Arquivo da categoría: Internacional
45 escritores participarán na Feria Internacional do Libro da Habana
«Uns 45 escritores de Galicia de todas as xeracións participarán, do 13 ao 24 de febreiro próximo, na XXVI Feria Internacional do Libro da Habana, dedicada á cultura da comunidade autónoma, con fortes vínculos históricos e culturais con Cuba.» (La Voz de Galicia)
Estíbaliz Espinosa, novo talento europeo
«Baixo o título L’Europa dei Giovanni, a Europa dos mozos, a Universitá degli Studi di Padova fai unha análise da situación na que se atopa a nova literatura que se está a producir en toda Europa. Entre os catorce artigos cos que conta o volume, atopamos un dedicado á nosa literatura, relatado por Francisco González Lousada e coa escritora Estíbaliz Espinosa de protagonista.» (Vieiros)
Rectificación (07/04/08): A Universidade de Padova foi realmente a que albergou este evento, en non a de Roma, como afirmamos na altura da publicación da noticia. A corrección faise grazas á xentileza de Marco Prandoni, quen amabelmente se dirixiu a nós.
María do Cebreiro comeza un programa de intercambio de escritores con Gales
«Quérese darlle “visibilidade” á lingua e ás tradicións de Galiza. A profesora e escritora María do Cebreiro será pioneira nun programa de intercambio de escritores galegos coa Universidade de Bangor, en Gales (Gran Bretaña), promovido polo Centro de Estudos Galegos de Gales e a Asociación de Escritores en Lingua Galega (AELG) coa colaboración da Secretaría Xeral de Política Lingüística da Xunta.» (A Nosa Terra)
Acordo ortográfico dos países lusófonos
Euskadi, Cataluña e Galiza coordinaranse para o apoio á cultura
«Os titulares de Cultura de Cataluña, Euskadi e Galiza asinaron por primeira vez unha declaración institucional –a Declaración de Compostela- entre os tres gobernos das nacionalidades históricas do Estado español, na que se comprometen a colaborar en materia de patrimonio cultural, artes, industrias culturais e cultura popular.» (Consellaría de Cultura e Deporte)
A revista mexicana Reverso publica un monográfico de poesía galega
«A revista mexicana Reverso presentou onte na Feira de Guadalajara a súa nova entrega, que inclúe un monográfico sobre poesía galega. O director da publicación, Carlos López de Alba, subliñou a “magnífica saúde” deste xénero en Galicia.
No mesmo acto, a conselleira de Cultura, Ánxela Bugallo, referiuse ás pontes recuperadas entre Galicia e México e a persoeiros galegos que viviron no país americano, como Carlos Velo, Lorenzo Varela ou Elixio Rodríguez.
O monográfico recolle poemas de Luz Pozo Garza, Xohana Torres, Manuel Álvarez Torneiro, Xosé Luis Méndez Ferrín, Xosé María Álvarez Cáccamo, Xulio Valcárcel, Xavier Seoane, Chus Pato, Pilar Pallarés, Miguel Anxo Fernán Vello, Eva Veiga, Olga Novo, Yolanda Castaño e Emma Pedreira, acompañados por ilustracións de Alfonso Costa. […]» (Xeración Web)
Manuel Rivas no Cervantes de Tel Aviv
O Instituto Cervantes de Tel Aviv informa sobre a visita do escritor Manuel Rivas ao centro no cadro do ciclo “Encontros con escritores”. (Instituto Cervantes de Tel Aviv)
Estrearase en Buenos Aires a obra Aurora Rodríguez e a súa filla Hildegart, de Marga do Val
A Compañía Arte Livre porá en escea en Buenos Aires a obra da escritora galega Marga do Val Aurora Rodríguez e a súa filla Hildegart. O domingo 9 de decembro estrearase no Teatro Bambalinas, da Federación de Sociedades Galegas de Buenos Aires. Estará en carteleira até o día 13 de decembro.
I Premio Literario “Antonio Fernández Morales”
Até o 20 de decembro de 2007. Bases.
