19.00 h. 
Presentación da colección de libros infantís Rodribico, publicada por Baía Edicións. Participan no acto Manuel Guisande, autor dos textos, Xosé Tomás, autor das ilustracións e o debuxante Siro López.
19.00 h. Manuel Rivas asinará exemplares do seu libro Milú, publicado por Kalandraka Editora. Tamén asinará exemplares do seu libro Todo ben, publicado por Xerais, e do resto da súa obra.
20.00 h. O escritor Xosé Carlos Caneiro presentará o seu libro Un último destino, publicado por Galaxia. Xunto co autor, participarán no acto Víctor F. Freixanes e Xosé Luis Vilela.
21.00 h. Presentación do libro Intersecciones, de Pablo de Aguilar González, publicado por editorial Inéditor. Xunto co autor, participará no acto o escritor Juan Mariñas.
Arquivos da etiqueta: Milu
A Coruña: presentación de Milu, de Manuel Rivas
A Fundación Meniños é a promotora da publicación de Milu, un álbum infantil escrito por Manuel Rivas, con ilustracións de Aitana Carrasco e editado por KALANDRAKA, que pretende reflectir a situación dos nenos e nenas en situación de desvantaxe social. O libro presentarase o mércores 12 de maio a partir das 20:00 horas na Fundación Luis Seoane da Coruña, en vésperas da celebración do Día da Familia (15 de maio). Participan o autor da obra, Manuel Rivas, o vicepresidente da Fundación MENIÑOS, Xosé Manuel Villanueva, e o director de KALANDRAKA, Xosé Ballesteros.
