Organizada pola Asociación de Escritores en Lingua Galega, mañá martes día 25 do mes que andamos, ás 19,30 horas no salón de actos da Escola Oficial de Idiomas de Compostela (rúa Ulpiano Villanueva, 1-2), o escritor e xornalista portugués Jorge Marmelo dictará unha conferencia baixo título “A literatura como diamante que faz explodir ao contrário”.
Jorge Marmelo naceu en Porto en 1971, onde exerce como xornalista desde 1989. En 1996 inicia o seu periplo como escritor de ficción coa obra O homem que julgou morrer de amor, para publicar logo Portugués, guapo y matador (1997); “Nome de tango” (1998); As mulheres deviam vir com livro de instruções (1999); O amor é para os parvos (2000); Palácio de cristal, jardim paraíso (2000); Sertao dourado (2001); Paixoes & embirrações (2002); Oito cidades e uma carta de amor (2003); A menina gigante (2003); Os fantasmas de Pessoa (2004); O silêncio de um homem só (2004, Grande Prémio do Conto Camilo Castelo Branco); Os olhos do homem que chorava no rio (2005) e O peixe Baltazar (2005). Publica habitualmente textos e contos en diferentes antoloxías e publicacións de Portugal, Brasil, México e Francia.
Arquivos mensuais: Novembro 2008
Vídeo: Lucía Aldao, María Lado e Estevo Creus no Xarabal do Roncudo
Vídeo recentemente publicado por María Lado sobre O Xarabal do Roncudo 2007, semana cultural organizada en Corme por varias asociacións da Costa da Morte. (Casatlántica)
O escritor anglosaxón Bali Rai visitará varios institutos de Galicia
O escritor, que ten no seu haber preto dunha vintena de títulos, algúns de tanta repercusión coma Rani & Sukh ou The crew e prestixiosos premios coma o “Brandford Boase Award Shorlist” ou o “Angus Book Award”, estará en varios institutos de Galicia entre o 24 e o 27 de novembro:
Luns día 24 – Sada (IES Isaac Díaz Pardo) e Arteixo ( IES Manuel Murguía)
Mates día 25 -Catoira (CPI de Progreso) e Sada (clube de lectores do IES Isaac Díaz Pardo)
Mércores día 26 – Boiro (Casa da Cultura con alumnos do IES A Cachada) e A Coruña (clube de lectores do IES Menéndez Pidal)
Xoves día 27 – Santiago de Compostela (IES Antón Fraguas) e Silleda (IES Pintor Colmeiro)
Bali Rai confírmase xa como un dos escritores máis prolíficos e de maior éxito na literatura anglosaxona xuvenil. (Sotelo Blanco Edicións)
Compostela: Poesia para Ver / Ler, de Igor Lugris
«Já levavamos tempo anunciando que a exposición “Poesia para Ver / Poesia para Ler” chegaria a Compostela. E agora podemos concretar datas. Do 27 de Novembro ao 27 de Dezembro, estará no Centro Social O Pichel, o local da Gentalha do Pichel. E na sexta-feira, 28, faremos um recital com uns amigos, como acto de inauguraçom, com a participaçom dos poetas Séchu Sende, Alberto Momam e Baldo Ramos, e a actuaçom musical de José Constenla.» (Ovnis e Isoglossas)
Ferrol: conferencia de Elsa Oesterhed, membro das Nais da Praza de Maio da Arxentina
O luns 24 de novembro, ás 20:00 na Galería Sargadelos Ferrol, terá lugar a conferencia de Elsa Oesterhed, membro das Nais da Praza de Maio da Arxentina. (Galería Sargadelos de Ferrol)
Concurso de micro-relatos “Implicadas/os no desenvolvemento”
Implicadas/os no desenvolvemento convoca a IV edición do seu concurso de micro-relatos ao redor do tema do seu décimo aniversario, que se vén celebrando ao longo deste ano 2008. Bases.
Lugo: Congreso Internacional de Literatura hispánica e Prensa Periódica (1875-1931)
O escritor anglosaxón Bali Rai percorrerá os institutos galegos ao longo da próxima semana
O escritor, que ten no seu haber preto dunha vintena de títulos, algúns de tanta repercusión coma Rani & Sukh ou The crew e prestixiosos premios coma o “Brandford Boase Award Shorlist” ou o “Angus Book Award”, percorrerá ao longo da próxima semana os centros educativos da Coruña, Sada, Arteixo, Silleda, Catoira, Boiro e Santiago de Compostela para partillar cos rapaces e rapazas a súa experiencia de fillo de emigrantes hindús -punxabis- e os seus problemas de integración dentro dunha cultura tan diferente como é a anglosaxona. Este diálogo cara a cara cos rapaces terá como punto de partida a presentación do seu libro Un casoiro ben mal amañado, editado recentemente por Sotelo Blanco. A obra, destinada a un público xuvenil, retrata, cunha linguaxe áxil e sen complexos, o conflito que representa para un rapaz adolescente desafiar as ríxidas estruturas patriarcais da cultura punxabi e forxarxe a si mesmo para procurar a propia identidade. (Sotelo Blanco Edicións)
Ourense: presentación do libro O aire, a luz e o canto. Poesía reunida 1987-2006, de Víctor Campio Pereira
O venres 28 de novembro, ás 19:00 na sala de conferencias do Centro de Desenvolvemento Caixanova (Avenida de Pontevedra 9), terá lugar a presentación do libro O aire, a luz e o canto. Poesía reunida 1987-2006 (Pen Clube – Arte de Trobar), de Víctor Campio Pereira. Intervirán Luís González Tosar, Manuel Outeiriño, Xesús Alonso Montero e Kamo Petrosyan (violín).
O tradutor en liña para galego e inglés de Imaxin
Ver na páxina de Imaxin.
