Limpeza de sangue (o sangue fai ruído) de Rubén Ruibal (Ribadeo, 1970) foi a obra gañadora do XIV Premio Álvaro Cunqueiro para Textos Teatrais do ano 2005. A súa edición a cargo de Edicións Xerais por convenio co IGAEM resultou merecente do Premio Nacional de Literatura na modalidade de Literatura Dramática por parte dun xurado composto por trece persoas entre as que está, pola Real Academia Galega, Rosario Álvarez Blanco. Segundo a recensión de Inma López Silva sobre esta obra, “Rubén Ruibal amósasenos aquí coma un autor de talento que constrúe unha obra de estrutura cinematográfica, constituída por escenas que desenvolven un argumento ben dosificado”. (culturagalega.org)

(Vieiros)

Gustavo Pernas Cora recibe o “Xº Premio Max das artes escénicas” por Final de película, obra que xa fora distinguida co XIIº Premio Rafael Dieste da Deputación da Coruña.