Crónica videográfica do acto central do Día de Rosalía de Castro 2024 en Compostela (I)

Estes son algúns dos vídeos do acto central do Día de Rosalía de Castro 2024 en Compostela, que tivo lugar o 24 de febreiro no Panteón de Galegos Ilustres, en San Domingos de Bonaval, organizado pola AELG, co apoio de CEDRO. A crónica videográfica completa pode verse aquí.

Interpretación musical da Coral da A. C. Solfa:

Saúda da presidencia da AELG, Cesáreo Sánchez:

Lectura do Manifesto da AELG, Carlos Callón:

A AELG manifesta o seu profundo pesar polo pasamento de Alfonso Álvarez Cáccamo, membro desta Asociación

Alfonso Álvarez Cáccamo, narrador, poeta e tradutor prezado por todas e todos nós, finou o 4 de marzo de 2024 en Vigo.

A súa creatividade, centrada nomeadamente na narrativa, achegouse tamén á poesía, a tradución, a escrita xornalística, a biografía e a expresión pictórica, tendo recibido diversos premios ao longo da súa traxectoria.

Na páxina web da AELG poden verse as entrevistas e obra recitada polo autor na súa propia voz, así como consultarse, na súa Fototeca, as diversas mostras da súa participación en actividades colectivas vinculadas á nosa literatura.

A terza feira, martes, 5 de marzo, ás 19:00 horas, tivo lugar un acto civil de despedida no Tanatorio de Pereiró, en Vigo.

A AELG reivindica a inclusión da Escrita Creativa na Lei de Ensinanzas Artísticas

Súmase deste xeito ás reivindicacións da Plataforma Calíope, formada por máis de vinte entidades.

Após a aprobación polo Consello de Ministros da Lei de Ensinanzas Artísticas e a súa próxima tramitación no Congreso dos Deputados, a Plataforma Calíope, que agrupa boa parte das escolas e obradoiros literarios do Estado, así como ás principais asociacións profesionais de escritoras e escritores, quere manifestar:

– O seu apoio a unha lei que consideramos moi necesaria para o recoñecemento da formación artística, así como do labor das persoas, empresas e institucións que levamos anos impartíndoa. O recoñecemento que a Lei de Ensinanzas Artísticas outorga a estas disciplinas parécenos de xustiza e esencial para o futuro das mesmas.

– A súa exixencia de que, á relación de ensinanzas artísticas recollidas en dita lei, se engada a Escrita Creativa, disciplina inxustamente esquecida e sen que a Lei quedaría inevitabelmente incompleta. A Escrita Creativa é unha ensinanza artística con máis de 40 anos de traxectoria no Estado e plenamente implantada como disciplina oficial na gran maioría dos estados da contorna, tanto a nivel europeo como en Latinoamérica. A súa incorporación á Lei de Ensinanzas Artísticas non só é necesaria para asegurar que a formación das escritoras e escritores teña o mesmo nivel e oportunidades que a dos demais artistas, senón tamén para permitir que as escolas e obradoiros literarios, así como o profesorado –a maioría formado por escritoras e escritores– que desenvolven a súa actividade nos mesmos, poidan ver recoñecidos o seu coñecemento e a experiencia acumulados. O futuro de todo un sector –empresas, traballadores/as e estudantes–, que veu desenvolvendo unha metodoloxía e un sistema de ensino propios e de alta calidade, que formou moitas das escritoras e escritores emerxentes na actualidade, depende tamén do recoñecemento da nosa actividade como disciplina artística e, en consecuencia, da súa inclusión na relación de ensinanzas artísticas do artigo 6 da Lei de Ensinanzas Artísticas, actualmente en tramitación parlamentaria.

– Para iso, solicitamos o apoio de todos os grupos políticos e parlamentarios, así como da sociedade en xeral e das escritoras e escritores e demais actores do sector do libro (editoriais, librarías, distribuidoras, lectores e lectoras, etc.), á emenda que se presentou para que as Ensinanzas Artísticas Superiores de Escrita Creativa sexan incluídas na citada Lei.

Galiza, a 28 de febrero de 2024

O conxunto de entidades que apoian este reivindicación da Plataforma Calíope son as seguintes:
Asociación Aragonesa de Escritores
Asociación Colegial de Escritores (ACE)
Asociación de Escritoras e Escritores en Lingua Galega (AELG)
Asociación de Escritores y Escritoras de Asturias (AEA)
Asociación de Mujeres Escritoras e Ilustradoras (AMEIS)
Asociación Europea de Programas de Escritura Creativa (EACWP)
Asociación Navarra de Escritores/as-Nafar Idazleen Elkartea (ANE-NIE)
Asociación Valenciana de Escritores y Críticos Literarios (CLAVE)
Associació d’Escriptors en Llengua Catalana (AELC)
Euskadiko Idazleen Elkartea/Asociación de Escritores de Euskadi (EIE)
Nueva Asociación Canaria de Escritores (NACE)
Sociedad Cántabra de Escritores
Atrapavientos
Bibliocafé
Billar de Letras
Escola d´escriptura de l´Ateneu barcelonés
Escuela de Escritores
Escuela de Imaginadores
Escuela Selecta de Escritura
Espacio 17 Musas
Estudio de Escritura
La Plaza de Poe
Laboratori de Lletres
Taller de Escritura Creativa Clara Obligado
Taller de Escritura Creativa Fuentetaja

Manifesto da Asociación de Escritoras e Escritores en Lingua Galega no Día de Rosalía de Castro 2024

ROSALÍA: O AMOR DA PATRIA GALEGA

Follas novas era castigada vilmente.

Por xiadas, por calores,
desde que amañece o día
dou á terra os meus sudores
mais canto esta terra cría,
todo… todo é dos señores.

O que me conmoveu sempre, e polo tanto non podía deixar de ter un eco na miña poesía, foron as innumerables coitas das nosas mulleres (…). No campo compartindo mitade por mitade cos seus homes as rudas faenas, na casa soportando valerosamente as ansias da maternidade, os traballos domésticos e as arideces da probeza. Soias o máis do tempo, tendo que traballar de sol a sol, e sin axuda pra mal manterse (…).

Solo a virxe é máis hermosa
que eres ti, bendita santa,
i o teu rostro pelegrino,
o temido demo espanta.

De ti, vivo namorada,
en ti penso con fervore.
Que eu ben sei que che contenta
este puro e santo amore.

Quen poidera…! Quen poidera…!
Xunta ti vivir segura,
manantial que mel derrama
pura fonte de ternura!

Probe Galicia, non debes
chamarte nunca española,
que España de ti se olvida
cando eres, ai!, tan hermosa.

…que es el silencio hermano de la muerte
y yo no quiero que mi patria muera,
sino que como Lázaro, ¡Dios bueno!,
resucite a la vida que ha perdido,
y con voz alta que a la gloria llegue,
le diga al mundo que Galicia existe.

Carlos Callón
Asociación de Escritoras e Escritores en Lingua Galega (AELG)
#_rdc2024 #oamordapatriagalega

O Manifesto pode descargarse en formato .pdf aquí.

Día de Rosalía de Castro 2024

A Asociación de Escritoras e Escritores en Lingua Galega (AELG) conmemora un ano máis o Día de Rosalía de Castro.

Para o 23 de febreiro, data do aniversario do nacemento da autora, esta entidade propón desde 2010 á cidadanía que agasalle cun libro en galego e cunha flor ás amizades e persoas queridas, alén doutras accións que contan con grande aceptación e impulso por parte da sociedade, e moi especialmente polo sector educativo, como se pode comprobar no arquivo audiovisual e de imaxes da nosa web.

Nesta edición de 2024 Carlos Callón foi a persoa encargada da redacción do Manifesto da AELG, que será lido no acto central do Día de Rosalía de Castro, o sábado 24 de febreiro no Panteón de Galegos Ilustres, en Santiago de Compostela. O texto será tamén lido en todos os actos promovidos pola AELG, así como nos organizados por outras entidades que se sumen ás propostas de concellos, asociacións e centros de ensino.

O lema escollido para este 2024 foi: #oamordapatriagalega

O cartel pode ser descargado en formato pdf aquí, e en png aquí.

Manifesto da Asociación de Escritoras e Escritores en Lingua Galega no Día de Rosalía de Castro 2024

ROSALÍA: O AMOR DA PATRIA GALEGA

Hai século e medio, unha moza con pouco máis de vinte anos mudou a Historia. Iso de mudar a Historia non é cousa que aconteza todos os días. Ela era consciente de que os seus libros abrían camiños, que con eles “levantaba unha bandeira” da que non ía desertar. De feito, este recanto do mundo chamado Galiza non é o mesmo após Rosalía de Castro. Hai un antes e un despois.

As palabras que lanzou abriron moitos ollos e calmaron moitas sedes. Non é difícil decatarse da sequidade nos beizos desa cultura silenciada por xeracións e xeracións, mesmo con violencia. Na escola —nunca o esquezamos—, a rapazada que usaba a lingua de Follas novas era castigada vilmente.

As palabras de Rosalía dábanlle dignidade e sentido á fala do pobo galego e ás súas vidas sen nome. As traballadoras e os traballadores conseguían un espello para pensar e un altofalante para denunciar os abusos que padecían:

Por xiadas, por calores,
desde que amañece o día
dou á terra os meus sudores
mais canto esta terra cría,
todo… todo é dos señores.

As mulleres, condenadas desde o berce a unha cadea perpetua de explotación e mudez, gañaban o dereito á palabra:

O que me conmoveu sempre, e polo tanto non podía deixar de ter un eco na miña poesía, foron as innumerables coitas das nosas mulleres (…). No campo compartindo mitade por mitade cos seus homes as rudas faenas, na casa soportando valerosamente as ansias da maternidade, os traballos domésticos e as arideces da probeza. Soias o máis do tempo, tendo que traballar de sol a sol, e sin axuda pra mal manterse (…).

Diversas formas de amar e de vivir a sexualidade (o que hoxe chamamos LGBTQ) sobardaban as censuras:

Solo a virxe é máis hermosa
que eres ti, bendita santa,
i o teu rostro pelegrino,
o temido demo espanta.

De ti, vivo namorada,
en ti penso con fervore.
Que eu ben sei que che contenta
este puro e santo amore.

Quen poidera…! Quen poidera…!
Xunta ti vivir segura,
manantial que mel derrama
pura fonte de ternura!

E Galiza, a quen ela, a pesar de tantos ataques, sempre defendeu con perseveranza como a súa “patria”, forxaba as chaves para soñar un mañá diferente:

Probe Galicia, non debes
chamarte nunca española,
que España de ti se olvida
cando eres, ai!, tan hermosa.

“O amor da patria me afoga”, escribiu na obra con que inaugurou a literatura galega contemporánea. O seu inmenso segundo libro no noso idioma vai dedicado ás persoas que se organizaban “volvendo para a súa patria os ollos e o corazón”. A patria galega, sempre a patria galega no centro dos seus desacougos, tamén na súa obra en castelán:

…que es el silencio hermano de la muerte
y yo no quiero que mi patria muera,
sino que como Lázaro, ¡Dios bueno!,
resucite a la vida que ha perdido,
y con voz alta que a la gloria llegue,
le diga al mundo que Galicia existe.

Ese amor que ela aqueceu e proxectou é un alento que aínda hoxe mapea horizontes, abre porvires e renace día a día en cada persoa que levanta a cabeza para que Galiza exista, nun mundo mellor, diverso e igualitario. Un mundo, en fin, máis rosaliano.

                                                                                               Carlos Callón
Asociación de Escritoras e Escritores en Lingua Galega (AELG)
#_rdc2024 #oamordapatriagalega

O Manifesto pode descargarse en formato .pdf aquí.

Actos promovidos pola AELG

Acto central. Panteón de Galegos Ilustres (San Domingos de Bonaval), Santiago de Compostela

O acto central do Dí­a de Rosalía de Castro tivo lugar o sábado 24 de febreiro, ás 12:00 horas, no Panteón de Galegos Ilustres (San Domingos de Bonaval), en Santiago de Compostela.

Este é foi o programa definitivo:

Intervención do coro da Asociación Cultural e Musical Solfa.

Saúda do Presidente da AELG, Cesáreo Sánchez Iglesias.

Lectura do Manifesto da AELG neste 2024, Carlos Callón

Lectura de poemas rosalianos

– Francisco Tobar Cereijo (A. C. Solfa)

– Celsa Astray (Asociación do Traxe Galego)

Henrique Alvarellos (Asociación Galega de Editoras)

– Patricia Porto Paderne (Federación de Librarías de Galicia)

– Luís Pérez (Alcaldía de Ribeira)

– María Lago Lestón (Alcaldía de Muros)

Suso de Toro (escritor)

– Mohamed Safa (autor palestino)

Paula Carballeira (escritora)

Intervención do coro da Asociación Cultural e Musical Solfa.

Ofrenda floral

Interpretación do himno

A Coruña

En colaboración coa A. C. Alexandre Bóveda, o 23 de febreiro, ás 17:00 horas, diante do Teatro Rosalía, tivo lugar a lectura do Manifesto da AELG, elaborado por Carlos Callón, e unha posterior lectura pública da obra de Rosalía. A parte musical correu a cargo de Xosé Manuel Sánchez Rei.

Lugo

O 23 de febreiro, ás 12:00 horas, no Auditorio do Vello Cárcere (Praza da Constitución, s/n.), decorreu a conmemoración do Día de Rosalía de Castro en Lugo, organizado pola AELG, coa colaboración da Área de Cultura, Turismo e Promoción da Lingua do Concello de Lugo.

O acto consistiu na lectura do Manifesto da AELG elaborado neste 2024 por Carlos Callón e a lectura pública de poemas de Rosalía.

Vigo

O 23 de febreiro, ás 17:00 horas, decorreu a conmemoración do Día de Rosalía de Castro en Vigo, coorganizado entre a AELG e a Asociación Cultural O Castro de acordo co seguinte programa:
– Hora de inicio: 17:00 h.
– Lugar: Imprenta de Juan Compañel e Centro Social A Revolta (Rúa Real nº 12, Vigo).
– Desenvolvemento: colocación dunha ofrenda floral na imprenta Juan Compañel e lectura do manifesto e de poemas de Rosalía no local social da Revolta.

Actos organizados por outras entidades

Actos da Fundación Rosalía (Padrón e Compostela)

Toda a información aquí.

Fundación Xistral

A Mesa pola Normalización Lingüística

Betanzos

Boiro

O Carballiño

Finalmente tivo lugar no Centro Sociocomunitario do Carballiño, na rúa Julio Rodríguez Soto, ás 18:30 horas.

Carnota

Sargadelos (Cervo)

Cospeito (San Martiño de Pino)

Lugo

Madrid

A Revista de Poesía Galega en Madrid, OLGA, e o grupo Bilbao, seguindo a iniciativa da Asociación de Escritoras e Escritores en Lingua Galega, convocou un acto de homenaxe a Rosalía de Castro, como é habitual desde o ano 2013, diante do seu primeiro domicilio madrileño, rúa de la Ballesta 13. O acto estivo coordinado por Vicente Araguas e Manuel Pereira Valcárcel, e ao mesmo adheríronse a Asociación de Mulleres no Exterior Rosalía de Castro e representantes da organización Galiza Nova. Neste encontro recordouse a vida en Madrid de Rosalía, léronse poemas seus, así como o Manifesto da AELG. Despois o grupo despediuse cunha foto colectiva diante da igrexa de San Ildefonso, na que casaron Rosalía de Castro e Manuel Murguía o 10 de outubro de 1858.

Fotos feitas por Manuel Pereira Valcárcel e Chus Rico.

Moaña

Narón

Outeiro de Rei

Padrón

Pontevedra

Pontevedra celebrou o Día de Rosalía de Castro lendo a súa obra de xeito colectivo. Desde a área de Normalización Lingüística e en colaboración coa AELG, realizarase un acto no local social do Gorgullón, conducido pola poeta Miriam Ferradáns e ambientado polo colectivo artístico O Fruto e a serpe

Ribadeo

Santiago de Compostela

A actividade completa pode verse aquí.

Soutomaior

Vilalba

Actividades nos centros de ensino

– CEIP San Clemente de Cesar (Caldas de Reis). Poden verse as actividades levadas a cabo na web do centro.

– CEIP de Corvillón (Cambados).

– CEIPP Os Casais (Maniños-Fene. Poden verse as actividades realizadas no blog do centro.

– CEIP Cruceiro de Canido (Ferrol). Aquí poden verse as actividades feitas no centro.

– CEIP de Casás (Lugo). Nas redes sociais do centro poden verse as actividades levadas a cabo.

– CEIP Sequelo (Marín). Poden verse as actividades realizadas na web do centro.

– CEIP Plurilingüe Virxe do Mar (Narón).

– CEIP Virxe da Covadonga (Ourense). Esta foi a actividade levada a cabo no centro.

– CEIP de Cedeira (Redondela). Nas redes sociais do centro poden verse as actividades realizadas.

– CEIP de Frións (Ribeira). Pode verse a actividade aquí.

– CEIP Carlos Casares (Alxén, Salvaterra do Miño). Poden verse as actividades levada a cabo na web do centro.

– CEIP Ramón de Valenzuela (Silleda).

– CEIP Plurilingüe Virxe do Carme (Sober). Poden verse as actividades levadas a cabo no blog do centro.

– CEIP Barrantes (Tomiño).

– CEIP Pintor Laxeiro (Vigo). Este curso os nenos e as nenas plasmaron os seus soños en debuxos e adicáronllos a Rosalía  nunha actividade titulada “24 sonos para Rosalía”. Ademais, fixeron un rego simbólico da roseira plantada no horto en homenaxe á insigne escritora. Nas clases recitáronse poemas, confeccionáronse tarxetas conmemorativas e realizáronse representacións plásticas sobre a vida e obra da autora. O resumo dos traballos pódese ver nesta ligazón.

– CEIP Virxe do Rocío (Coia, Vigo). Poden verse aquí as actividades realizadas.

– CPI da Cañiza. En secundaria fixeron uns marcapáxinas coa máquina de láser e en infantil e primaria traballaron varios poemas cos que se fixeron debuxos e logo unha colaxe.

– CPI Ponte Carreira (Frades).

– CPI Plurilingüe Arquitecto Palacios (Panxón-Nigrán). O venres 23 de febreiro todo o alumnado levou unha chapa coa imaxe de Rosalía de Castro e plantou pensamentos no horto ecolóxico en honor á escritora homenaxeada, xa que era a súa flor preferida. Despois da lectura do Manifesto da AELG todo o alumnado viu un vídeo sobre a autora e logo recitou algúns dos poemas máis coñecidos dela. Para finalizar o grupo de frautas do colexio interpretou o Negra sombra. Ademais, nesa semana todo o alumnado fixo nas aulas as actividades propostas pola AELG.

– CPI Fonte-Díaz (Touro). Poden verse as actividades realizadas aquí.

– CPI Viaño Pequeno (Trazo). As actividades feitas neste centro poden verse no seu blog.

– CPI do Toural (Vilaboa). Realizáronse videopoemas a partir de tres textos de Rosalía de Castro, así como caligramas para Rosalía, onde o alumnado debuxou varios poemas da autora a través da palabra e das artes plásticas. Pode verse unha mostra aquí.

– CPR A Merced (Sarria). Pode verse a actividade feita aquí.

– Colexio Maristas (Lugo). Esta foi a actividade desenvolta.

– Colexio La Inmaculada (Marín). Así se desenvolveron as actividades neste centro.

– Colexio Jaime Balmes (Noia). Poden verse as actividades feitas por este centro aquí.

– Colexio Plurilingüe Abrente (Pontevedra). Poden verse as actividades organizadas neste centro aquí.

– EEI San Roque (Viveiro). Aquí poden consultarse as actividades levadas a cabo.

– IES Lamas de Castelo (Carnota). Fíxose un recital poético, xa anunciado na web do centro.

– IES Fin do Camiño (Fisterra).

– IES Auga da Laxe (Gondomar). Poden verse as actividades na web do centro. “O 23 de febreiro o IES Auga da Laxe celebrou de 11:20h a 12:00h un acto no que se incluíron diferentes propostas desenvolvidas polo noso alumnado da ESO: lectura do manifesto da AELG, de Carlos Callón, baixo o lema “Rosalía: o amor da patria galega”; lectura de varios poemas de Rosalía; interpretación do poema “Adiós ríos, adiós fontes”; teatralización do poema “Xan” e reparto de poemas de Rosalía. O acto, que contou coa colaboración do Concello de Gondomar, enmarcouse dentro das actividades promovidas pola Asociación de Escritoras e Escritores en Lingua Galega (AELG), con motivo do Día de Rosalía 2024, baixo o lema #oamordapatriagalega. Ademais, durante esa semana o alumnado dos distintos niveis educativos achegouse á Praza Rosalía de Castro para realizar unha ficha de traballo elaborada polo departamento de Lingua Galega e Literatura, na que se incluíron actividades didácticas que lle permitiron ao alumnado facer un achegamento á obra de Rosalía a través dos versos e referentes que se poden atopar na praza. Por último, o día 23 o patio central do instituto acolleu un espazo cunha mostra de obras de Rosalía que se poden atopar na biblioteca do centro e unha cesta con copias de poemas de Rosalía que se puideron coller e levar.”

– IES Ánxel Fole (Lugo). As actividades levadas a cabo poden verse no blog do centro.

– IES Fontexería (Muros). Poden verse as actividades na páxina web do centro. “Desde o EDLG xa “personalizamos” o cartel cos nosos logos, e o cancelo #oamordapatriagalega espertou a lectura de versos e do manifesto.  Colaborouse coa exposición de obras plásticas que creou o alumnado de EPVA: O alumnado de 3º ESO fixo un debuxo de Rosalía, e o de 1º da ESO acompañou versos cuns pequenos “libriños”  a modo “pop up”. O Departamento de Galego colocou na entrada un posto con versos (escritos polo alumnado) e flores que se repartiron entre a comunidade educativa. Tamén o Departamento promoveu entrevistas polas rúas do concello sobre os coñecementos que hai ao redor da figura de Rosalía e o seu Día. O EDLG participou na montaxe e proxección desas entrevistas previamente gravadas.”

– IES Xunqueira II (Pontevedra). Nas redes sociais do centro poden verse as actividades realizadas.

– IES O Porriño.

– IES Basanta Silva (Vilalba). Aquí poden verse as actividades realizadas neste centro.

– CIFP Paseo das Pontes (A Coruña). Estas foron as actividades arredor do Día de Rosalía no centro.

– CIFP Portovello (Ourense). Aquí poden verse as actividades levadas a cabo.

Propostas da Asociación de Escritoras e Escritores en Lingua Galega para a celebración do Día de Rosalía de Castro nos centros de ensino

O lema é: #oamordapatriagalega

Esta é a proposta que enviamos para 2024, mais en todo caso, está sempre aberta a que poidades complementala desde as perspectivas que sexan da vosa consideración.

Educación Infantil e Primeiro ciclo de Educación Primaria

Le este versos de Rosalía na clase e elabora un debuxo co que che inspiren:

Que feira, rapaza,
si cantas faremos…!
Festiña por fóra,
festiña por dentro. (…)

Así mo pediron
na beira do mar,
ao pé das ondiñas
que veñen e van.

Así mo pediron
na beira do río
que corre antre as herbas
do campo frorido.

Cantaban os grilos,
os galos cantaban,
o vento antre as follas
runxindo pasaba.

Campaban os prados,
manaban as fontes
antre herbas e viñas,
figueiras e robres.

Elaborade unha colaxe cos debuxos.

Segundo e Terceiro ciclo de Educación Primaria

Le o poema “Adiós ríos, adiós fontes”, que é a despedida dun home que ten que deixar o lugar onde naceu para procurar traballo lonxe. A persoa que se expresa neses versos é consciente de que probabelmente non poida voltar nunca ao seu país e que vai ter difícil comunicarse de novo cos seus seres queridos: é unha despedida para sempre. Rosalía quixo, a través de poemas coma ese, que se falase de problemas que afectaba a moitas galegas e moitos galegos sen poder e sen diñeiro.

– Le o poema como se foses unha actriz / un actor, dándolle a emoción que hai detrás desas palabras.

– Repara na estrutura do poema: son versos de 8 sílabas; a maioría das estrofas son de 4 versos e teñen rima asonante só os versos pares. Tenta facer un poema con esa mesma estrutura, para falar dun problema actual de Galiza, como faría Rosalía se vivise en 2024.

– Atrévete a aprender o poema! Vaste sorprender co fácil que é memorizar estes versos se lles dedicas un tempiño. A escritora elaborou este texto cun ritmo e unha musicalidade que axudan moito á aprendizaxe..

Educación Secundaria e Bacharelato

– Procura na rede a que libros de Rosalía de Castro pertencen cada un dos textos citados no manifesto “Rosalía: o amor da patria galega”.

– Hai un deses textos que non puido publicarse no libro correspondente, porque o prohibiu a censura. Cal foi? Por que motivo achas que aconteceu iso?

– Selecciona un dos textos de Rosalía que se citan no manifesto e elabora unha interpretación visual a través dos recursos que che ofrece o TikTok. Desenvolve a túa creatividade! Podes usar moitas ferramentas de edición de audio e vídeo para adaptar as obras de Rosalía desde o século XIX ao XXI. Non esquezas etiquetar #_rdc2024 #oamordapatriagalega #DíadeRosalía

– Rosalía tentou darlle voz na súa obra a temas que, a pesar de que afectaban as maiorías sociais, non tiñan protagonismo nos debates públicos. Pensa en que temas repararía Rosalía de Castro se vivise en 2024. Ponte na súa pel e elabora un poema para falar dun deses asuntos dos nosos días.

A documentación gráfica xerada por estas actividades foi compartida nas correspondentes redes ou medios de difusión do centro educativo, arredor do 23 de febreiro, ou ese mesmo día, coa etiqueta #oamordapatriagalega e #_rdc2024. A AELG comprométese a colaborar na difusión da mesma a través da súa web e redes sociais, para o que agradecemos se envíe noticia das actividades ao correo oficina@aelg.org. A este mesmo correo podedes comunicarnos a vosa intención de participar nesta iniciativa ou noutras coas que o voso centro celebre o Día de Rosalía 2024, para a irmos facendo constar na nosa web: https://www.aelg.gal/actividades/dia-de-rosalia-de-castro/2024/2/23/dia-de-rosalia-de-castro-2024

Desde a AELG, convidamos á comunidade educativa a que se implique de forma activa nesta festa que celebra o nome e a obra da poeta maior de Galicia, chave mestra da nosa literatura e da nosa conciencia como pobo.

#_rdc2024  #oamordapatriagalega. O Día de Rosalía de Castro nas redes sociais

– Twitter

– Facebook

Instagram

Proposta da AELG para levar unha moción aos plenos dos Concellos para declararen o 23 de febreiro como Día de Rosalía de Castro

A AELG vén impulsando desde 2011 esta iniciativa. Xa aprobaron a moción os seguintes concellos:

A Coruña, A Estrada, A Guarda, A Pobra do Brollón, A Rúa de Valdeorras, Allariz, Ames, Arteixo, Baiona, Barreiros, Bergondo, Betanzos, Bueu, Burela, Cambados, Cambre, Carballo, Carnota, Cedeira, Cee, Cerceda, Chantada, Entrimo, Fisterra, Foz, Lalín, Lobeira, Melide, Miño, Muros, Narón, O Rosal, Ourense, Padrón, Poio, Ponteareas, Pontedeume, Pontevedra, Porto do Son, Ramirás, Redondela, Rianxo, Ribeira, Riotorto, Rodeiro, Rois, Sada, San Sadurniño, Santa Comba, Santiago de Compostela, Silleda, Teo, Tomiño, Tui, Valdoviño, Vigo, Vilasantar e Xermade. Sumáronse tamén as Deputacións da Coruña, Lugo e Pontevedra.

A AELG continuou a facer chegar aos plenos unha moción neste sentido solicitándolles que recollan esta celebración nas súas programacións culturais.

Compostela: acto central do Día de Rosalía de Castro 2024

O acto central do Día de Rosalía de Castro terá lugar o sábado 24 de febreiro, ás 12:00 horas, no Panteón de Galegos Ilustres (San Domingos de Bonaval), en Santiago de Compostela.

Este é o programa previsto:

Intervención do coro da Asociación Cultural e Musical Solfa.

Saúda do Presidente da AELG, Cesáreo Sánchez Iglesias

Lectura do Manifesto da AELG, por Carlos Callón

Lectura de poemas rosalianos
– Francisco Tobar Cereijo (A. C. Solfa)
– Celsa Astray (Asociación do Traxe Galego)
Henrique Alvarellos (Asociación Galega de Editoras)
– Patricia Porto Paderne (Federación de Librarías de Galicia)
– Luís Pérez (Alcaldía de Ribeira)
– María Lago Lestón (Alcaldía de Muros)
Suso de Toro (escritor)
Paula Carballeira (escritora)
Beatriz Maceda Abeleira (AELG)

Intervención do coro da Asociación Cultural e Musical Solfa.

Ofrenda floral

Interpretación do himno

A AELG lamenta o asasinato en Gaza da poeta palestina Heba Abu Nada

A Asociación de Escritoras e Escritores en Lingua Galega (AELG) amosa o seu profundo pesar polo recente asasinato en Gaza da poeta e novelista palestina Heba Abu Nada, referente na loita polos dereitos das mulleres.

Heba Abu Nada faleceu o pasado 20 de outubro a consecuencia dun dos ataques realizados por Israel contra a poboación palestina. Na véspera, escribira: “Se morremos, saiban que estamos satisfeitos e firmes, e díganlle ao mundo, no noso nome, que somos persoas xustas do lado da verdade”. Tiña 32 anos, era bioquímica e nutricionista, ademais de poeta e autora de novelas como O osíxeno non é para os mortos.

O seu último poema testemuñaba a situación que está a vivir o pobo palestino:

“A noite na cidade é escura, excepto polo brillo dos mísiles,
silenciosa, excepto polo son do bombardeo,
aterradora, excepto pola promesa tranquilizadora da oración,
negra, excepto pola luz dos mártires.”

A AELG quere reiterar o seu total rexeitamento a calquera forma de violencia e a súa solidariedade cos milleiros de persoas palestinas, moitas delas crianzas, que seguen estando en perigo na franxa de Gaza, tal e como xa recolleu nun comunicado feito público o pasado 15 de outubro, que se pode ler integramente aquí.

Manifesto da AELG de repulsa á guerra en Palestina

A AELG (Asociación de Escritoras e Escritores en Lingua Galega), que conta entre os seus escritores galegos universais co palestino Mahmud Darwish, quere manifestar a súa total repulsa pola guerra en Palestina.

As escritoras e os escritores galegos, representados na AELG, condenamos toda forma de violencia e expresamos a nosa máxima solidariedade cos millóns de persoas palestinas, entre elas tantas nenas e nenos, que a esta hora ven ameazadas gravemente as súas vidas, privadas de auga potábel, subministración eléctrica ou corredores humanitarios que garantan unha mínima seguridade.

Queremos sinalar tamén que as nosas autoridades e gobernos deben instar á comunidade internacional, nomeadamente a Unión Europea, a que tome cantas medidas estean na súa man para deter o xenocidio que se está a cometer co pobo palestino, valéndose de prácticas terroristas, negando o cumprimento estrito do dereito internacional e incumprindo o artigo 33 do IV Convenio de Xenebra, que protexe as e os civís: “Non se castigará ningunha persoa protexida por infraccións que non cometese. Están prohibidos os castigos colectivos, así como toda medida de intimidación ou de terrorismo».

Ao tempo, refugamos que o mundo da cultura e, nomeadamente o literario, sexa tamén vítima deste conflito, por vía da censura e da  negación aos escritores e escritoras palestinos dos recoñecementos e da difusión aos que ten dereito a súa obra literaria, como vén de acontecer coa escritora palestina Adania Shibli na Feira de Frankfurt.

Finalmente, a AELG anima toda a cidadanía a participar nas mobilizacións previstas para mañá en varias vilas e cidades do país, convocadas pola Asociación Galaico Árabe Jenin, BDS Galiza, Galiza por Palestina e Mar de Lumes.

Manifesto Queremos Galego no Congreso 2023

MANIFESTO QUEREMOS GALEGO


“Ante a presentación o martes 19 de setembro de 2023 da reforma do Regulamento do Congreso mediante a cal se permitirá que se empreguen todas as linguas que teñen a condición de oficiais no Estado español, as persoas abaixo asinantes queremos manifestar o seguinte:
– Apoiamos que se produza a aprobación desta iniciativa que permitirá achegar a nosa lingua a un ámbito institucional onde até o de agora non estaba permitido o seu emprego. Non sen tempo se produce a corrección desta anormalidade democrática e non podemos máis que valorala moi positivamente.
– Agardamos que as nosas e os nosos representantes na Cámara Baixa sexan consecuentes co compromiso co seu país e que empreguen a lingua galega a partir de agora en todas as intervencións que realicen, contribuíndo desta maneira non só ao seu coñecemento e divulgación, senón tamén ao seu prestixio e normalización.
– A oposición que amosa o Partido Popular a esta medida non por agardada é menos dolorosa. Máis aínda cando pensamos que é o Partido Popular quen mantén o goberno galego que ten entre as súas obrigas, segundo se desprende do noso Estatuto de Autonomía, a de potenciar a súa presenza e uso en todos os ámbitos. Emprazamos, por tanto, ao Partido Popular, a que tamén se sume ao resto de forzas políticas para apoiar esta modificación do Regulamento do Congreso.

Henrique Alvarellos. Presidente da Asociación Galega de Editoras.
Carlos Amoedo. Presidente de Praza Pública.
Xosé Luis Armesto Barbeito. Reitor UDC (2012-2016).
José María Barja. Reitor UDC (2004-2011).
Mercé Barrientos. Presidenta da Federación Galega de Taekwondo (2003-2014) e Directiva e fundadora de MUDEGA.
Marta Bobo Arce. Ximnasta Olímpica, Xogos de 1984 (Os Ánxeles, EEUU).
Quico Cadaval. Teatreiro.
Marica Campo. Escritora.
Paula Carballeira. Actriz e escritora.
Paulo Carril. Secretario Xeral da CIG.
Xosé Manuel Carril. Presidente de Galiza Cultura, a Federación de Asociacións Culturais Galegas.
Gustavo César Veloso. Exciclista profesional e director deportivo.
Xoan Costa. Presidente do Consello de Administración de Sermos Galiza.
Ledicia Costas. Escritora.
Alba Cuba. Adestradora e subcampeona Estatal junior de declatón.
Xabier Díaz. Músico.
Paula Domínguez “Pauleta”. Futbolista galega, actual capitana do Benfica.
Dalila Dopazo Blanco. Maxistrada do xulgado do social n° 3 de Lugo e membro do IXUGA.
Cristina Fernández Piñeiro. Primeira muller arbitra de Balonmán en Europa.
Elena Ferro. Zoqueira.
Ana Isabel Filgueiras Rei. Arqueóloga.
Víctor Freixanes. Presidente da RAG.
Pilar García Negro. Docente e escritora.
Leandro Lamas. Pintor.
Margarita Ledo Andión. Directora de cinema.
Olaia Maneiro. Tanxugueiras.
Sabela Maneiro. Tanxugueiras.
Almudena Marcos Maroño. Responsábel Museo do Humor de Fene.
Xaquín Marín. Humorista gráfico.
Salustiano Mato de la Iglesia. Reitor UVIGO (2010-2018).
Isabel Naveira. Actriz.
Carlos Negro. Docente e escritor.
María Obelleiro. Directora de Nós diario.
Xabier Queipo. Escritor.
María Reimóndez. Escritora.
Isabel Risco. Actriz.
Manuel Rivas. Escritor, xornalista, guionista.
Ana Romaní. Xornalista e escritora.
Marga Romero (Marga do Val). Escritora.
Xurxo Salgado. Director de Galicia Confidencial.
Cesáreo Sánchez Iglesias. Presidente da AELG.
Iria Sobrado. Actriz.
Fernanda Tabarés. Xornalista.
Aida Tarrío. Tanxugueiras.
Suso de Toro. Escritor.
Xosé A. Touriñán. Actor e presentador.
Uxía. Cantora e compositora.
Vitor Vaqueiro. Escritor.
Patricia Varela. Presidenta da Asociación Socio-Pedagóxica Galega (AS-PG).
Juan Viaño Rey. Reitor USC (2014-2018).
David Lombao. Director de Praza Pública.
Anxo Louzao. Coordinador de Vía Galega.
Marcos Maceira. Presidente da Mesa.”

As persoas interesadas poden asinar o Manifesto aquí.

Manifesto Queremos Galego no Congreso

MANIFESTO

“Ante a presentación o martes 19 de setembro de 2023 da reforma do Regulamento do Congreso mediante a cal se permitirá que se empreguen todas as linguas que teñen a condición de oficiais no Estado español, as persoas abaixo asinantes queremos manifestar o seguinte:

1. Apoiamos que se produza a aprobación desta iniciativa que permitirá achegar a nosa lingua a un ámbito institucional onde até o de agora non estaba permitido o seu emprego. Non sen tempo se produce a corrección desta anormalidade democrática e non podemos máis que valorala moi positivamente.
2. Agardamos que as nosas e os nosos representantes na Cámara Baixa sexan consecuentes co compromiso co seu país e que empreguen a lingua galega a partir de agora en todas as intervencións que realicen, contribuíndo desta maneira non só ao seu coñecemento e divulgación, senón tamén ao seu prestixio e normalización.
3. A oposición que amosa o Partido Popular a esta medida non por agardada é menos dolorosa. Máis aínda cando pensamos que é o Partido Popular quen mantén o goberno galego que ten entre as súas obrigas, segundo se desprende do noso Estatuto de Autonomía, a de potenciar a súa presenza e uso en todos os ámbitos. Emprazamos, por tanto, ao Partido Popular, a que tamén se sume ao resto de forzas políticas para apoiar esta modificación do Regulamento do Congreso.

Henrique Alvarellos. Presidente da Asociación Galega de Editoras.
Carlos Amoedo. Presidente de Praza Pública.
Xosé Luis Armesto Barbeito. Reitor UDC (2012-2016).
José María Barja. Reitor UDC (2004-2011).
Mercé Barrientos. Presidenta da Federación Galega de Taekwondo (2003-2014) e Directiva e fundadora de MUDEGA.
Marta Bobo Arce. Ximnasta Olímpica, Xogos de 1984 (Os Ánxeles, EEUU).
Quico Cadaval. Teatreiro.
Marica Campo. Escritora.
Paula Carballeira. Actriz e escritora.
Paulo Carril. Secretario Xeral da CIG.
Xosé Manuel Carril. Presidente de Galiza Cultura, a Federación de Asociacións Culturais Galegas.
Gustavo César Veloso. Exciclista profesional e director deportivo.
Xoan Costa. Presidente do Consello de Administración de Sermos Galiza.
Ledicia Costas. Escritora.
Alba Cuba. Adestradora e subcampeona Estatal junior de declatón.
Xabier Díaz. Músico.
Paula Domínguez “Pauleta”. Futbolista galega, actual capitana do Benfica.
Dalila Dopazo Blanco. Maxistrada do xulgado do social n° 3 de Lugo e membro do IXUGA.
Cristina Fernández Piñeiro. Primeira muller arbitra de Balonmán en Europa.
Elena Ferro. Zoqueira.
Ana Isabel Filgueiras Rei. Arqueóloga.
Víctor Freixanes. Presidente da RAG.
Pilar García Negro. Docente e escritora.
Leandro Lamas. Pintor.
Margarita Ledo Andión. Directora de cinema.
David Lombao. Director de Praza Pública.
Anxo Louzao. Coordinador de Vía Galega.
Marcos Maceira. Presidente da Mesa.
Olaia Maneiro. Tanxugueiras.
Sabela Maneiro. Tanxugueiras.
Almudena Marcos Maroño. Responsábel Museo do Humor de Fene.
Xaquín Marín. Humorista gráfico.
Salustiano Mato de la Iglesia. Reitor UVIGO (2010-2018).
Isabel Naveira. Actriz.
Carlos Negro. Docente e escritor.
María Obelleiro. Directora de Nós diario.
Xabier Queipo. Escritor.
María Reimóndez. Escritora.
Isabel Risco. Actriz.
Manuel Rivas. Escritor, xornalista, guionista.
Ana Romaní. Xornalista e escritora.
Marga Romero (Marga do Val). Escritora.
Xurxo Salgado. Director de Galicia Confidencial.
Cesáreo Sánchez Iglesias. Presidente da AELG.
Iria Sobrado. Actriz.
Fernanda Tabarés. Xornalista.
Aida Tarrío. Tanxugueiras.
Suso de Toro. Escritor.
Xosé A. Touriñán. Actor e presentador.
Uxía. Cantora e compositora.
Vitor Vaqueiro. Escritor.
Patricia Varela. Presidenta da Asociación Socio-Pedagóxica Galega (AS-PG).
Juan Viaño Rey. Reitor USC (2014-2018).”