O venres 1 de abril, a partir das 20:00 h., na Galería Sargadelos (Rúa Real, 56) da Coruña, e dentro do Ciclo Escrita(s) 2011. Circunvolucións, Iago Martínez falará sobre Lois Pereiro: amor e resistencia: “Modesta proposición para ler politicamente a Lois Pereiro. Porque a morte era o enésimo disfraz do poder. Porque escribir era un incendio. Porque as vítimas eran as vítimas de sempre. Porque había que loitar polo evidente. Porque vida e obra eran as armas para tomar as selvas lacandonas do que nos foi prohibido.”