Culturgal 2018, Pontevedra: actividades literarias destacadas do 30 de novembro

Do 30 de novembro ao 2 de decembro, no Pazo da Cultura de Pontevedra, terá lugar o Culturgal 2018.

As actividades literarias destacadas do programa para o 30 de novembro son:
11:00 h. Espazo Foro. Ler o mundo. Editorial Galaxia. Con centros de educación secundaria. Conversa entre Francisco Castro, autor de Iridium, e Amparo Rodicio, neuropsicóloga da Asociación Alento de Vigo, sobre o Dano Cerebral Adquirido e sobre a diversidade funcional.
17:00 h. Espazo Foro. Un neno na emigración e Vasoiras Barreiro. Edicións Fervenza. Presentación de dous contos infantís/xuvenís da autoría de Francisco Álvarez-Koki. Escritos en galego, castelán e inglés. Co autor, María Dolores Estévez e Carlos Loureiro.
17:30 h. Espazo Libro. Eli Ríos presenta DX, publicada por Urco Editora. Estará acompañada por David Cortizo.
18:00 h. Espazo Libro. Presentación de A madriña. Edicións Fervenza. Con María Carmen Caramés Gorgal, autora, Xosé Manuel Lobato e Adrián Dono, ilustrador.
18:00 h. Espazo Libro. Colección Narrativa K (Kalandraka Editora). Coloquio con tradutores/as. Con Ramón Nicolás, tradutor e crítico literario, Laureano Araujo, profesor e tradutor, Xesús Fraga, xornalista cultural e tradutor, Antía Veres, tradutora, e Xosé Ballesteros, director da editorial.
18:30 h. Espazo Infantil Deleite. Lambetadas. Talía Teatro. Presentación do novo espectáculo dirixido por Diego Rey con Artur Trillo e María Ordóñez como intérpretes.
19:30 h. Espazo Foro. Máis que ver. Cen historias do deseño en Galiza. Xerais. Con Pepe Barro, autor. Presenta: Fran Alonso.
19:30 h. Espazo Foro. Presentación do libro A xestión cultural en Galicia. Unha visión panorámica e actual. Curso de Expertxs Universitarixs en Xestión Cultural da USC. Con Marcos Lorenzo e Sergio Lago, directores do curso, e autoras/es.
19:30 h. Espazo Infantil Deleite. Presentación da obra A fada pirata e representación teatral. Gañadora do Premio O Facho de Teatro. Edicións Fervenza. Con Estefanía Bustabad, Pablo Nuñez, Carlos Labraña e Paula Castro.
20:00 h. Espazo Libro. Presentación dos libros do Ciclo dos elementos: Xerais. A escritora María Reimóndez conversa coas súas lectoras; Ánxela Lema: En vías de extinción, Montse Dopico: Dende o conflito, Mercedes Peón: A música dos seres vivos, Montse Paz: As cousas que non queremos oír.
20:30 h. Espazo Libro. Conversa entre Antía Yáñez, autora de Senlleiras e Anna R. Figueiredo, autora de Os bicos feridos, publicadas en Galaxia.
21:30 h. Auditorio Pazo da Cultura. Sofía e as Postsocráticas. Inversa Teatro. Preestrea. Directora: Marta Pérez. Con María Roja, Silvia Penas e Marta Pérez. Espectáculo especial: prezo 10€. Entradas en Ticketea.

Vídeos da “Xornada sobre políticas culturais en Galicia. Un debate necesario”, o pasado 13 de novembro

Desde a Asociación Galega de Profesionais da Xestión Cultural:
“O pasado 13 de novembro desenvolvimos na Cidade da Cultura unha xornada sobre a política cultural en Galicia. Foron moitas as persoas que acudiron ao convite da nosa asociación para coñecer a situación do noso sector da man dos seus profesionais, escoitar opinións diversas sobre as políticas culturais galegas e tamén opinar e debatir, convertindo a cita nunha experiencia moi enriquecedora para tod*s nós.
Por se non puideches acompañarnos -ou o fixeches e apetéceche escoitar de novo algunha intervención- aquí tes a xornada vídeo a vídeo:”

Compostela: “Xornada sobre políticas culturais en Galicia. Un debate necesario”, o 13 de novembro

Compostela: “Panorama das iniciativas culturais galegas na rede”, o 8 de novembro, no Consello da Cultura Galega

Desdepanorama-das-iniciativas-culturais-galegas-en-rede o Consello da Cultura Galega:
“A cultura e os contidos culturais son un eixe central do consumo e do uso de Internet na actualidade, tanto en Galicia como noutras partes do mundo. O abaratamento de custos e as facilidades de acceso posibilitan que, nos últimos anos, observemos en Internet un importante incremento de cibermedios e servizos culturais iniciados con accións de emprendemento por individuos ou pequenos equipos que exploran un espazo non só de lectores, senón de sustentabilidade económica e social.
Esta xornada quere ofrecer unha visión actual das iniciativas culturais na rede en Galicia, coñecer os mecanismos que empregan para o seu funcionamento e contextualizala no ámbito internacional.
Para isto contaremos coa presenza dos investigadores João Canavilhas, da Universidade da Beira Interior, Håkan Casares (Consello da Cultura Galega), Alberto Marinelli (Università da Sapienza, Roma) e Andreu Casero Ripollés (Universitat Jaume I, Castellón), de representantes de experiencias galegas sostibles (Praza Pública, Galicia Confidencial, Sermos Galiza, Campo Galego, Teo Vivo, Que pasa na costa) e unha panorámica de revistas culturais dixitais da man de Alfredo Ferreiro (Palavra Comum), Lara Rozados (A Sega) e Daniel Lavesedo (GZ Música).”
O programa completo pode descargarse aquí. Máis información e inscrición, nesta ligazón.

A Coruña: actividades literarias no Achegarte 2011

Xa se fixo público programa de actividades do Achegarte 2011, que se desenvolverá no Palexco da Coruña con estes horarios:
Sábado 2 de abril: de 11:30 h. a 14:30 h., e de 16:30 h. a 22:00 h.
Domingo 3 de abril: de 11:30 h. a 14:30 h., e de 16:30 h. a 21:00 h.

Como xa sinalamos, a AELG terá unha presenza propia. O sábado e o domingo, de 17:00 a 21:00 h., diversos autores lerán a súa obra no stand da AELG, dentro da actividade Lecturas compartidas. Deixamos aquí as actividades literarias previstas, así como a programación completa: Programa Achegarte 2011.

Obradoiros. Para os obradoiros o público pódese apuntar no Achegarte ou garantir a súa praza inscribíndose previamente nas Bibliotecas Municipais da Coruña:

* Sábado 2:
* 12:00 h. Obradoiro de escrita creativa e reciclaxe de camisetas.
* 13:00 h. Concurso Tinta de Lura: canto sabes de literatura?. (Agasallo de camisetas e libros aos gañadores).

* Domingo 3:
* 11:30 h. Creación de personaxes de banda deseñada. Kiko Dasilva.
* 12:30 h. Obradoiro de animación á lectura. Reverso.

Presentacións:
* Sábado 2:
* 12:00 h. Entrega do premio Meiga Moira. Baía Edicións.
* 12:30 h. Presentación de Normal. Luís Caparrós, vicerrector da UDC.
* 13:00 h. Noente Paradise. Ugia Pedreira.
* 13:45 h. Presentación das novidades editoriais de Demo Editorial. Manel Cráneo.
* 17:00 h. 25 aniversario de O misterio das badaladas de Xabier P. DoCampo. Conversa de Óscar Sánchez e Manuel Bragado co autor e co ilustrador (Xosé Cobas), Xerais.
* 17:30 h. Animación Abrapalabra!, con Antón Cortizas e o mago Carlos Coira. Galaxia.
* 18:00 h. Presentación do Boletín da Real Academia Galega Xosé María Álvarez Blázquez, con Xosé Luís Méndez Ferrín e Xosé Luís Axeitos.
* 18:30 h. Ricardo Carvalho Calero: a ciencia ao servizo da nación, con Pilar García Negro. Laiovento.
* 19:30 h. Presentación de Meubook.
* 21:00 h. Colección de ensaio Supertextos. 2.0 Editora.

* Domingo 3:
* 11:30 h. Páxinas de Carricanta. Ana Mª Fernández. Ilustrador D.N.L.
* 14:00 h. Lectura dramatizada de collage, de Esther f. carrodeguas. Edicións Barbantesa. Con Raquel Nogueira como Alicia e a colaboración especial de Antonio Mourelos como Alberto.
* 17:00 h. Planeta Mincha. Manel Cráneo.
* 17:30 h. Divírtete co paxaro Rodribico. Baía Edicións.
* 18:00 h. Presentación do programa E-ducando. AS-PG
* 18:30 h. Conclusións do foro sobre o estado da cultura. Tati Mancebo.
* 19:00 h. Antoloxías Poéticas Sonoras. Xosé María Álvarez Cáccamo e Chus Pato. Edicións do Cumio.
* 19:30 h. Impresións dunha viaxe por Galicia en 1935, Federica Montseny. Trifolium. No acto participan Eliseo Fernández, Enrique Sánchez e Xan Arias.
* 20:30 h. Presentación de Señardade da luz: a obra poética de Manuel María, de Miguel Mato.

Audiovisuais:
* Sábado 2:
* 18:00 h. Curtas de animación de OQO Editora: Corre corre, cabaciña; A princesa do Caurel; A bruxa regañadentes; Os sete cabritos e Un gato na árbore.
* 19:30 h. Entrega de premios e proxeccións Curtas para Rosalía. AS-PG.
* Domingo 3:
* 12:30 h. Proxección de Contra a morte. Documental sobre Lois Pereiro. IBCinema.
* 17:30 h. Pase promocional da película A casa da Luz (esta última no Teatro Rosalía [con convite]).
* 20:15 h. Presentación do guión de O divino ferrete. Reverso.

Cara a cara. Dous creadores e un xornalista conversan sobre os seus últimos traballos, sobre o proceso e o contexto da creación, os públicos, os medios, …
* Domingo 3: Alberto Ramos fala con Manuel Rivas e Mercedes Peón; Iolanda Casal fala con Uxía e Xurxo Souto.

Espazos vertebrados. Experiencias e actividades de asociacións e colectivos culturais, organizados e/ou vertebrados nos últimos tempos. Na Sala de Conferencias:
* Sábado 2:
* 16:30 h. Fundación Manuel María.
* 19:30 h. Presentación do selo Pulp Books. Rinoceronte.
* 20:00 h. Presentación da nova colección “Alcaián“. Urco Editora.
* 20:30 h. Casa de Manuel Antonio en Rianxo. Xosé Luís Axeitos e Grupo Revisión.

* Domingo 3:
* 20:00 h. Presentación do programa E-ducando. AS-PG.

Mesas de debate. Na Sala de Conferencias:
* Sábado 2:
* De 12:30 a 14:00 h. Situación do teatro infantil en Galiza.
* Domingo 3:
* De 12:30 a 14:00 h. A escrita de guión audiovisual en Galiza.

Teatro.:

* Sábado 2:
* 12:30 h. Recital de poesía satírica galego portuguesa, por Celso Parada, do Teatro do Morcego.

Encontros sectoriais. No Kiosko Alfonso:
* Sábado 2:
* De 11:30 a 14:00 h. Asociación Galega de Profesionais da Xestión Cultural. Xestión e xestores culturais en Galiza.
* Domingo 3:
* De 11:30 a 14:00 h. Federación de Asociacións Galiza Cultura. Encontro Nacional de Asociacións Culturais.

Chat ao vivo. Sala de audiovisuais:
* Domingo 3:
* De 19:15 a 20:00 h. Lino Braxe.

I Curso de Cultura Galega Contemporánea, hoxe comeza en Compostela

A Associaçom Galega da Língua (AGAL) e a Cátedra UNESCO de Cultura Luso-Brasileira da USC organizan o Curso de Cultura Contemporánea Galega (CCCG), que desenvolverá en Santiago de Compostela entre os días 27 de Abril e 6 de Maio. O curso, que conta co apoio da Deputación da Coruña, do Concello de Santiago de Compostela e das Faculdades de Filoloxía e Ciencias da Comunicación da USC, preténdese un espazo de reflexión académica e profesional interdisciplinar que nace cos seguintes obxectivos:
• Presentar aos alumnos a cultura galega contemporánea como un conxunto de producións diverso, moderno, vivo e xerador de riqueza económica e artística.
• Identificar os diferentes tipos de cultura predominantes na Galiza actual e coñecer algúns dos seus representantes e tendencias.
• Avaliar os puntos fortes e fracos das industrias culturais galegas, comprendendo como a cultura pode representar un importante motor económico para unha comunidade.
• Conhecer como e por que a cultura é empregada como unha ferramenta de coesión social. Os profesores da USC Carlos Quiroga, Elias Torres, Ramom Flores das Seixas e José Pereira Fariña e o director de UNINOVA Gustavo Marcos serán os encargados da parte teórica do curso, que se divide nas sesións: Culturas Tradicionais, Culturas de Élite, Culturas de Masas, Culturas Empresariais e Culturas Libres.
Estas conferencias, veranse complementadas cun ciclo de mesas redondas en que participarán 20 representantes do tecido cultural galego nas súas dimensións empresarial e asociativa. De entre os participantes nas mesas poderíamos destacar, entre outros, á produtora Emma Lustres (Vaca Films, produtora de Celda 211), ao actor Miguel de Lira (sala NASA), ao escritor Séchu Sende, ao cociñeiro X. Manuel Crujeiras (integrante de Nove. Grupo Gastronómico Galicia), ao actor e dramaturgo Manuel Lourenzo, ao xornalista Anxo Quintela ou a Javier Goyanes (presidente de Pazos de Galicia).
A organización pretende así, con este curso, crear un espazo de debate dinámico e produtivo sobre a actualidade dunha cultura galega desacralizada e viva, definitoria de como nos vemos os galegos e da imaxe que de nós internacionalizamos.
As aulas presenciais do curso celebraranse no Auditorio de Galicia e nas Faculdades de Filoloxía e Xornalismo e complementaranse cun foro virtual de debate on-line. A matrícula, que poderá realizarse ata o próximo dia 26, garante un certificado de 30 horas e un crédito da Universidade de Santiago.

“Comunicar cultura”, as xornadas do CCG

Durante os días 20, 21 e 29 de abril de 2010 terán lugar no Consello da Cultura Galega as xornadas “Comunicar cultura”, que contarán coa participación, entre outras, de Ramón Villares, Ana Romaní, Camilo Franco, Carlos G. Reigosa, Santiago Jaureguizar, Xosé Ramón Pena, Antón Lopo e Alfredo Ferreiro. A organización está principalmente a cargo de Xosé López, Xosé Manuel Pereiro e Rosa Aneiros. Pode consultarse o programa completo aquí.
«A comunicación ocupa un lugar central na configuración dos novos modelos de sociedade e, por tanto, tamén nas transformacións no campo cultural. Comunicación e Cultura son aspectos da mesma realidade social que dificilmente podemos separar. Nestes últimos anos a alianza entre cultura e comunicación converteuse nun eixe estratéxico para xerar produtos creativos, para fomentar o intercambio de puntos de vista e para incentivar a participación cidadá en todos os ámbitos da vida diaria. O panorama actual amosa oportunidades para que, mediante o emprego das ferramentas axeitadas, poidamos converter vellos soños de renovación no campo da comunicación e da cultura en realidades. A comunicación mediada tecnoloxicamente, como elemento transversal para a cultura, convértese nun instrumento clave nos procesos de difusión e creación para uns cidadáns cada vez máis esixentes. De feito, a cultura encóntrase no centro da maioría dos debates contemporáneos sobre identidade, tolerancia e convivencia en igualdade. Hai, por tanto, apaixonantes desafíos pensando a comunicación desde a cultura.

Estas xornadas de traballo, enmarcadas nos foros de debate que promove e organiza o Arquivo de Comunicación do Consello da Cultura Galega, queren achegar reflexións teóricas e prácticas, potenciar o coñecemento e fomentar o debate. Será un encontro aberto con voces plurais para procurar ideas neste proceso de análise e debate colectivo, con especial atención ás renovadas técnicas para comunicar cultura no ecosistema mediático do terceiro milenio. […]» (Consello da Cultura Galega)

Compostela: I Congreso Internacional ‘Lugares de Cultura’

Do 21 ao 24 de xaneiro de 2009 terá lugar en Compostela I Congreso Internacional ‘Lugares de Cultura’, que
«pretende xerar un debate que se enmarca dentro dun ámbito de reflexión teórico máis amplo, o da cultura e o desenvolvemento. Dentro deste marco, abordarase o papel que xogan os equipamentos culturais como ferramenta de desenvolvemento dos territorios.» (Lugares de Cultura)

Euskadi, Cataluña e Galiza coordinaranse para o apoio á cultura

«Os titulares de Cultura de Cataluña, Euskadi e Galiza asinaron por primeira vez unha declaración institucional –a Declaración de Compostela- entre os tres gobernos das nacionalidades históricas do Estado español, na que se comprometen a colaborar en materia de patrimonio cultural, artes, industrias culturais e cultura popular.» (Consellaría de Cultura e Deporte)