Este xoves preséntase en Santiago o número 3 da Revista–Anuario de Filosofía Roteiros. Arumes de pensamento crítico, editada pola Asociación Cultural de Pensamento Filosófico e 3C3 Editores. No acto intervirán os profesores e membros do Comité de Redacción da revista, Manuel Rivas García e Miguel Ángel Martínez Quintanar –coordinador deste número–, xunto co director editorial de 3C3, X. Amancio Liñares Giraut. A cita é na Librería Couceiro (Praza de Cervantes, 6. SANTIAGO) o xoves, 10 de decembro, ás 8 da tarde.