O martes 5 de febreiro, ás 20:00 horas, no Teatro Principal de Santiago de Compostela, preséntase a Asociación Cultural Roberto Vidal Bolaño, que naceu a finais de 2012, co obxectivo de promover a figura e a obra do autor, dez anos despois da súa desaparición. O colectivo inicia así de xeito simbólico o seu traballo no ano de Roberto Vidal Bolaño e abre as súas portas a todas as persoas que desexen formar parte da asociación. A entrada será libre e gratuíta.