Ruibal.
Trátase dunha iniciativa da AELG desenvolvida coa colaboración e patrocinio do Concello de Santiago de Compostela.
Finalizamos o 2018 con este novo percorrido literario, procurando outra ollada á historia e xeografía da cidade.

As inscricións, gratuítas, faranse mediante o envío dun correo electrónico ao enderezo teatroprincipal@santiagodecompostela.gal, indicando o nome, apelidos e un teléfono de contacto. Hai un máximo de 50 prazas.

O punto de partida será a Praza da Universidade.