O sábado 8 de maio, Cesáreo Sánchez Iglesias, presidente da AELG, recibiu, en representación da entidade, a Insignia de Prata do Museo do Pobo Galego, ao cumprirse 25 anos como socias/os do Museo apoiando as súas actividades.
Agradecendo enormemente este recoñecemento, animamos a todas as persoas conscientes e interesadas pola cultura galega a se faceren socias/os do MPG, e facilitar así a continuidade do seu magnífico traballo.