O domingo 28 de novembro, un representativo grupo de Amigos dos Museos de Galicia desprazouse ao Santuario dos Milagres de Baños de Molgas para facer entrega do Premio Pedra do Destino 2021 a don Elixio Rivas Quintas polo seu incansable traballo na pescuda e recolleita de palabras, tradicións e materiais que comparte e conforman a valiosa colección do “Museo dos devanceiros” nas mesma dependencias dos Paules. Amigos dos Museos de Galicia deu a coñecer este premio o 18 de Maio, “Día Internacional dos Museos”, galardón que, nesta ocasión consiste nunha valiosa peza para a súa colección: trátase dun rostrillo labrado en ouro para imaxe de Virxe, datado no século XVII. Antes e despois da entrega que terá lugar no mesmo Museo dos Devanceiros, o colectivo fará un roteiro polas terras do Medo.