«A Fundación Via Galego organizou para o próximo 19 de outubro, sexta feira, no Kiosko Alfonso da Coruña, unha mesa redonda titulada “Letras que unen” e un recital poético denominado “Cabo Verde lírico”. Na mesa redonda Letras que Unen intervirán Felisa Rodrigues (experta-galega en literaturas lusófonas africanas), Germano Almeida e José Vicente Lopes (escritores cabo-verdianos) e Xavier Alcalá e Carlos Quiroga (escritores galegos). Incluirá unha breve introdución á literatura cabo-verdiana da profesora Felisa Rodrigues e posterior debate arredor da lingua galego-portuguesa como ferramenta útil de traballo para os escritores galegos e cabo-verdianos. Terá lugar a partir das 17horas. No recital participarán varias poetas novas, como Yolanda Castaño, Lucía Aldao ou María Lado, que recitarán poemas de autores cabo-verdianos. Terá lugar a partir das 19:00 horas.
O acto insírese nas xornadas Galeguia. Encontro con Cabo Verde, organizadas pola Fundación Via Galego entre os días 17 e 20 de outubro co patrocinio da Dirección Xeral de Creación e Difusión Cultural, entre outras institucións e entidades. Galeguia ten por obxecto fundamental promover un maior relacionamento entre a Galiza e os países de fala portuguesa, para así aproveitar na medida do posíbel a facilidade comunicativa que a lingua galega habilita no plano internacional, de extraordinario relevo no mundo global.» (Fundacion Via Galego)
Arquivo da categoría: Palestras
Promóvese a creación da Academia Galega da Língua Portuguesa
«Co apoio da Associação de Amizade Galiza-Portugal, a comisión que promove a creación dunha academia da lingua portuguesa en Galiza organiza unha serie de conferencias sobre o devir da lusofonía.
As conferencias comezan esta segunda feira en Compostela, a partir do mediodía na Facultade de Filoloxía da USC. Nelas intervirán os profesores Evanildo Bechara, da Academia Brasileira de Letras, e Malaca Casteleiro, da Academia das Ciências de Lisboa, presentados polos catedráticos galegos Martinho Montero Santalha, José Luís Rodrigues e Maria do Carmo Henriques.» (Vieiros)
Xosé A. Fraga falará n’ A Coruña de “Ciencia e cidade”
O xoves 27 de setembro terá lugar a conferencia de Xosé A. Fraga titulada “Ciencia e cidade. A actividade científica na Coruña na segunda metade do século XIX”. Ás 20:30 horas no salón de actos da Agrupación Cultural Alexandre Bóveda (Olmos, 16-18, 1º).
Mañá terá lugar en Santiago a I Xornada da Crítica Galega
Mañá, 21 de setembro, nas instalacións do Consello da Cultura Galega, terá lugar a I Xornada da Crítica Galega.
«A I Xornada da Crítica Galega, unha iniciativa que a Aelg, a través da súa Sección de Crítica, bota a andar este ano coa colaboración do Consello da Cultura Galega co obxectivo de crear un foro de reflexión sobre a crítica literaria, tan importante para a normalización do noso sistema literario.
Foi concibida como un primeiro encontro entre profesionais diversos do mundo da crítica para iniciar unha reflexión acerca da situación da crítica literaria en Galicia nas súas diferentes manifestacións.
Esta primeira Xornada, dirixida a todas aquelas persoas relacionadas co mundo da crítica literaria e cos escritores en xeral, quere ter en conta a actividade crítica que se está a desenvolver hoxe no marco peninsular, e para iso contará con representantes da crítica galega, catalá, vasca, española e portuguesa.
O encontro ten ademais como obxectivo crear un foro de debate sobre a crítica literaria galega que reúna todas aquelas persoas que a estean a exercer nos diferentes ámbitos, para debateren os seus principais problemas e acadar un maior grao de recoñecemento e profesionalización das súas actividades.
Desenvolverase nas instalacións do Consello, no 2º andar do Pazo de Raxoi (Praza do Obradoiro s/n, Santiago de Compostela)». (Asociación de Escritores en Lingua Galega)
I Xornada da Crítica Galega, da AELG
A I Xornada da Crítica, que a Aelg organiza en colaboración co Consello da Cultura Galega, desenvolverase nas instalacións do Consello o día 21 de setembro de 2007. O programa pode consultarse na web da Asociación de Escritores en Lingua Galega.
Comezaron en Ribadeo as xornadas sobre patrimonio literario
Xornada cultural-literaria “Unha viaxe ás terras e palabras de Merlín”
O 2 de agosto terá lugar en Mondoñedo a xornada cultural-literaria “Unha viaxe ás terras e palabras de Merlín”. Contará coa presenza de Tucho Calvo, Ramón Loureiro e Félix Villares. (A carón da lareira)
Conferencia en Compostela de Leonardo de Jandra
O mércores 27 de xuño, ás 20:00 horas no Club Internacional de Prensa (Avda. da Coruña, 6B, Santiago) terá lugar a conferencia do escritor mexicano Leonardo de Jandra titulada “México: autonomía e identidade no Mundo globalizado”. Será presentado por Ramón Caride.
Conferencias de Ignacio Ramonet e Ramón Chao en Redondela e Lugo
O xoves 21 e venres 22 de xuño o director de Le Monde Diplomatique Ignacio Ramonet e o xornalista e escritor Ramón Chao conferenciarán en Redondela e Lugo.
Conferencias de Ignacio Ramonet e Ramón Chao en Redondela e Lugo
Redondela (no Multiusos da Xunqueira) o xoves 21 e Lugo (no Centro Sociocultural da Fundación Caixa Galicia, Pza. de Santa María) o venres 22, serán os escenarios nos que Ignacio Ramonet e Ramón Chao falen sobre “A guerra e a paz hoxe. Xeopolítica dos conflictos contemporáneos” e máis sobre “A guerra contra os pobres”, en conferencia conxunta. Será dentro do ciclo “Os latexos do mundo”, levado a cabo neste primeiro semestre do ano polo Club Internacional de Prensa coa colaboración de Le Monde Diplomatique.
