Fernando Cabeza Quiles, polígrafo que destacou pola súa obra sobre a toponimia galega, cultivou tamén outros xéneros, como o ensaio e a narrativa, xunto a centos de artigos sobre temática etnográfica, histórica e social.
O seu exemplo, sempre comprometido na difusión e coñecemento da nosa cultura, fai del un referente unanimente recoñecido por toda a sociedade.
Este é o programa da segunda edición de FAI MEMORIA, unhas xornadas de formación para docentes arredor da memoria histórica, que terá lugar o vindeiro sábado 25 de abril en Santiago de Compostela, no centro social Maruxa e Coralia. As persoas interesadas poden anotarse á xornada escribindo ao email: faimemoriaxornada@gmail.com
A finalidade deste encontro é tecer redes de colaboración arredor da memoria democrática e a docencia, e dotar o profesorado de formación e recursos para traballar a memoria na aula, tamén a partir da literatura. Non hai problema por asistir só a parte da xornada, faise inscrición para controlar o aforo da sala e, sobre todo, do roteiro de Lorca en Compostela.
