Os venres 7, 14, 21 e 28 de febreiro, entre as 18:00 e as 20:30 horas, no Centro Social Novacaixagalicia de Vigo (rúa Policarpo Sanz, 24-26), terá lugar un Obradoiro Literario (Perfeccionamento) dirixido por Francisco Castro. O seu prezo é de 75 € (cun 10% de desconto para os inscritos no Obradoiro Literario. Iniciación). Máis información e inscrición aquí.

“Centrarase sobre o Relato e plantéase cun obxectivo fundamental: profundizar no exercicio das técnicas literarias necesarias para descubrir como perfeccionar a escritura de relatos. A través de moitos exercicios prácticos e dunha metodoloxía que permite ao alumno ou alumna escribir dende o primeiro minuto do obradoiro, cada participante logrará atopar a súa propia voz literaria e mellorar estilística e esteticamente as súas propias creacións. E reivindicando en todo momento o pracer de escribir.

Programa:
Sesión 1
Que é un relato?: Aprenderemos a coñecer as estratexias para escribir relatos tecnicamente perfectos.
Sesión 2
A brevidade, o ritmo, a tensión: Descubriremos a maneira de conseguir o interese do lector, mantelo e levalo dun xeito natural ata a fin do relato.
Sesión 3
O narrador: Saberemos que hai que facer, e que evitar, á hora de trasladar a nosa idea ao papel, en que hai que insistir á hora de contar, e cantas perspectivas se poden adoptar.
Sesión 4
O ton narrativo: Escribir un relato implica interpretar determinadas partituras, debuxar certas paisaxes. Veremos como facer soar as letras, como pintar con palabras.
Sesión 5
O personaxe: Investigaremos as formas máis eficaces á hora de dar os nosos personaxes unha identidade suxestiva, unha vida literaria.”