Entrevista a María Solar en Nós Televisión:
“Adeline é unha homenaxe a Carmilla, a primeira vampira literaria, escrita vinte e cinco anos antes de Drácula. Laura vive desde nena agoniada por un estraño don que posúe: ve mortos. Durante anos leva unha vida solitaria no pazo familiar da contorna de Verín. Cando medra, a ansiada vida universitaria en Madrid tampouco é o que esperaba. No regreso estival ao pazo, Laura atopa unha misteriosa viaxeira. A muller é idéntica á que viu en soños moitos anos atrás. Non é un encontro casual. Aquela moza está alí para descubrirlle que o Universo é moito máis inmenso do que percibimos e que os seres ocultos están e estiveron sempre entre nós. “Os non mortos non temos idade. Laura, só quero que saibas que estou en perigo.” Finalista do XV Premio Jules Verne de Literatura Xuvenil. A entrevista pode verse aquí.”
Arquivo da categoría: Televisión
Beatriz García Turnes: “Cambia a perspectiva cando a xeración que te coidou é agora a que precisa coidados”
Entrevista a Beatriz García Turnes no Zig-zag da Televisión de Galicia:
“(…) Vós cando vos decatastes de que iades vellas? Este asunto non é insignificante, dá para pensar. De feito é unha das cuestións que pasa pola cabeza das personaxes, das moitas personaxes femininas que poboan este libro de relatos, Comando Sintrom, da autora Beatriz García Turnes. Un monllo de relatos en que as personaxes femininas, xa de certa idade, afrontan a vellez. Mulleres, algunhas avoas, que tentan adaptarse aos novos tempos e non sempre é doado facelo. A entrevista pode verse aquí.”
Berta Dávila fala sobre A ferida imaxinaria
Entrevista a Berta Dávila en Nós Televisión:
“A ferida imaxinaria conta a historia de dúas parellas de irmás distanciadas, dous peixes laranxas e un ganso doméstico. E tamén a dos habitantes da aldea de Soutelo, cerca de Viveiro. Falta pouco tempo para que se produza unha eclipse solar total, pero ningunha das protagonistas ten un interese especial no fenómeno. As catro están mergulladas na súa propia escuridade. Un acuario e unha casa de cristal, a vida corrente e a vida de artista, a amizade entre persoas descoñecidas, as identidades duplas e a viaxe como única maneira de permanencia son algúns dos elementos dunha novela que fala da busca de consolo e en cuxas páxinas xorde unha melodía inesperada que dá conta das feridas da existencia. Berta Dávila crea personaxes, situacións e paisaxes nunca antes vistas e, así e todo, absolutamente próximas e familiares; concibe unha fabulación ateigada de imprevistos, consonancias simbólicas e paralelismos temáticos capaz de producir, coma nos movementos dun ballet, unha sutileza narrativa onde nada carece de senso, e onde todo flúe para provocar o asombro.”
Elba Pedrosa e Álvaro Iglesias: “Entre os poemas e as músicas produciuse unha especie de sinestesia”
Entrevista a Elba Pedrosa e Álvaro Iglesias no Zig-zag da Televisión de Galicia:
“”Borrar sen rencor os tempos pasados. Riscar para sempre o seu contido”. Son versos dun poema que forma parte dun proxecto poético-musical que está piques de arrancar a súa xira. As notas poéticas ponas Elba Pedrosa e as musicais, Álvaro Iglesias. Des a mar ultrasónico fala de algo tan persoal como o desamor que, con todo, terá tantas versións como lectores ou ouvintes. A entrevista pode verse aquí.”
“Cinza, en banda deseñada co branco e negro como metáfora dunha época”
Entrevista a Manel Cráneo e Xavier Alcalá no Zig-zag da Televisión de Galicia:
“Cinza é unha versión gráfica da novela A nosa cinza que Xavier Alcalá publicara en 1980, unha das obras máis vendidas da literatura galega. O cómic está publicado por Demo Editorial, e ilustrado en branco e negro para buscar reflectir a sociedade da época. A entrevista pode verse aquí.
Berta Dávila: “As feridas duns son o consolo doutros”
Entrevista a Berta Dávila no Zig-zag da Televisión de Galicia:
“”Expliqueille que era unha especie de herdanza. Que viña dun lugar por onde non pasaban nin a ilusión nin o desconcerto. E que a miña familia non saíra nunca del”. É un anaquiño de A ferida imaxinaria, a última novela de Berta Dávila que nos leva a un universo onde parecen flotar anacos de vidas. Unha especie de ilusión óptica na as personaxes se miran e non se ven. Un mundo de peixes laranxas, casas de cristal, anacos de azulexo, un ganso e ata unha eclipse. A entrevista pode verse aquí.”
Pilar García Negro: “Rosalía merece máis reflexión, agora que a conexión emocional con ela xa é un feito”
Entrevista a Pilar García Negro no Zig-zag da Televisión de Galicia:
“”Ela é fundamental para asumir a nosa identidade nacional: para vérmonos e coñecérmonos a nosa realidade. Mais é fundamental, ademais, como avanzada do pensamento feminista e anti-discriminatorio que non alenta”.
Este texto foi publicado por Pilar García Negro en 1985. Desde aquela ata hoxe, os seus estudos, a as súas achegas analíticas axudaron a reinterpretación da obra rosaliana. Agora a Universidade da Coruña publica este volume, un compilación de artigos e textos de García Negro. E hoxe, no Día de Rosalía falamos con ela deste Intenso e solidario feminismo. Estudos rosalianos. A entrevista pode verse aquí.”
“2ª man, de Antón Reixa, un poemario sen paisaxes inspirado en feitos reais”
Entrevista a Antón Reixa no Zig-zag da Televisión de Galicia:
“”Non odias os luns, odias o capitalismo”, unha frase recollida no undécimo poemario de Antón Reixa: 2ª man.
O libro, que mantén a bandeira de perplexidade iniciada en 1976 con Rompente, destila unha certa melancolía, mais segue a sorprender coa súa constante subversión das palabras. Nun imaxinario almacén de palabras atopamos a Antón Reixa e o seu ultimo libro de poemas 2ª man, o seu undécimo poemario.
A entrevista pode verse aquí.”
Abraham Pérez: “Fixen unha novela xeraciónal sobre a crise económica e a literaturización da vida”
Entrevista a Abraham Pérez no Zig-zag da Televisión de Galicia:
“Dicía Joyce no Ulises: ‘aprende a vivir, vai por aí a coñecer mundo’. Unha frase que recolle, e que ten moito que ver, coa primeira novela do ata de agora poeta, Abraham Pérez. O retrato dunha xeración de mozos e mozas nos últimos anos universitarios, da vida social e amorosa, da formación, da saída a un mundo laboral cativo. O abismo entre os soños e as realidades poden ser algúns dos temas que Abraham Pérez aborda na novela O paso en Falso” que publica a editorial Galaxia. A entrevista pode verse aquí.”
Dores Tembrás: “Esas leccións primeiras son a cicatriz que nos acompaña”
Entrevista a Dores Tembrás no Zig-zag da Televisión de Galicia:
“Un enxerto é un método de multiplicación vexetativa artificial dos vexetais que consiste en enxerir unha parte do tecido dunha planta ou árbore, chamada puga ou tano, no tronco ou póla doutra, é dicir no padrón ou pé. Un enxerto permite que unha variedade poida medrar nun terreo desfavorable, por exemplo. Enxertos é o último poemario de Dores Tembrás, publicado por Apiario. A entrevista pode verse aquí.”
