[kml_flashembed movie="http://www.youtube.com/v/PXqSI4drgX0" width="320" height="240" wmode="transparent" /]
Este é un vídeo do acontecido na Casa Casares Quiroga da Coruña o 18 de xullo de 2008 dentro do I Encontro Cidade da Coruña. Publicado por Tati Mancebo no blogue O levantador de minas.
O 14 de agosto de 2008, ás 12:00 na Aldea de Saa (curva de Lodeiro – N 547, km 40, vindo de Lugo, perto de Palas de Rei e antes vindo de Compostela), terán lugar os seguintes actos en homenaxe aos mártires Sixto Aguirre e Camilo Díaz Valiño:
I. ACTO DE AMOR E LEALDADE AOS NOSOS MÁRTIRES E EN ESPECIAL NESTA DATA A DOUS VALENTES LOITADORES REPUBLICÁNS: SIXTO AGUIRRE e CAMILO DÍAZ VALIÑO: desccubrimento da pedra homenaxe aos dous exemplares defensores da liberdade e da República e intervencións (TI PREPARA A TÚA, obrigadamente e non máis de 2ou 3 minutos).
II. NA IGREXA DE SAN PEDRO DE MEIXIDE ACTO DE FIDELIDADE E DE IRMANDADE.
III. NO “ PAZO MARIÑAO” (San Pedro de Meixide): xantar solidario (25 €, avisar antes do día 10 de agosto no tfno. 636032750 ou no enderezo erdao@hotmail.com)
A Consellaría de Cultura e Deporte, a través da Dirección Xeral de Creación e Difusión Cultural, está a organizar o Encontro Nacional da Memoria Histórica, que terá lugar na Illa de San Simón o próximo 19 de xullo. Neste ano, o acto central estará dedicado aos protagonistas do exilio galego.
Para reservar praza cómpre anotarse no correo electrónico anodamemoria@xunta.es
«O vindeiro venres, 13 de xuño de 2008 terá lugar a presentación do libro de Santiago Prol Benigno Álvarez, un comunista na Galiza dos anos 30, presentado conxuntamente polo concello de Maceda e Edicións A Nosa Terra.No acto intervirán Xabier Oviedo (Alcalde de Maceda), Afonso Eiré (Conselleiro Delegado de Promocións Culturais Galegas), Bieito Seara (Director Xeral de Acción Social da Vicepresidencia da Xunta), Francisco Carballo (historiador) e Santiago Prol (autor do libro).
A cita será ás 20:00 h. na Torre da Homenaxe do Castelo de Maceda. Tamén se inaugurará unha exposición baixo o título “Benigno Álvarez: A mirada de transparencias cordiais” que estará aberta o público dende ó 13 ao 20 de xuño de 2008 no Castelo de Maceda.»
O venres 30 de maio, ás 20:30 na Librería LER de Santa Comba, terá lugar a presentación dos libros de X. Amancio Liñares Giraut: Ramón Martínez López; Prensa e comarca. Medios de comunicación en Negreira. A Baña e Brión no século XX; Son para a «Unión Barcalesa de La Habana» (1907-2007); Ciudadanos españoles en el mundo. Situación actual y recorrido histórico.
No acto intervirán Xosé Deira Triñanes (alcalde de Boiro), Emilio Grandío Seoane (profesor de Hª Contemporánea na Universidade de Santiago), Xosé Manuel López Tuñas (presidente da Asociación «Alén Mar»), Ramón Villares Paz (presidente do Consello da Cultura Galega), Antonio Puentes Chao (director editorial de tresCtres), e o propio autor.
O xoves 22 ás 20:00 a Galería Sargadelos Ferrol e a A. C. Fuco Buxán organizan a presentación do libro de Ceferino Díaz A esforzada conquista da autonomía. 1979-1981 (Galaxia). No acto intervirán o autor do libro, Ceferino Díaz, e Manuel Cendán. (Galería Sargadelos de Ferrol)
O filme de Margarita Ledo Liste, pronunciado Líster poderá verse por primeira vez na Arxentina co gallo do X Festival Internacional de Cine de Derechos Humanos (DerHumALC) que terá sitio entre o 8 e o 14 de maio en diversas salas da cidade de Bos Aires. A propia directora do documental, catedrática de Comunicación Audiovisual da Universidade de Santiago e que ven de ser incorporada á Real Academia Galega, estará na capital arxentina ata o sábado 10 de maio para presentar esta, a súa última producción. O filme, de 111 minutos de duración, poderá verse o próximo venres 9 de maio ás 21 no Cine Gaumont da avenida Rivadavia 1635, fronte á praza dos Dous Congresos.
No Salón de Actos da Casa da Cultura da Baña o 20 de febreiro, ás 20:30 horas, terá lugar a presentación do libro Son para a “Unión Barcalesa de La Habana” (1907- 2007) (tresCtres Editores), de X. Amancio Liñares Giraut. No acto intervirán Carlos Sixirei Paredes, Carolina García Borrazás, Paz Gago Gómez e o propio autor.
O 18 de xaneiro ás 20:00 horas na Galería Sargadelos de Ferrol (R/ Rubalcava 30-32) presentarase a obra de Xosé Leira López Aulas no camiño. Diálogos nun camiño da cultura europea. Intervirán Rosa Méndez (coordinadora de Aulas no camiño), Felipe Arias (director xeral de Patrimonio da Xunta de Galicia), Yolanda Díaz (Concelleira de Cultura do Concello de Ferrol) e o autor.
