“Amiga poetisa que estás a ler esta carta:
Poetisa que vives e escribes en éuscaro, castelán, francés, catalán, galego, portugués ou grego, romanés ou ucraíno, árabe ou wolof, quechua ou guaraní…:
Na Asociación Cultural Mikelazulo de Errentería-Orereta, Guipúscoa, Euskal Herría, estamos a organizar para mediados de maio un Festival de Poesía, baixo o título de Miradas de mulleres á praza.
Queremos mirar con ollos de muller ese monstro que pretende afundirnos no abismo da incerteza e a desesperación. Queremos ver con ollos de muller os escintileos e esforzos por abrir uns novos tempos que están a amencer en prazas e rúas, selvas e montañas, chairas e ríos do mundo. Queremos cos vosos ollos….
Se queres participar no Festival ofrecendo un recital dos teus poemas, envíanos a túa proposta e os datos que precisemos para pornos en contacto, e comezaremos a traballar.
Tamén podes traballar ou seleccionar un poema e enviárnolo (xunto cos datos para poñémonos en contacto). O 25 de abril, á vista dos poemas recibidos, decidiremos que facer: pendurar copias dos poemas en paredes e árbores, unha lectura xeral de todos eles, un libriño en lingua orixinal e tradución ao éuscaro…
Envíanos a túa proposta (recital ou poema) na túa lingua propia e no seu caso con tradución. (Mikelazulo, coas súas amigas/amigos tamén pode cubrir traducións dunhas cantas linguas de Eurasia, África e América).
Será un pracer se nos escribides. Seredes benvidas se vides. Andamos pobres en euros, pero podemos axudar.
Se queredes saber de nós, podedes entrar en internet, ou contactar no teléfono 943517002 e no correo electrónico mikelazulo@hotmail.com

Esperámosvos. Unha aperta,

Mikelazulo Kultur Elkartea”