O 27 de novembro, ás 19:00 horas, na sede de Afundación na Coruña (Cantóns), terá lugar a entrega do premio de poesía Afundación a Miguel Sande. Neste acto, o escritor fará un recital, acompañado dunha peza audiovisual de Xes Chapela, creada ex professo e inspirada no poemario gañador. Este, agora en formato libro, Os filósofos xa non brindan con cicuta, será ademais presentado ao público nesta gala de entrega.