“Na sede da Fundación Vicente Risco, en Allariz, o día 23 de maio de 2026 reuniuse o xurado do XI Premio de novela curta Antón Risco 2026, composto por Celia Fernández Clemente, María Elvira Moroño Suárez, Héitor Mera Herbello (por delegación), Alejandro Castro Botello e Javier Rúa Soto.
Actuou como secretaria sen voz e sen voto Ana Gloria Rodríguez Alonso.
Despois da deliberación, acordouse por maioría conceder o premio do ano 2026, consistente en 3.000€ mais a publicación da obra no selo editorial Doutor Alveiros, como prevén as bases do certame, á novela titulada Azul, cuxa autoría corresponde a Mon G. Buhigas.
O xurado salientou a calidade lírica e a intensidade emocional da novela, así como a autenticidade da voz narrativa para tratar un tema íntimo e doloroso, como é a perda dun ser querido.”