Dentro das actividades do Día de Rosalía de Castro 2013, organizadas pola Asociación de Escritoras e Escritores en Lingua Galega, o venres 22 de febreiro terá lugar en múltiples centros de ensino a inclusión, nese día de actividades escolares, de lecturas e gravacións audiovisuais por parte do alumnado de poemas de Cantares gallegos, que serán divulgadas posteriormente no noso espazo web para darlles visibilidade social.
Finalizamos coa publicación diaria dos centros que participan nesta actividade, aos que agradecemos enormemente o interese e dispoñibilidade das súas comunidades escolares:

– Eu ben vin estar o moucho: IES Pintor Colmeiro, Silleda.
– Airiños, airiños aires: CEP Celso Emilio Ferreiro, Vigo.
– Ao Sr. D. Camilo Álvarez e Castro, Chantre da Catedral de Salamanca: CEIP Pío XII, Santiago de Compostela.
– Pasa, río, pasa, río: CEIP Plurilingüe nº 1 de Tui.
– Ora, meu meniño, ora: CEIP A Fraga, As Pontes.