Arquivo da categoría: Infantil e xuvenil

Ditame do VI Certame de Teatro Infantil e Xuvenil “Atenea 2008”

Publicado o por

Este é o ditame do VI Certame de Teatro Infantil e Xuvenil “Atenea 2008”:

«O Xurado do VI Certame de Teatro Infantil e Xuvenil “Atenea 2008”, que organiza o Ateneo Ferrolán, co patrocinio de Caixa Nova, composto por María José Doce Rey, Aurora Rivas Hermida, Esperanza Vidal Martínez e Francisco Oti Ríos acordou o seguinte FALLO:

1) Conceder o Premio de Categoría Especial ao grupo de teatro do Colexio “Carmen Polo”, dirixido por María Victoria Suárez.

2) Conceder Premio a:

* Grupo do CEIP “Centieiras” do concello de Fene coa obra “Todo é un conto”, dirixido por Mª Cointa Pazos García.

* Grupo “Atios”, do CEIP “Atios”, coa obra “O galo Quirico”.

* Grupo do CEIP “Cruceiro Canido”, coa obra “Berenguela”, dirixida por Maravillas Beceiro.

* Grupo da Asociación Os Amigos “Arco Iris” do Concello de Valdoviño coa obra “A Farsa das zocas” dirixida por Lucía Caneiro.

* Grupo IES CARBALLO CALERO coa obra “Un casting para Melchor” dirixida por MMª Pilar Patiño.

* Grupo “Pasapadentro” da Asociación Cultural Melandrainas de Arteixo, coa obra “La niña que riega las albahacas” dirixida por Marga Fernández e Queta Soto.

Todos eles recibirán un premio, de igual cuantía, por un total de 250 Euros, doados por Caixa Nova, ACTO que terá lugar o próximo venres día 20 ás oito da tarde no salón de actos do Ateneo Ferrolán.» (Ateneo Ferrolán)

“Unha noite na biblioteca” de Gondomar

Publicado o por

«O vindeiro sábado 21 de xuño celebraremos unha experiencia innovadora e atrevida no ámbito do fomento da lectura: unha noite na biblioteca, organizado por Espazo Lectura coa colaboración do Concello de Gondomar. O programa […] consta de dúas partes. A primeira é para nenos e nenas de todas as idades e a asistencia é totalmente libre e celebrarase no exterior, na Praza de Portugal, diante da Biblioteca. A segunda parte do programa celebrarase na biblioteca e é necesario inscribirse. Hai 25 prazas e daráselle preferencia aos nenos e nenas que participaron ao longo do curso nas nosas actividades de fomento da lectura (Contomar ou Lendo Contigo). Estamos seguros de que será unha fermosa e intensa noite de pixamas na biblioteca. […]» (Espazo Lectura)

Preséntanse en Compostela O tempo do revés e Boa sorte, de María Solar

Publicado o por

O venres 13 de xuño ás 18:00, na Fundación Caixa Galicia de Santiago de Compostela (Rúa do Vilar, 19), terá lugar a presentación das obras O tempo do revés e Boa sorte (Baía Edicións), de María Solar, con ilustracións de Xosé Tomás e actividades de Arturo Iglesias e Xosé Tomás. No acto intervirán Jorge Mira, Santiago Pemán e Vítor Fábregas.

Marilar Aleixandre gaña o Premio Fundación Caixa Galicia

Publicado o por

«[…] O Premio Fundación Caixa Galicia de literatura xuvenil foi parar á escritora Marilar Aleixandre, grazas á súa obra ‘A cabeza de Medusa’.Nela, Aleixandre narra a historia da violación dunha rapaza por parte dun descoñecido ao saír dunha festa de Entroido. A través dunha prosa “áxil e dinámica”, a gañadora aborda “con valentía” un tema complexo no que as dúas protagonistas, Lupe e Sofía, buscan xustiza e sofren o castigo de parte da sociedade.» (Galiciae)

O sorriso de Claudia, de Rivadulla Corcón, para o coidado da natureza

Publicado o por

«Durante tres sábados, entre o 7 e o 21 de xuño de 2008, o proxecto didáctico «Ven coidar a nosa natureza con Claudia», organizado pola Fundación Sotelo Blanco, en colaboración coa Dirección Xeral de Conservación da Natureza da Consellería de Medio Ambiente e Desenvolvemento Sostible da Xunta de Galicia e Área Central, buscará promover entre os máis pequenos a necesidade de coidar e respetar o medio natural a través dun programa de teatro, contacontos e outras animacións baseados no libro do autor X. H. Rivadulla Corcón O sorriso de Claudia.
As actividades desenvolveranse en Area Central a partir das 19.00 horas durante tres sábados, dende o 7 ata o sábado 21 de xuño, nos que varios animadores profesionais interactuarán cos nenos e nenas de idades comprendidas entre os catro e os doce anos para que, dun xeito divertido, poidan entender a través das diferentes historias representadas nas sesións a realidade do noso medio natural e a importancia de valoralo e
preservalo. […]» (Sotelo Blanco Edicións)

Spela Trobec e Luis Rapela na Galería Sargadelos de Ferrol

Publicado o por

O martes 3, a partir das 11:00, e dentro da campaña “Educar para ler”, que se vén desenvolvendo desde o pasado mes de outubro, Spela Trobec e Luis Rapela traballarán cos rapaces arredor do libro De que cor es ti? (Embora). Remata así a campaña, da que a Galería Sargadelos Ferrol agradece a asistencia, interese e participación.

VI Certame de Teatro Infantil e Xuvenil “ATENEA” 2008

Publicado o por

Estase a desenvolver a primeira fase do Certame de TeatroInfantil e Xuvenil Atenea 2008 que organiza o Ateneo Ferrolán, co patrocinio de Caixanova dende o ano comezado na ano 2003, polo cal estes días a actividade teatral dos grupos das asociacións e colexios que aspiran a estar na fase final é moi intensa, así como a dos membros do Xurado que teñen a encomenda de asistir a tódalas representacións que se realizan en horarios lectivos e outros de tarde.
O ditame e entrega de premios terá lugar na primeira quincena de xuño no salón de actos do Ateneo Ferrolán.