Dentro das actividades do Día de Rosalía de Castro 2013, organizadas pola Asociación de Escritoras e Escritores en Lingua Galega, o venres 22 de febreiro terá lugar en múltiples centros de ensino a inclusión, nese día de actividades escolares, de lecturas e gravacións audiovisuais por parte do alumnado de poemas de Cantares gallegos, que serán divulgadas posteriormente no noso espazo web para darlles visibilidade social.
Continuamos coa publicación diaria daqueles centros que participan nesta actividade, aos que agradecemos enormemente o interese e dispoñibilidade das súas comunidades escolares:

– Cando a luniña aparece: Colexio Divina Pastora, O Barco de Valdeorras.
– Si a vernos, Marica, nantronte viñeras: CEP Pilar Maestu Sierra, A Pobra do Caramiñal.
– Como chove miudiño: CEIP de Baño-Xanza, Valga.
– Miña Santa Margarida: CEIP O Ramo, Fene.
– Eu cantar, cantar, cantei: IES Marqués de Sargadelos, Cervo.