Arquivo da categoría: Roteiros
Lugo: presentación e roteiro arredor de As estacións do lobo, con María Reimóndez
Desde
o Concello de Lugo:
“O 7 de febreiro, ás 20:00 horas, no Patio do Vello Cárcere de Lugo, María Reimóndez presenta As estacións do lobo, publicada po Xerais. No acto participan, xunto á autora, Montse Paz, Mercedes Peón, Eva Teijeiro, Montse Dopico e Ánxela Lema, quen falarán das súas lecturas dos libros que compoñen o Ciclo dos elementos.
Posteriormente, o sábado 8 de febreiro, a autora organiza un roteiro pola cidade de Lugo. Comezará ás 11:00 horas, cunha duración aproximada de 2 horas na gasolineira de San Rafael, na Avenida da Coruña 310, e rematará na estación de autobuses. “Iremos camiñando sen présa e parando en diferentes lugares, algúns deles con espazo para descansar”, indicou María Reimóndez, que engadiu “procuraremos que o paseo sexa relaxado, tamén para os cans participantes”.
As persoas que desexen inscribirse deberán anotarse neste formulario.
As prazas son limitadas e asignaranse por orde de inscrición, que pechará o día 7 de febreiro ás 20 horas.”
Crónica fotográfica do Paseo pola Pontevedra Literaria con MN Soutelo
Estas son algunhas das fotografías do Paseo pola Pontevedra Literaria con MN Soutelo, celebrado o pasado 18 de xaneiro. A crónica fotográfica completa pode verse aquí (fotografías realizadas por Era Comunicación).
Vigo: visita guiada á exposición “Colmeiro. Espazos e encadramentos”, con Xosé Carlos López Bernárdez
O
24 de xaneiro, ás 19:00 horas, no Museo MARCO de Vigo, terá lugar a inauguración da exposición “Colmeiro. Espazos e encadramentos“, seguida dunha visita guiada á exposición a cargo do comisario, Carlos L. Bernárdez.
Paseo pola Pontevedra literaria, con MN Soutelo, o 18 de xaneiro
O
Paseo pola Pontevedra literaria con MN Soutelo é unha iniciativa da AELG desenvolvida coa colaboración e patrocinio do Concello de Pontevedra.
Inscrición: deberán enviar os seus datos (nome completo, teléfono e enderezo electrónico) a: pontevedraliteraria@gmail.com e indicar que se queren apuntar a este paseo. Inscrición por orde de chegada ao correo electrónico. Prazas limitadas: 50 persoas como máximo.
Sábado, 18 de xaneiro
Paseo A cidade imaxinada: unha memoria familiar, con MN Soutelo, adiado en novembro de 2019 por causas meteorolóxicas.
A Coruña: crónica fotográfica do Paseo pola Coruña Literaria con Antonio Sandoval
Estas son algunhas das fotografías do Paseo pola Coruña Literaria con Antonio Sandoval, celebrado o pasado 30 de novembro. A crónica fotográfica completa pode verse aquí.
Paseo pola Coruña Literaria Outono 2019, con Antonio Sandoval, o 30 de novembro
Os
Paseos pola Coruña Literaria Outono 2019 son unha iniciativa da AELG desenvolvida coa colaboración e patrocinio do Servizo de Normalización Lingüística do Concello da Coruña.
Estes Paseos constitúen unha iniciativa para coñecermos unha cidade diferente da man de diferentes autoras e autores. Todos eles serán ás 12:00 h. e terán unha duración aproximada de hora e media.
Están destinados a persoas maiores de 16 anos e son gratuítos. É necesaria a inscrición, pois están limitados a 55 prazas.
A inscrición pódese facer en Normalización Lingüística, no Centro Ágora, chamando ao 981 184 200 ext. 34322 (a partir das 9:00 h, en calquera dos casos) e no correo lingua@coruna.es, nas datas sinaladas na información sobre cada paseo. O programa previsto é o seguinte:
Sábado 30 de novembro: Antonio Sandoval. As naturezas da Torre. Inscrición desde o 18 de novembro.
Percorreremos os campos que rodean a Torre de Hércules para coñecer a súa rica biodiversidade, que motivou a súa declaración como Espazo Natural de Interese Local. Tamén charlaremos acerca dalgunhas das súas lendas e, en particular, sobre un poema moi especial, así como sobre a literatura de natureza, un xénero en auxe e cada vez máis necesario. Ademais escoitaremos o vento, o mar e uns cantos paxaros!
Adiado o Paseo pola Pontevedra literaria. Outono 2019: MN Soutelo, previsto para o 23 de novembro
Os Paseos pola Pontevedra literaria. Outono 2019 son unha iniciativa da AELG desenvolvida coa colaboración e patrocinio do Concello de Pontevedra.
Este Paseo comezará ás 11:30 h.
Para se inscribir é necesario enviar os seus datos (nome completo, enderezo e correo electrónico) a pontevedraliteraria@gmail.com e indicar a que paseos queren apuntarse. A inscrición farase por orde de chegada ao correo electrónico. Prazas limitadas: 50 persoas.
Adíase a data prevista do sábado 23 de novembro, por causas meteorolóxicas.
A cidade imaxinada: unha memoria familiar
Con MN Soutelo.
A Coruña: crónica fotográfica do Paseo pola Coruña Literaria con María Casar, arredor de Luísa Villalta
Estas son algunhas das fotografías do Paseo pola Coruña Literaria con María Casar, arredor de Luísa Villalta, celebrado o pasado 16 de novembro. A crónica fotográfica completa pode verse aquí.
Paseo pola Coruña Literaria Outono 2019, con María Casar (sobre Luísa Villalta), o 16 de novembro
Os Paseos pola Coruña Literaria Outono 2019 son unha iniciativa da AELG desenvolvida coa colaboración e patrocinio do Servizo de Normalización Lingüística do Concello da Coruña.
Estes Paseos constitúen unha iniciativa para coñecermos unha cidade diferente da man de diferentes autoras e autores. Todos eles serán ás 12:00 h. e terán unha duración aproximada de hora e media.
Están destinados a persoas maiores de 16 anos e son gratuítos. É necesaria a inscrición, pois están limitados a 55 prazas.
A inscrición pódese facer en Normalización Lingüística, no Centro Ágora, chamando ao 981 184 200 ext. 34322 (a partir das 9:00 h, en calquera dos casos) e no correo lingua@coruna.es, nas datas sinaladas na información sobre cada un dos paseos. O programa previsto é o seguinte:
Sábado 16 de novembro: María Casar. Sobre o espello do mar e do vento, arredor de Luísa Villalta. Inscrición desde o 4 de novembro.
Roteiro sobre a poeta e os espazos da cidade da Coruña que poetizou nos seus libros En Concreto e Papagaio. Un camiñar pola paisaxe urbana que sae dos versos e sinala o territorio como xerme da creación. A poeta re-constrúe a Cidade como lugar mítico, como espazo de vida e de historia, na que a música enche os baleiros.
Sábado 30 de novembro: Antonio Sandoval. As naturezas da Torre. Inscrición desde o 18 de novembro.
Percorreremos os campos que rodean a Torre de Hércules para coñecer a súa rica biodiversidade, que motivou a súa declaración como Espazo Natural de Interese Local. Tamén charlaremos acerca dalgunhas das súas lendas e, en particular, sobre un poema moi especial, así como sobre a literatura de natureza, un xénero en auxe e cada vez máis necesario. Ademais escoitaremos o vento, o mar e uns cantos paxaros!
