A Asociación de Escritoras e Escritores en Lingua Galega adhírese á Homenaxe Nacional a Camilo Nogueira que terá lugar mañá, 11 de novembro, a partir das 19:00 horas, no Auditorio de Galicia, en Santiago de Compostela, destacando o inmenso valor das súas achegas á escrita ensaística, tanto no ámbito historiográfico como no da atenta análise económica, social e política. É un motivo de orgullo para a AELG contar coa súa participación como escritor no noso colectivo, e desexamos que o seu caudal creativo continúe abrindo horizontes para a cultura, lingua e sociedade galegas.