BASES

Primeira: Convócase a undécima edición do Premio Literario Carlos Casares, do Liceo de Ourense, na modalidade de Microrrelato vinculado na presente edición a contidos relacionados coa gastronomía.
Segunda: Fíxase un premio de mil cincocentos euros, con patrocinio do Grupo Cuevas.
Terceira: Poderá concorrer a este premio calquera persoa que presente escritos inéditos da súa autoría cun máximo de tres, e redactados en calquera dos dous idiomas oficiais en Galicia, vinculados o ámbito da gastronomía, a cociña, ou calquera das súas manifestacións, a alimentación en xeral o a referencias culinarias. Quedan excluídos os recetarios ou guías.
Cuarta: Os orixinais terán unha extensión máxima de mil cincocentos caracteres, debendo presentarse por sextuplicado, e antes do 11 de maio do ano 2012, na Secretaría do “Liceo de Ourense”, sita na rúa Valentín Lamas Carvajal, 5. C.P. 32005 Ourense.
Quinta: Con cada orixinal, que deberá ser presentado baixo lema, adxuntarase en sobre pechado o nome completo, enderezo e teléfono da persoa que concorre ó premio, así como o título definitivo da súa obra.
Sexta: O Xurado estará integrado polo Presidente do Liceo de Ourense, unha persoa designada polo Grupo Cuevas, e os membros da Sección de Literatura, dona Teresa Devesa Graña, dona Loly Conde Fernández, dona Rosa Estévez Redonet, don Segismundo Bobillo Morgade e don Javier Casares Mouriño, actuando como Secretario Juan Fonseca Moretón.
Sétima: Se o Xurado o estimase oportuno, podería outorgar un ou varios accésits, fixando a súa dotación económica. Asimesmo poderá declarar deserto o premio, no caso de non se presentar obras que teñan un mínimo de calidade. O fallo do Xurado será inapelable.
Oitava: A entrega dos premios terá lugar nun Acto Literario enmarcado nas Festas do Liceo, e que se celebrará o 25 de maio.
Novena: O Liceo de Ourense resérvase o dereito de publicación da obra premiada, así como dos accésits no caso de habelos, feito que conlevará a renuncia do autor, ou autores premiados, a percibir os dereitos desta edición.
Décima: Os orixinais que non resulten premiados, serán destruídos nun prazo de tres meses dende o día do fallo, agás que se reciba solicitude por escrito para a súa devolución.
Undécima: A participación no Premio leva implícita a aceptación das presentes bases.

Ourense, marzo de 2012.
A XUNTA DIRECTIVA.”