O canto do muecín, novela de Lois Diéguez editada na colección “Central Literaria” de Edicións A Nosa Terra, presentarase na Coruña o día 14 de xuño ás 20:30 horas en “Portas Ártabras” (Rúa Sinagoga, 22). Participarán a profesora da Universidade da Coruña Pilar García Negro e o historiador Felipe-Senén. O acto pecharase cunha representación multimedia a cargo de Lino Braxe, Flor Maceiras, Isidoro Novo e Antón Fortes. Organizan o evento a A. C. Alexandre Bóveda e os Amigos dos Museos de Galicia.