Desde Nós Diario:
“(…) O vindeiro 10 de maio a Irmandade Moncho Valcarce realizará o acto de entrega dos Premios Moncho Valcarce 2025, que este ano recollerán na categoría “Pola Promoción da Terra” a escritora e xornalista Margarita Ledo e na de “Pola Defensa da Terra” na Plataforma veciñal Mina de Touro-O Pino non. O ano pasado Nós Diario foi galardoado co premio “Pola Promoción da Terra”. Estes galardóns, que fan 22 edicións, son xa unha cita obrigada para homenaxear aquelas persoas, colectivos ou entidades que teñan unha traxectoria contrastada na defensa dos máis desfavorecidos, na defensa do noso idioma, da nosa cultura e da nosa identidade.
Margarita Ledo recibirá o premio na categoría “Pola Promoción da Terra”. A escritora, xornalista, decana da facultade de Ciencias da Información da Universidade de Santiago (USC) onde exerce na actualidade como catedrática de Comunicación Audiovisual, académica numeraria da Real Academia Galega, Premio Nacional da Cultura Galega, fundadora e directora do semanario A Nosa Terra, é tamén directora de cine e activista social e cultural.
Na categoría “Pola Defensa da Terra” a Plataforma veciñal Mina Touro-O Pino NON” será recoñecida pola Irmandade Moncho Valcarce polos oitos anos -desde 2017- que leva liderando a loita contra a reapertura da mina a ceo aberto para a extracción de cobre. (…)”
Arquivos da etiqueta: Premios Moncho Valcarce
Camilo Nogueira obtén o Premio Moncho Valcarce de Defensa da Terra
Camilo 
Nogueira, un dos nomes clave na evolución do nacionalismo galego, recibirá o Premio Moncho Valcarce á Defensa da Terra, galardón creado pola Irmandade que leva o nome do activista antifranquista, coñecido como O crego das Encrobas. O premio á Promoción da Terra recaeu, desta volta, na Asociación Socio-Pedagóxica de Galiza (AS-PG), movemento de renovación pedagóxica pioneiro no país con máis de trinta anos de actividade na súa traxectoria. Os galardoados recibirán os seus premios nunha gala organizada pola Irmandade Moncho Valcarce o sábado 26 de marzo na Coruña. Durante a entrega dos premios presentarase o libro Moncho Valcarce un símbolo para Galiza. Diarios inéditos e outros textos, que recupera textos escritos por Valcarce entre 1961 e 1968, ano no que foi expulsado do Seminario por ser demasiado idealista. Tamén se recupera un Diario de Exercicios Espirituais que corresponde cunha estancia en Pontedeume que data de 1983. No mesmo explica as razóns que o levaron ao sacerdocio e ao seu compromiso coa esquerda nacionalista. A nova provén de Galicia Hoxe. Tamén recollida en Galaxia.
