Desde Xerais:
“A escritora Ledicia Costas viaxará a Nova York o vindeiro mes de maio, convidada polo Instituto Cervantes, par desenvolver, durante os días 20 e 21, un amplo programa de actividades con diversas conferencias e encontros, dentro do marco do XXV Simposio de Literatura Infantil e Xuvenil. Logo de Escarlatina. A cociñeira defunta, co que a autora obtivo o Premio Nacional de Literatura Infantil e Xuvenil, acaba de publicar Esmeraldina, a pequena defunta. Ambos os dous libros están ilustrados por Víctor Rivas.
Nesta ligazón en pdf pode verse o programa completo da estadía de Ledicia Costas en Nova York.”