A presentación do libro Tartaruga, de Xaquín Marín (Baía Edicións), terá lugar en Ferrol o martes 12 de xuño ás 20:00 horas na carpa da Feira do libro (Cantóns de Molins). Intervirá, ademais do autor, o escritor Antón Cortizas.
Arquivo da categoría: Edición
Presentación en Viveiro de “Farrapos de nube”, de Xoán Neira
O mércores 6 de xuño, ás 20:30 horas, presentarase o libro Farrapos de nube, poemario infantil de Xoán Neira publicado por Baía Edicións. O acto, organizado polo Seminario de Estudos Terra de Viveiro na aula de Caixa Galicia de Viveiro, contará coa intervención, ademais do autor, de Carlos Nuevo, Emilio Xosé Insua. Tamén será ofrecido un recital poético musical a cargo de nenas e nenos do Cep. Lois Tobío.
Presentación en Ourense de “Teoría de Galicia…”, de Ramón Otero Pedrayo
Alvarellos Editora o Liceo de Ourense organizan un recital e a presentación da obra Teoría de Galicia. Artigos esquecidos en “Vida Gallega”, 1926-1963, de Ramón Otero Pedrayo. Será o martes 5 de xuño de 2007, ás 17: 30 horas no Salón Noble do Liceo de Ourense (Rúa Lamas Carvajal, 5). Participarán o profesor historiador e autor do limiar Marcos Valcárcel, as recitadoras do Liceo Tereixa Devesa e Loli Conde, e o editor Henrique Alvarellos.
«No imo do tempo», novo libro de Xosé Lois García
Presentación do libro colectivo “Dez por dez” en Compostela
O sábado 9 de xuño, ás 20:00 horas, presentarase o libro colectivo Dez por dez (Abrente Editora) no Centro Social Henriqueta Outeiro (Rúa Quiroga Palácios, 42, baixo, Compostela). Contarase coa participación da e dos autores: Artur Alonso Novelhe, Suso Bahamonde, Maria Lado, Igor Lugris, Kiko Neves, Carlos Quiroga, Baldo Ramos, Concha Rousia, Sechu Sende e Ramiro Vidal.
Lois Diéguez presenta “O canto do muecín” n’A Coruña
O canto do muecín, novela de Lois Diéguez editada na colección Central Literaria de Edicións A Nosa Terra, presentarase na Coruña o día 14 de xuño ás 20:30 horas en “Portas Ártabras” (Rúa Sinagoga, 22). Desde as 18:30 horas o autor estará no mesmo lugar para a asinatura de libros. Organizan a A.C. Alexandre Bóveda e os Amigos dos Museos de Galicia.
Asinado convenio entre a AELG e o Consello da Cultura Galega
O Consello da Cultura Galega (CCG) e a Asociación de Escritores en Lingua Galega (AELG) asinaron onte un protocolo de colaboración institucional no que se comprometen a fomentar a creación de literatura na lingua do país e a difundir o seu coñecemento dentro e fóra das fronteiras autonómicas.
Os presidentes de ambas as dúas institucións, Cesáreo Sánchez Iglesias, da AELG, e Ramón Villares, do Consello da Cultura, asinaron onte en Santiago este documento, no que plasman os mecanismos polos que colaborarán nun futuro para “fomentar o intercambio de experiencias no ámbito da escrita, a docencia da escrita literaria ou científica, histórica, etc., a investigación e a promoción cultural”.
Entre outras cousas, o CCG e a AELG colaborarán na organización dunha serie de xornadas de debate sobre os textos de creación literaria, crítica e científica en galego, no deseño de obradoiros literarios destinados á sociedade galega, así como en actividades para vencellar as letras galegas e outras literaturas do mundo. Ao mesmo tempo, as entidades colaborarán na consolidación das súas respectivas webs, co establecemento de relacións de comunicación e de servizos destinados ó público. (AELG)
Presentación d'”Os ríos pasan cheos de Deus”, de Victorino Pérez
A Galería Sargadelos albergará a presentación do libro de Victorino Pérez Prieto Os ríos pasan cheos de Deus. Poesía relixiosa en galego, editado por Nume. No acto intervirán, ademais do autor, Xaime Bello e Martinho Montero Santalha. Será o martes 29 de maio ás 20:00 horas.
Presentación do “Dicionario María Mariño” en Brión
O Dicionario María Mariño de Esperanza Mariño Davila será presentado no Centro Social Polivalente de Brión (A Maía) o martes 29 de maio ás 21:00 horas. No acto intervirán o escritor e poeta Miro Villar, o alcalde de Brión Xosé Luís García García, o director editorial de 3C3 Antonio Puentes Chao e a propia autora.
Suso de Toro en Carballo
O Concello de Carballo e a Cervexaría San Xoán promoven unha conversa con Suso de Toro, autor de Home sen nome, dentro do proxecto Literactúa, de difusión do libro e da lectura en galego. Será o mércores 30 de maio de 2007 ás 20.30 horas na Cervexaría San Xoán (Rúa de Ourense, 8-10, Carballo)
