«O grupo Ouriol, formado pola poeta Eva Veiga e os músicos Bernardo Martínez e Fito Ares, aterrou en Montevideo o pasado 9 de outubro. Diversas actuacións levaron a poesía galega de todos os tempos por distintos espazos da cidade, algúns vinculados coa colectividade galega e outros, como a Feira Internacional do Libro, abertos a todo tipo de público. Dúas cousas quedaron claras en todas as actuacións: a vixencia da identidade cultural en todos os descendentes de galegos, e a calidade do público uruguaio.» (A Nosa Terra)