A novela Suso Espada. Istambul e o cabaliño de ouro (Everest Galicia), do escritor Francisco X. Fernández Naval e ilustrada pola pintora Beatriz García Trillo, vén de ser publicada en éuscaro pola editorial Aizkorri, co título Suso Espada. Istambul eta urrezko zalditxoa. Destinada ao público xuvenil, a novela foi publicada simultaneamente en galego e castelán no ano 2008. Este libro é unha das obras recomendadas pola Fundación Germán Sánchez Ruipérez para lectores de entre 14 e 15 anos.