«O poeta Eduardo Estévez gañou este martes o premio Miguel González Garcés pola súa obra Construccións, un poemario en galego que estivo exposto ao público en internet en todas as fases da súa creación.
O autor, informático ademais de poeta, publicou os textos deste libro na rede, xunto ás súas versións anteriores, e detallou o seu proceso de escritura nun blog, durante boa parte do ano 2006. […]» (Galiciae)
«A entrega da 8ª edición do Premio de Poesía Fiz Vergara Vilariño, que nesta edición gañou a poeta Olalla Cociña, terá lugar ás 20:00 horas o venres 18 de abril no hotel NH Alfonso IX de Sarria.
Na entrega do premio intervirán, Xosé Mª Álvarez Cáccamo, Yolanda Castaño e Martín Veiga (xurados desta edición), Eduardo Valiña (artista plástico que cede a obra desta edición), o concelleiro de Cultura do Concello de Sarria, Xermán Arias, e María Casar (presidenta da A.C. Ergueitos). O mantedor do acto será X. A. Neira Cruz.
Ao rematar o acto haberá unha cea no mesmo hotel (o prezo das tarxetas é 25€ – 667429225). Nesta ocasión tamén nos sería moi grato poder terte neste acto que anova en cada edición o noso labor de manter viva a memoria do Fiz e de facer medrar a árbore da poesía cun novo poemario anainado na casa da Espiral Maior.» (A. C. ERGUEITOS)
O xurado decidiu por unanimidade premiar a obra Migracións, de Rafa Villar, que concorría na XXIV edición do premio. «Os membros do xurado, entre eles os portugueses António Manuel Pires Cabral, do Concello de Vila Real, e Joaquim Ribeiro Aires, do Grémio Literário Vila-Realense, amais do gañador da anterior edición, Francisco Fernández Naval (con Miño), salientaron “o carácter intenso e comprometido, así como a música e o ritmo interior que se inicia no primeiro poema e que se mantén constante até o final do libro”. Destacaron, tamén, a “alta calidade” de todos os traballos presentados. […]» (A Nosa Terra ; vexa tamén o Diário Digital)
En o 29 de marzo de 2008 reuníronse na casa do Concello de Sarria os membros do xurado do VIII Premio de Poesía Fiz Vergara Vilariño, que acordaron por unanimidade conceder o premio ao libro presentado baixo o lema “Xardín de terra”. Aberta a plica da obra seleccionada, en acto público celebrado ás 13:30 horas, resultou ser a súa autora Olalla Cociña Lozano. Os xurados foron Yolanda Castaño, Xosé María Álvarez Cáccamo e Martín Veiga; o presidente, Xermán Arias e a secretaria, María Casar. (A.C. Ergueitos / Concello de Sarria)
O próximo sábado 29 de marzo o xurado da VIII edición do Premio de Poesía Fiz Vergara Vilariño, formado por Yolanda Castaño, Martín Veiga e Xosé María Álvarez Cáccamo, acompañados por Xermán Arias (Concelleiro de Cultura do Concello de Sárria) e María Casar (Presidenta da A. C. Ergueitos), ámbolos dous con voz e sen voto, reunirase para realizar a derradeira deliberación desta edición.
Ás 13:30 horas procederase a abrir a plica do poemario gañador e coñeceremos o nome da gañadora ou gañador do VIII Fiz Vergara Vilariño. O acto de apertura da plica do poemario gañador será público e realizarase no salón de plenos do Concello de Sárria. (A.C. Ergueitos. Tlf: 678601550)
«O xeito de Freud é o título deste libro que o xurado do galardón convocado polo Concello de Bueu –Miro Villar, Antía Otero e Paco Souto– elixiron por unanimidade despois de caer engaiolados “pola solidez da súa construción” e a súa “complexa elaboración”, así como pola “riqueza que establece no diálogo intercultural e intertextual co discurso contemporáneo”.» (Galicia Hoxe)
(Vieiros)
«O xurado formado polos/as escritores/as Lino Braxe e Xiana Arias e a crítica literaria Ana Salgado acordou, o pasado sábado, concederlle o premio desta edición á obra Debaixo de Dziga Verlov hai unha buxaina, da autoría de Valentina Carro Padín, salientando que se trata dunha “aposta de recuperación da mellor tradición vangardista”. […] A entrega do premio terá lugar o vindeiro sábado, 24 de novembro, a partir das 20 h nos locais do CMI Unidade de Fene.» (Fene Cidadán)
Así mesmo, o xurado acordou conceder un accésit ao libro Metal central, de Alfredo Ferreiro.
“A quinta edición do Premio de Literatura Infantil Pura e Dora Vázquez xa ten gañador: o escritor Miro Villar. E unha finalista, Concha Blanco. Ambos de Cee, coa obra Os poderes máxicos de Aitema.
Villar, profesor de lingua e literatura galega, poeta, narrador, tradutor e crítico literario, alzouse co galardón literario polo seu orixinal O nariz de Fiz. Segundo a valoración do xurado, o orixinal do escritor que formou parte do Batallón Literario da Costa da Morte, «recolle a historia dun particular Pulgarcito galego, trátase dunha historia doutro tempo escrita cun rico léxico e no que se fomentan amplos valores positivos como o de amizade, familia…» […]” (La Voz de Galicia)
