Os días 23 e 24 de novembro celebrarase o III Simposio Internacional Letras na Raia, que co lema “Cinema e Literatura”. Terá lugar no Pazo da Cultura do Concello de Pontevedra.
«Estes encontros naceron para establecer relacións entre os novos/as creadores/as literarios/as das dúas culturas, para (re)coñecérense, compartiren puntos de vista e opinións, creando un diálogo positivo fronte os problemas e situacións comúns. Para iso contamos co patrocinio fundamental da D.X. de Xuventude e Solidariedade.
O simposio deste ano tratará as relacións entre cinema e literatura, cunha conferencia do escritor Xavier Queipo e unha serie de mesas redondas». Ver programa. (AELG)
Arquivo da categoría: Internacional
“Ponte…nas ondas!”: pola candidatura do Patrimonio Inmaterial Galego-Portugués
«Desde a Asociación Cultural e Pedagóxica Ponte…nas ondas! informámosvos da primeira das accións para reactivar a sensibilización social en relación coa Candidatura do Patrimonio Inmaterial Galego-Portugués.
Trátase agora dunha primeira acción arredor do 25 de novembro ( data na que en 2005 non foi proclamada esta Candidatura ). O próximo venres 23 de novembro imos encher as pontes do Miño entre Galiza e Portugal de mozos e mozas que van pedir novamente unha nova oportunidade para o patrimonio común galego-portugués co lema: 1 PATRIMONIO PARA O FUTURO.
Ademais de facer a coreografía do Máis Perto de Meniños Cantores (videoclip gravado por máis de 500 xoves na ponte entre Tui e Valença), nesta ocasión imos multiplicar por 4 esta imaxe. Máis de 2.000 persoas unirán coas súas mans as dúas beiras do Miño. Farase unha solta de globos ( azuis, brancos, vermellos e verdes ) simultánea en cada unha das pontes. Para facilitar o labor dos xornalistas vaise facer secuenciado temporalmente como segundo o horario indicado na nota adxunta.» (Asociación Cultural e Pedagóxica Ponte…nas ondas!)
Marisa Núñez galardoada co Primeiro Premio Internacional do Libro Infantil
«A autora galega Marisa Núñez ven de ser galardoada co Primeiro Premio Internacional do Libro Infantil, concedido pola Fondation Espace Enfants (FEE) de Suíza pola obra CHOCOLATA, publicada por OQO Editora. Este premio convócase cada dous anos desde hai dúas décadas en St. Pierre des Clages, Vila Suíza do Libro.
A obra, escrita por Marisa Núñez, está ilustrada pola austríaca Helga Bansch e foi publicada por OQO Editora en galego, castelán, catalán, inglés, francés e portugués…» (Asociación Galega de Editores)
Reapertura do Espazo Galego dos Països Catalans
O 24 de novembro, ás 17:00 horas no Centre Transformadors ( C/ Ausiàs March, 60, Arc de Triomf L1, 08010 Barcelona; ver mapa) terá lugar a Xornada de reapertura de Espazo Galego, onde se poderá escoitar, debater e facer propostas. (Espazo Galego dos Països Catalans / Espai Gallec dels Països Catalans)
Galeria portuguesa reclama libros galegos e intercambio cultural
«Galeria “…também Galicia” (Rua do alcaide, 30 loja, 4700-024 Braga)
Comercializamos artigos galaico-portugueses: cerâmica, jóias, vidro, livros…e realizamos exposições de pintura, cerâmica, joias… Pretendemos, além do comércio, realizar actividades culturais e artísticas, tanto portuguesas como galegas. Conhecemos já alguma Galiza e pretendemos divulgar Portugal e também a Galiza. Interessamo-nos muito pela cultura, história, arte…galegas.
Gostaríamos de saber se há alguns folhetos informativos ou livros que poderíamos ter acesso para os divulgarmos à população que nos frequenta e para nós também.
Gostaríamos também de saber mais em pormenor as vossas actividades culturais. Gostaríamos de ser um ponto de referência cultural cá em Braga para alguma actividade futura de intercâmbio entre a Galiza e Braga (tão próximos estávamos, de passado comum, tão próximo nos encontramos e reduzidas actividades se efectuam). Gostaríamos de conhecer mais a fundo os escritores galegos.
Contactem-nos (melhor por correio electrónico): galeriatambemgalicia@iol.pt
Bernardina Sousa Pereira
José Paraíso Carvalho»
Factoría K celebra o seu segundo aniversario cunha nova colección de narrativa para adultos
«‘Lecturas de altura’ publica en galego a obra de grandes autores da literatura universal, mentres que ‘Periferias’ lanza en castelán a creadores do eido galego e lusófono.» (Faktoría K)
Versos galegos na Feira do Libro de Amberes
«O vindeiro domingo 11 de novembro, no contexto dos actos literarios de Europalia (Festival fundado en Bruxelas en 1969 co fin de organizar unha bienal de artes e cultura no corazón de Europa), os poetas oficiais de Bruxelas, declarados oficialmente como tal, despois dunha iniciativa literaria da comunidade neerlandófona de Bruxelas e da cidade durante o ano 2007 : Geert Van Istendael, Laurence Vielle, Xavier Queipo e Manza, participarán conxuntamente nun recital literario na Feira do Libro de Amberes. Os poetas van ler tres poemas cada un, dous de libre elección e outro adicado a saudar á Comunidade neerlandesa. A lectura será na língua orixinal de cada un deles (neerlandés, francés, galego e árabe) e simuntáneamente proxectaranse nunha pantalla as traducións dos poemas ao neerlandés e ao francés para que o público poida seguir o contido dos poemas de forma participativa.» (Europalia)
I Xornadas Virtuais de Literatura
Hoxe, día 7, ás 17:00 horas comezarán as I Xornadas Virtuais de Literatura organizadas pola AELG. Durante os últimos catro mércores do mes de novembro as persoas inscritas poderán seguir desde os seus computadores persoais as conferencias que ao vivo emitirá a Asociación desde a súa nova plataforma educativa. Deste modo, participantes de todo o mundo poderán ter acceso aos contidos que algúns dos máximos especialistas galegos na obra de Xosé María Álvarez Blázquez (próximo homenaxeado no Día das Letras) e Agustín Fernández Paz disponibilizarán por videoconferencia e através de documentación permanente. Entre as actividades figuran videoconferencias ao vivo e residentes, chats cos especialistas, foros de educadores e diversos materiais complementarios para o desenvolvemento teórico-práctico nas aulas dos temas tratados.
Esta iniciativa pioneira na divulgación universal de contidos culturais contará cos traballos de Xavier P. Docampo, Ramón Nicolás, Xosé María Álvarez Cáccamo, Agustín Fernández Paz (que desvelará algunhas das principais chaves creativas da súa obra), Víctor Freixanes, Mercedes Queixas, Óscar Sánchez e Pedro Silva.
Galeusca 2007: o actual Estado “non é garantía para desenvolver as identidades”
«Na útima xornada de Galeusca, o encontro das literaturas de Galicia, Euscadi e Cataluña que se pechou onte en Lugo, denunciouse que “a actual estrutura estatal non é garantía do desenvolvemento das nosas identidades lingüísticas e culturais”. Por iso, consideraron que a nova presidencia europea poderá ofrecer un “novo marco que teña en conta o recoñecemento das nacións e nacións e linguas do Estado”. […]
A un ano do seu 25 aniversario, os escritores reunidos no encontro decidiron “traballar cara á construción dunha entidade xurídica común” para actuar en conxunto. Reafirmaron ademais a necesidade de creación dun “campo de comunicación entre as nosas linguas e literaturas” para as traducións directas que contarán cun espazo en común.
Ademais, denunciaron que logo de vinte anos de existencia dunha Lei de Propiedade Intelectual, “non teñen producido os avances mínimos desexables no referente á protección dos Dereito de Autor, polo que instamos aos diversos niveis administrativos o seu apoio para estas reivindicacións permanentes do sector”.» (Galicia-Hoxe)
VIII Seminario internacional de tradución poética en Rianxo
Organizado por AULIGA (Asociación Internacional de Amigos da Universidade Libre Iberoamericana en Galicia) e o Concello de Rianxo, terá lugar en Rianxo entre o 14 e o 17 de novembro.
