«Sotelo Blanco Edicións publica, na súa nova colección de poesía Edoy Leliadoura seis títulos: Sextinario, trinta e seis + tres, de Marica Campo; Os poemas de como se rompe todo, de Daniel Salgado; Memoria de Ahab, de Rafa Villar; Derrotas con raíces, de Modesto Fraga; Onde o ollar comeza a doer, de X. Antón L.Dobao; e Bingo de Marica Campo.
A nova colección de poesía Edoy Leliadoura que presenta Sotelo Blanco Edicións, con deseño de Andrés Meixide, quere ser, como o seu nome indica, herdeira e continuación do labor realizado pola histórica e dalgunha maneira xa mítica colección Leliadoura, na que se publicaron algúns dos libros máis importantes da poesía galega dos anos 1980, e que foi, tamén, testemuño e actor do renacer poético da Galiza daqueles anos.» (Sotelo Blanco Edicións)