“A Consellaría de Cultura destinará este ano 95.700 euros e outros 104.300 o ano que vén para contribuír á tradución de obras literarias galegas a outras linguas e viceversa. […] “As axudas están dirixidas ás editoriais e valoraranse, entre outros criterios, a calidade da obra e o seu interese.” (Consellaría de Cultura e Deporte)
Arquivo da categoría: Edición
Lois Diéguez presenta “O canto do muecín” n’ A Coruña
O canto do muecín, novela de Lois Diéguez editada na colección “Central Literaria” de Edicións A Nosa Terra, presentarase na Coruña o día 14 de xuño ás 20:30 horas en “Portas Ártabras” (Rúa Sinagoga, 22). Participarán a profesora da Universidade da Coruña Pilar García Negro e o historiador Felipe-Senén. O acto pecharase cunha representación multimedia a cargo de Lino Braxe, Flor Maceiras, Isidoro Novo e Antón Fortes. Organizan o evento a A. C. Alexandre Bóveda e os Amigos dos Museos de Galicia.
Presentación en Compostela de “Gravados rupestres nos montes de Carnota”, de José Cernadas Sande
O venres 15 de xuño, ás 20:00 horas na libraría Follas Novas (Santiago), presentarase o libro Gravados rupestres nos montes de Carnota, de José Cernadas Sande. No acto intervirán José Manuel Vázquez Varela (catedrático de Prehistoria na Universidade de Santiago), X. Amancio Liñares Giraut (director editorial de 3C3) e o propio autor.
.
Tertulia en Madrid sobre a real facturación do sector editorial
O 13 de xuño de 16:00 a 19:00 horas na Representación en España da Comisión Europea (Paseo de la Castellana, 46, Madrid), terá lugar unha tertulia sobre Folios, caracteres, palabras: verdades y mentiras en los sistemas de facturación del sector editorial. Estará a cargo de Carlos Milla (traductor) e Marta Pino (traductora).
Presentación en Vimianzo dun traballo etnográfico de X. Mª Lema e R. Mouzo sobre a Terra de Soneira
O 17 de xuño, ás 13:30 horas na Área recreativa de Mosquetín (Salto-Vimianzo), presentarase a obra O conxunto etnográfico dos batáns e muíños do Mosquetín, na Terra de Soneira. Outros batáns, folóns ou pisóns de España e Portugal (Seminario de Estudos Comarcais da Costa da Morte), de X. Mª Lema Suárez e R. Mouzo Lavandeira.
Presentación en Ourense de “Írimo”, de Stella Estrada
O martes 12 de xuño ás 20:15 horas, na Sala de Tertulia do Liceo de Ourense, terá lugar o a presentación da novela de Stella Estrada titulada Írimo. Intervirán Manuel Zabal, profesor de literatura, Marisol Iglesias, editora e a propia autora.
Ánxeles Penas na Galería Sargadelos d’ A Coruña
O martes 12 de xuño ás 20:00 horas, na Galería Sargadelos d’ A Coruña (Rúa Real, 56), terá lugar unha nova edición do ciclo “Martes Literarios”. Nesta ocasión contarán con Ánxeles Penas, quen nos presentará o seu último poemario Perfís e poéticas (Bahía), ademais de ofrecerse para o coloquio cos asistentes ao acto.
Número 17 da revista “foeminas”
Xa está disponíbel o número 17 da revista foeminas, dedicado a María Mariño. Para consultala, só é preciso entrar na web da revista.
A AGE divulga trimestralmente na rede as novidades editoriais
A Asociación Galega de Editores pon a disposición “a versión dixital da revista Novas de libros, que recolle as novidades editadas desde xaneiro. Esta revista, que terá periodicidade trimestral, pretende ser un escaparate de toda a produción en galego que contribúa á súa divulgación e posta en valor, tanto nos círculos onde o libro xa é un produto habitual como en novos espazos.” (AGE)
Presentación n’A Coruña de “Atmosferas”, de Olga Patiño Nogueira
Atmosferas, de Olga Patiño Nogueira, presentarase no auditorio da Fundación Caixa Galicia d’A Coruña (Cantón Grande, 21-23) o próximo martes 12 de xuño ás 20:30 horas. A presentación do libro de poemas, que inclúe gravados do brigantino José Valentín, contará coa presenza de Celestino Poza, Carlos Pereira e Miguel Anxo Fernán-Vello, para alén da intervención musical do grupo Poesía de Cámara.
