X Premio de Poesía Fiz Vergara Vilariño
Arquivo da categoría: Premios poesía: convocatorias
Premio de poesía Eusebio Lorenzo Baleirón
O Concello de Dodro, para honrar a memoria do seu ilustre poeta e contribuír á promoción da poesía galega, manifestación sobranceira da nosa literatura, convoca a XXiI edición do PREMIO EUSEBIO LORENZO BALEIRÓN. Poderán concorrer a este certame as poetas e os poetas que o desexen, con cadanseu libro escrito en lingua galega, segundo a normativa vixente. Os poemarios aspirantes ao premio serán de tema e forma libres, cunha extensión mínima de 500 versos e máxima de 800. Deberán ser orixinais e estar inéditos na súa totalidade, condición que se estende ao soporte dixital. No momento do fallo do certame, non poderán estar presentados a ningún outro concurso. O prazo de presentación remata o 21 de novembro. A dotación do Premio, único e indivisible, será de 2.300 euros. [Descargar bases en PDF]
XIII Premio de Poesía Johán Carballeira
Poderán concorrer autoras e autores que presentaren os seus orixinais escritos en lingua galega. Os textos, cuxa extensión deberá superar os 400 versos, deben ser inéditos e non estar premiados en anteriores convocatorias do premio nin en ningún outro concurso de poesía. Presentaranse tres copias en tamaño folio, identificadas cun lema, mecanografadas a dobre espazo, numeradas e grampadas ou encadernadas. As copias irán acompañadas dun sobre pechado que conterá os datos persoais do autor ou autora, e deberán enviarse ao seguinte enderezo:
XIII premio de poesía Johán Carballeira
Concello de Bueu
Rúa Eduardo Vincenti, 8
36930 Bueu (Pontevedra)
Concello de Bueu
Rúa Eduardo Vincenti, 8
36930 Bueu (Pontevedra)
O prazo de presentación remata o 16 de novembro de 2009. Para máis información, escriban ao departamento de cultura do Concello de Bueu.
Certame Literario da Asociación Francisco Lorenzo Mariño
Certame de poesía e relato curto. Data límite: 16 de outubro.Bases.
Remata o prazo para participar no XXII Premio Nacional de Poesía Xosemaría Pérez Parallé
O Círculo Mercantil e Industrial-Unidade de Fene lembra que até o 30 de setembro próximo está aberto o prazo de recepción de orixinais para a XXII edición do Premio Nacional de Poesía Xosemaría Pérez Parallé. Esta é unha convocatoria moi especial para o Círculo Mercantil porque este ano celébrase o centenario do nacemento do poeta. Poderán participar do premio aqueles autores e autoras que non teñan ningún libro de poesía publicado. Quen desexe facelo deberán enviar ao enderezo do Círculo Mercantil un libro de poemas en lingua galega. A extensión mínima aconsellada é de 300 versos. Deberán enviarse tres copias encadernadas e baixo seudónimo. As bases do premio atópanse publicadas na web do certame. Unha vez rematado o prazo de presentación de orixinais, farase pública a composición do xurado.
XXII Premio Nacional de Poesía Xosé María Pérez Parallé
O prazo de presentación de orixinais remata o 30 de setembro. Bases: PDF (139 KB).
VIII Premio de Poesía Caixanova
Até o 31 de outubro hai tempo para participar no VIII Premio de Poesía Caixanova, dotado con doce mil euros. Podedes descargar as bases neste enderezo.
XVII Premio de Poesía Espiral Maior
Edicións Espiral Maior convoca en Galicia e Portugal o XVII Premio de Poesía Espiral Maior, un dos certames poéticos máis importantes dos que na actualidade teñen lugar no ámbito peninsular ibérico. O Premio de Poesía Espiral Maior, patrocinado por Ámbito Cultural El Corte Inglés, está dotado con 15.000 €, o que o converte no mellor dotado economicamente de Galicia e nun dos mellores dotados, no que atinxe á poesía, do panorama ibérico e europeo.
Poderán presentarse ao Premio libros escritos en galego e en portugués, inéditos e cun mínimo de 600 versos e o prazo de admisión dos mesmos rematará o día 20 de xuño de 2008.
O libro premiado, cunha tiraxe de 2.000 exemplares, verá a luz na Colección Poesía de Edicións Espiral Maior, unha colección poética que conta con máis de 200 títulos publicados e que está considerada como a máis importante colección de poesía na historia da edición galega e nunha das máis importantes do ámbito ibérico.
En anteriores convocatorias do Premio resultaron gañadores os poetas galegos Yolanda Castaño e Xavier Seoane e, na última edición, o poeta portugués Amadeu Baptista.
II Premio Ciudad de Orihuela de Poesía Infantil
Convocado polo Ayuntamiento de Orihuela e Factoría K de Libros, o certame outorga un premio de sete mil euros á obra gañadora. Admítense orixinais só en lingua castelá. O prazo de recepción de traballos remata o 19 de setembro. Bases en PDF (1,3 MB)
GZ Crea, certame galego de novos creadores
Até o 5 de xuño está aberto o prazo de presentación de solicitudes do certame GZ Crea, ao que poden optar os creadores galegos entre 16 e 30 anos de idade nas seguintes cateogrías: Teatro, Artes plásticas, Moda, Música, Relato Breve, Poesía, Videocreación, Banda deseñada, Graffiti, Carteis e Deseño de xoias. Poden ler as bases neste enderezo.
