Recordámosvos que mañá martes, 20 de abril, ás 19.30, no Salón Nobre do Pazo de Fonseca da Universidade de Santiago de Compostela, terá lugar a conferencia “Un árbol sin hojas que da sombra”,  do escritor arxentino JUAN GELMAN.

No marco do acto de entrega do Premio “Escritor Galego Universal 2010”, co que AELG distingue aquelas/es autoras/es que combinan a excelencia literaria co compromiso ético que os converte en referentes para o seu pobo na defensa da dignidade nacional e humana; Gelman vén sumarse así á nomina de “Escritores/as Galegos/as Universais”, xa conformada por:

2006: Mahmoud Darwish (Palestina)
2007: Pepetela (Angola)
2008: Nancy Morejón (Cuba)
2009: Elena Poniatowska (México)

Agardamos poder contar coa túa presenza para arroupar así o noso novo Escritor Galego Universal e gozar da súa palabra.