Deuse a coñecer o fallo do xurado do I Concurso de creación teatral Manuel Rey Posse, organizado polo Liceo Casino de Vilagarcía de Arousa:
“O Xurado composto por:
– José Juan Durán Hermida (en representación da Deputación Provincial)
– Alfonso Saavedra Lourido (en representación do Liceo Casino)
– Soledad Rey Fernández (xornalista do Faro de Vigo, en representación da prensa local)
– José Álvarez Domínguez (en representación dos grupos de teatro local e comarcal)
– Germán Manuel Torres de Aboal (en representación do profesorado e do Liceo Casino)
– Óscar Rodríguez Carballo (Xerente do Liceo Casino, Secretario do Xurado)
Celebrou xuntanza deliberativa o día de hoxe [luns 21 de marzo] de 13:30 h. a 16:45 h., e emitiu o seguinte fallo do I Concurso de creación teatral Manuel Rey Posse:
* 1º) Premio, dotado con 600 euros, do que resultou gañador: Alejandro Gustavo Guanella, residente en Vilagarcía de Arousa, coa obra: Polos opostos (Traxicomedia).
* 2º) Premio, dotado con 300 euros, que foi outorgado a: Ana María Galego Gen, con domicilio en Ferrol, coa obra: Don Matute e a árbore que falaba.
* 3º) Premio, dotado con 150 euros, para María Martínez Barcala, de Vilagarcía de Arousa, coa obra: Todo no seu tempo.
O fallo do xurado é inapelable e os concursantes aceptaron coa súa participación a totalidade das bases polas que se convocou este I Concurso de creación teatral Manuel Rey Posse. A entrega de premios terá lugar o venres 25 de marzo ao final da obra de teatro dese día, dentro da I Semana de Teatro, que se vai celebrar no Liceo Casino de Vilagarcía de Arousa. A Semana de Teatro é dirixida, en primeiro lugar, aos socios do Liceo Casino, pero, tamén nunhas xornadas de portas abertas, para todo o público de Vilagarcía e a súa comarca aos que lles guste o teatro, o noso teatro.
Atte.- Xermán Torres – Vcpte. e Secretario de Actividades Culturais do Liceo Casino de Vilagarcía de Arousa.”