Arquivo da categoría: Internacional

Steiner pide desculpas publicamente

Publicado o por

Hoxe o xornal El País recolle as desculpas de George Steiner do seguinte modo:

«Ante la avalancha de críticas que suscitó la entrevista que concedió George Steiner a El País Semanal el 24 de agosto, el filósofo envió un correo electrónico a EL PAÍS para que fuera remitido al Pen Club gallego; en el correo Steiner dice: “Como demuestra mi libro Después de Babel soy un apasionado defensor de las lenguas y literaturas minoritarias. Mi comentario irreflexivo fue una respuesta al chovinismo regional que amenaza ahora la unidad de España. Pido mis más sinceras disculpas”».

É preciso lembrar que o 28 de agosto foi publicado en El País un comunicado conxunto sobre o asunto por parte da AELG, o Pen Clube de Galicia e a Mesa pola normalización lingüística.

Bos Aires: VI encontro Cousas de Mulleres

Publicado o por

A asociación Herbas de Prata comprácese en convidala-o ao seu sexto encontro dos obradoiros Cousas de Mulleres o vindeiro sábado día 20 de setembro ás 16,00 na ABC del Partido de Corcubión.
Seguiremos traballando para abrir un espazo para a voz das mulleres, un sitio no que elas sexan escoitadas e teñan a liberdade de falar de todo canto viven, pensan e sinten. O encontro será o sábado 20 de setembro ás 16:00 na rúa Venezuela 2164 da cidade de Bos Aires. Confirmar presencia ao (5411) 4381-0424 ou por correo a herbasdeprata@gmail.com. (Herbas de prata)

Bruxelas: proxecto “Escritores/as residentes”

Publicado o por

Xavier Queipo, vogal da Aelg para as relacións internacionais, infórmanos do proxecto “Escritores/as residentes”. Trátase dun mes de estadía ben nunha casa do campo, ben nun apartamento do centro de Bruxelas, coa idea de gozar dun lugar tranquilo para crear.

Por ser unha institución belga a que fai a selección dos/as candidatos/as, sería necesario coñecer unha das linguas do país. Podedes consultar as condicións de solicitude aquí. (Consello Directivo da Aelg)

XXII Festival de Poesía do Condado

Publicado o por

XXII Festival de Poesia do Condado«A que xa é a XXII edición do Festival de Poesía do Condado bota a andar en Salvaterra de Miño o próximo xoves 4. Este ano, o encontro preséntase como foro de achegamento ás reivindicacións populares e veciñais fronte aos intereses empresariais, co lema ‘Galiza non se vende’.[…]» (A Nosa Terra)

A literatura galega en Barcelona, Frankfurt e Guadalajara

Publicado o por

«A promoción da industria cultural galega vén sendo un dos obxectivos prioritarios na liña de actuación da Asociación Galega de Editores (AGE) para o ano 2008. Nesa política de promoción do libro galego un dos pilares básicos é a asistencia dos editores e dos seus produtos ós diferentes encontros profesionais que se desenvolven en todo o planeta. É por iso que, nesta recta final de ano, a AGE afrontará tres novos retos: a asistencia á Feira Internacional do Libro Liber de Barcelona, a Feira Internacional de Frankfurt (Alemaña) e a Feira Internacional do Libro de Guadalajara (México). […]» (AGE)

I Encontro de escritores “Cidade da Coruña”: narrativa con memoria histórica

Publicado o por

[kml_flashembed movie="http://www.youtube.com/v/PXqSI4drgX0" width="320" height="240" wmode="transparent" /]

Este é un vídeo do acontecido na Casa Casares Quiroga da Coruña o 18 de xullo de 2008 dentro do I Encontro Cidade da Coruña. Publicado por Tati Mancebo no blogue O levantador de minas.

Preséntase en Buenos Aires a novela El sastre de Lugo, de Stella Maris Latorre

Publicado o por

O 14 de agosto presentarase en Buenos Aires a novela El sastre de Lugo, de Stella Maris Latorre (Gárgola Ediciones/Ed. Cuatro Vientos). A presentación correrá a cargo do escritor e Secretario de Actas da Sociedad Argentina de Escritores Rubén Darío Gasparini e contará coa presenza da autora. Será ás 17:30 no Salón de Actos Maruxa Boga 25 de Mayo, 555, PB. CA Buenos Aires.

Galiza nom se vende: XXII Festival da Poesia do Condado

Publicado o por

Coa lexenda “Galiza nom se vende”, desde 4 de setembro Salvaterra acollerá unha nova edición do «Festival da Poesia no Condado». Ofrecerá, como acostuma, un amplo programa que inclúe pintura, fotografía, poesía visual, música e poesía. Entre os poetas do programa figuran Marica Campo, O Leo, Kiko Neves, Carlos Figueiras, Valentina Carro, María Lado, Xiana Arias, Pedro Casteleiro, Paco Souto, Concha Rousia, Cruz Martínez, Alberto Lema, Igor Lugrís, Lino Braxe, Chus Pato, Pilar Beiro, Núria Martínez Vernís (Països Cataláns), Limam Boicha (Saara) e Isaque Ferreira (Portugal). Vexa o programa na páxina da SCD Condado.