«A Cea das Letras serviu, un ano máis, de escenario para que a Asociación de Escritores en Lingua Galega presentase os seus premio anuais. Como xa se anunciara, a cubana Nancy Morejón foi declarada escritora galega universal. Pola súa banda, Justo G. Beramendi levou o premio de ensaio pola súa obra “De provincia a nación”. “O único que queda é o amor”, de Agustín Fernández Paz, foi considerado o mellor traballo de Literatura Infantil e Xuvenil. “Sextinario: treinta e seis + tres”, de Marica Campo Levou o premio de Poesía e “O soño da febre” de Miguel Anxo Murado, o de Narrativa. O seu traballo cos “Poemas canónicos” de Kavafis valeulle a Yolanda Vilarchao o premio á tradución, mentres Millán Picouto facíase co de teatro por “Ciclo de Marte”. Finalmente, a traxectoria xornalística recoñecida nesta ocasión foi a de Xosé Luís Méndez Ferrín. […]» (culturagalega.org)
Arquivo da categoría: Actividades AELG
Nancy Morejón recollererá o Premio “Escritora Galega Universal”
Como viñemos informando, a Aelg conta xa estes días coa presenza da escritora cubana Nancy Morejón no noso país, que vén recoller o Premio “Escritora Galega Universal” no marco da Cea das Letras deste sábado 26 de abril.
A Aelg organizou unha conferencia e unha lectura de poemas comentados segundo o seguinte programa:
• Xoves 24 de abril, ás 20,00 horas, conferencia de Nancy Morejón na Fundación Rosalía de Castro, en Padrón, baixo título “Nancy Morejón: a muller na súa obra e na literatura cubana e caribeña”. Estarán presentes a Secretaria Xeral de Igualdade, Carme Adán; a presidenta da Fundación Rosalía de Castro, Helena Villar Janeiro, e a secretaria xeral da AELG, Mercedes Queixas.
• Venres 25 de abril, ás 19,00 horas, Lectura de poemas comentados, baixo título “A beleza de todos os días”, a cargo de Nancy Morejón, no salón de actos do Consello da Cultura Galega. Acompañarán á escritora cubana o presidente da AELG, Cesáreo Sánchez, e Elvira Cienfuegos en representación da Concellaría de Cultura do Concello de Santiago de Compostela .
• Sábado 26 de abril, ás 20,30 horas, entrega dos Premios AELG na Cea das Letras, no Hotel Porta do Camiño de Santiago de Compostela.
Nancy Morejón nace en Cuba en 1944. Aos 18 anos foi incluída na antoloxía Novísima Poesía Cubana, e publica o seu primeiro libro de poemas, Mutismos. La duodécima noche de William Shakespeare. En 1989 asiste como invitada de honra ao 54 Congreso Mundial do Pen Club Internacional en Toronto e Montreal. En 1992 é invitada polo Congreso Nacional de Escritores Sudafricanos (COSAW) e percorre a República Sudafricana, onde ofrece recitais e obradoiros literarios. Asistiu como invitada de honra á III Conferencia de Escritores del Caribe, celebrada en Curazao, así como á V Edición de Carifesta, en Trinidad-Tobago. Entre 1986 e 1993 exerceu como directora do Centro de Estudios del Caribe da Casa de las Américas, función que volve asumir no 2000. Dirixiu a Editorial PM da Fundación Pablo Milanés desde 1993 a 1995, e foi asesora da Dirección do Teatro Nacional de Cuba desde 1995 a 2000. En 1991 foi elixida membro da Academia de Ciencias de Cuba. Conferenciante en institucións de Europa e América.
Entre as súas obras, caben salientar: Richard trajo su flauta y otros argumentos, Nación y mestizaje en Nicolás Guillén, Piedra pulida, Paisaje célebre, Elogio y Paisaje e Poemas 1987-1992. Obtivo numerosos premios, como: Premio de Poesía Rubén Martínez Villena da Universidade da Habana; Mención da Unión Nacional de Escritores y Artistas Cubanos; Premio Nacional de Ensayo Enrique José Varona; Mención no Premio Internacional de Poesía “Pérez Bonalde”; Premio da Crítica Literaria por Piedra Pulida, 1986 e Elogio y Paisaje, 1996, e en 2001 foi Premio Nacional de Literatura. (AELG)
Xornadas Virtuais da AELG sobre Manuel Curros Enríquez
A Asociación de Escritores en Lingua Galega e a As-Pg en colaboración coa Dirección Xeral de Promoción Industrial e Sociedade da Información, da Consellaría de Innovación e Industria da Xunta de Galiza, abren o prazo de matriculación para as Xornadas Virtuais sobre Manuel Curros Enríquez, un curso de Formación a Distancia en liña para os docentes de Educación Primaria, Secundaria e Bacharelato que permitirá ao profesorado interesado na didáctica da Lingua e Literatura Galega asistir, a través de internet e sen necesidade de se desprazar, a estas Xornadas para as que se tramitou a homologación ante a Consellaría de Educación e Ordenación Universitariapor un total de 20 horas.
Poderán participar así mesmo as persoas que, sen ser docentes, teñan interese na figura deste escritor.
Os Socios/as da Aelg poderán matricularse até o 30 de abril gratuitamente no enderezo electrónico: admin@algarada.net
Máis información na Aula de Escritores da web da AELG.
Últimos días para votar os Premios AELG 2008
O Consello Directivo da Aelg quere lembrar aos socios e socias que quen desexe votar para os Premios Aelg 2008 debe facelo por correo postal usando o cartón recibido antes do 20 de abril próximo. Esperando poder contar coa vosa participación e presenza na Cea das Letras (26 de abril) recibide un afectuoso saúdo do Consello Directivo da Aelg.
Letras novas promociona as novas creacións
«O volume presentarase o vindero venres día 4 ás 12 horas na sede de Vicepresidencia da Xunta, coa presenza do director xeral de Xuventude, Rubén Cela; do presidente da Asociación de Escritores en Lingua Galega (AELG), Cesáreo Sánchez, e da vicepresidenta da asociación, Antía Otero.
O xornal, editado pola Dirección Xeral de Xuventude e que xa vai polos 20 números, deixa un espazo para a nova creación literaria na sección Letras Novas, froito da colaboración coa Asociación de Escritores en Lingua Galega. Nela conviven os escritores máis noveis e outros máis representativos das últimas décadas na literatura galega. […]» (Galicia-Hoxe)
Homenaxe “Os Bos e Xenerosos” á AS-PG
Debido a obrigas profesionais inaprazábeis por parte da organización, participantes e asistentes, a Aelg vese na inevitábel obriga de adiar para o SÁBADO DÍA 12 DE ABRIL a Homenaxe “Os Bos e Xenerosos” que se lle ía ofrecer á Asociación Socio-Pedagóxica Galega o 29 de marzo próximo.
Por tanto, o acto de recoñecemento público desenvolverase co mesmo programa o SÁBADO 12 de ABRIL, a partir das 11:45 da mañá, no Auditorio do Centro Galego de Arte Contemporánea de Santiago de Compostela (Rúa Valle Inclán, s/n).
Desta maneira, alárgase tamén o prazo para se apuntar para o xantar de confraternidade que que compartiremos no restaurante do Hotel Porta do Camiño (Rúa Miguel Ferro Caaveiro, s/n), a partir das 14:30. Podedes confirmar a vosa asistencia ata o 8 de abril en oficina@aelg.org ou no
teléfono 981 133 233, de 09:00 a 14:30 ou de 17:00 a 20:00. O prezo do menú, que se pagará no propio restaurante, será de 28€.
II Premio de Xornalismo Literario
Até o 1 de marzo de 2008. Bases.
Nova convocatoria dos obradoiros de creación literaria no ensino
Desde a Asociación de Escritores en Lingua Galega lanzamos unha nova convocatoria dos obradoiros de creación literaria en lingua galega destinados ao ensino obrigatorio e post-obrigatorio non universitario, impartidos por escritores/as socias desta entidade nos centros de ensino nos meses de marzo, abril e maio. (AELG)
Nancy Morejón, “Escritora Galega Universal”
[kml_flashembed movie="http://www.youtube.com/v/Tr6B6vwMwjc" width="425" height="350" wmode="transparent" /]
«O presidente da Asociación de Escritores en Lingua Galega, Cesáreo Sánchez Iglesias, entregoulle este luns na Habana o premio á poeta cubana Nancy Morejón. […]
Mutismos (1962), Amor, ciudad atribuída (1964), Richard trajo su flauta (1967), Parajes de una época (1979), Octubre imprescindible (1983), ou Cuaderno de Granada (1984), son algunhas das súas obras. Morejón participará na Cea das Letras que a AELG organiza anualmente, e onde se lles entregarán tamén os premios que a Asociación outorgou a Xosé Vázquez Pintor, á Asociación Socio-Pedagóxica Galega (AS-PG) e mais á Mostra de Teatro de Ribadavia.» (A Nosa Terra)
A AS-PG galardoada co Premio Bos e Xenerosos
O 5 de febreiro de 2008 a AS-PG recibiu o Premio Bos e Xenerosos pola súa traxectoria na defensa do ensino en galego.
A Asociación de Escritores en Lingua Galega outorgou o premio Bos e Xenerosos á AS-PG na asemblea anual celebrada en Santiago no pasado sábado día 2.
