Coincidindo co Día das Linguas, o vindeiro 21 de febreiro o Servizo de Normalización Lingüística da Universidade da Coruña organiza unha xornada de análise baixo o título “O futuro do galego nunha Europa multilingüe”.
O acto contará coa participación de intérpretes galegos que desenvolven en varias linguas o seu labor profesional en instancias da Unión Europea, os cales falarán sobre a xestión das linguas en espazos multilingües e o papel das linguas minoritarias neste contexto. Como peche tamén se proxectará o documental Linguas cruzadas. (Universidade da Coruña)
Arquivo da categoría: Lingua
Solicitan cátedras de galego, catalán e eusquera nas universidades andaluzas
«A Asociación Diversidad y Convivencia pediu aos partidos políticos que concorren nas próximas eleccións andaluzas que inclúan nos seus programas a creación de cátedras de catalán, galego e eusquera nas universidades da rexión e nas escolas oficiais de idiomas.
O presidente desta asociación en Andalucía, José Antonio Sierra, explicou a Efe que a iniciativa xurdiu tras comprobar que, mentres o catalán, o galego e o euskera poden aprenderse en cidades como Berlín, Bucareste e París, a aprendizaxe dalgunha destas linguas non é ofertada en ningunha universidade andaluza ou nas escolas oficiais de idiomas.
A realidade é, segundo Sierra, que moitos andaluces teñen que trasladarse a outras comunidades para traballar e precisan aprender as linguas cooficiais que alí se falan, polo que considerou necesario impulsar esta iniciativa que ten como pretensión facilitar a aprendizaxe de todas as linguas oficiais do Estado.
Deste modo facilitaríase a movilidade laboral e estudiantil, fomentaríase a integración de moitos andaluces que marchan para residir en comunidades bilingües e impulsaríase a convivencia entre todos os españois.
Dáse o “paradoxo” de que, por exemplo, o catalán pode ser estudado en cidades como Moscú, Múnich ou Sofía, mentres que en Andalucía no hai ningún centro oficial que oferte o seu estudo.» (EFE)
Constitúese o Consello das Linguas Oficiais do Estado
“Palabras con memoria”, un proxecto da AELG para a recuperación de palabras
Días atrás presentámosvos a iniciativa de recuperación de vocabulario “Palabras con memoria“, que pretende xuntar un banco de palabras en desuso (e polo tanto en perigo de extinción) co afán de recuperalas e poñelas de novo en vixencia e nos dicionarios.
Ao enviar a palabra, cómpre facer constancia do seu significado ou significados, así como a zona (ou zonas) onde aínda pode ser escoitada, amén doutras características que se consideren oportunas para a súa rehabilitación.
Animámosvos a seguir facendo os vosos envíos ao seguinte enderezo electrónico a cargo do noso vogal por Lugo, Isidro Novo: palabra.con.memoria@aelg.org
Recibe un cordial saúdo da Directiva da AELG
Acordo ortográfico dos países lusófonos
Presentación n’ A Coruña d’ A lingua galega no cancioneiro de Pérez Ballesteros, de Xosé Manuel Sánchez Rei
O xoves 13 de decembro terá lugar a presentación do libro A lingua galega no cancioneiro de Pérez Ballesteros, a cargo do autor Xosé Manuel Sánchez Rei, Francisco Pillado Maior (director de Laiovento) e Xosé Ramón Freixeiro Mato (profesor titular da Área de Filoloxía Galego-Portuguesa da Universidade da Coruña). Será ás 20:30 horas no salón de actos da Asociación. (Asociación Cultural Alexandre Bóveda)
Recursos informáticos en galego
«A Asociación Cultural Alexandre Bóveda informa que mañá, martes 11 de decembro, terá lugar a presentación do CD sobre recursos informáticos en galego, Ferramentas GA-07 realizado pola equipa de normalización lingüística do IES Anxel Casal de Monte Alto.
Este CD ten como obxectivo achegar aos usuarios da informática, os recursos necesarios para que poidan empregar a lingua galega como medio habitual no uso dos ordenadores.
O acto será ás 20:30 h, no salón de actos da asociación. (R/ Olmos 16-18, 1º) con entrada libre.» (Asociación Cultural Alexandre Bóveda)
Xornada “Xustiza e lingua, reflexións para a normalización”
Será no Salón de actos do Ilustre Colexio de Avogados de Santiago de Compostela, o xoves 8 de novembro de 2007 ás 18:30 Horas. Máis información na web do Ilustre Colexio de Avogados de Santiago.
Curso de recursos informáticos en galego, n’ A Coruña
A A. C. Alexandre Bóveda d’ A Coruña organiza un curso de recursos informáticos en galego coas seguintes datas de celebración:
-1º curso (luns-mércores): 5, 7, 12, 14 e 19 de novembro;
-2º curso (martes-xoves): 6, 8, 13, 15 e 20 de novembro.
Todos os días de 20:30 a 22:30 horas. Para inscribirse no curso hai que facelo no local da A. C. Alexandre Bóveda (Rúa Olmos, 16-18, 1, A Coruña; 981 200 869) antes do seu comezo.
“Galeguia. Encontro con Cabo Verde” n’ A Coruña e Compostela
«A Fundación Via Galego organizou para o próximo 19 de outubro, sexta feira, no Kiosko Alfonso da Coruña, unha mesa redonda titulada “Letras que unen” e un recital poético denominado “Cabo Verde lírico”. Na mesa redonda Letras que Unen intervirán Felisa Rodrigues (experta-galega en literaturas lusófonas africanas), Germano Almeida e José Vicente Lopes (escritores cabo-verdianos) e Xavier Alcalá e Carlos Quiroga (escritores galegos). Incluirá unha breve introdución á literatura cabo-verdiana da profesora Felisa Rodrigues e posterior debate arredor da lingua galego-portuguesa como ferramenta útil de traballo para os escritores galegos e cabo-verdianos. Terá lugar a partir das 17horas. No recital participarán varias poetas novas, como Yolanda Castaño, Lucía Aldao ou María Lado, que recitarán poemas de autores cabo-verdianos. Terá lugar a partir das 19:00 horas.
O acto insírese nas xornadas Galeguia. Encontro con Cabo Verde, organizadas pola Fundación Via Galego entre os días 17 e 20 de outubro co patrocinio da Dirección Xeral de Creación e Difusión Cultural, entre outras institucións e entidades. Galeguia ten por obxecto fundamental promover un maior relacionamento entre a Galiza e os países de fala portuguesa, para así aproveitar na medida do posíbel a facilidade comunicativa que a lingua galega habilita no plano internacional, de extraordinario relevo no mundo global.» (Fundacion Via Galego)
