Este martes 6 de xullo, ás 20:00 h., preséntase na Libraría Couceiro (Praza de Cervantes) de Santiago a tradución da obra de Gabriel Keith Chesterton O home que era Xoves, feita por Marta Verán, publicada en 2.0 editora. No acto participan Xabier Cid e Antón Lado.
Arquivo da categoría: Narrativa
Vigo: María Reimóndez e Benigno Campos asinan exemplares da súa obra na Feira do Libro
No marco da Feira do Libro de Vigo, este mércores 7 de xullo a partir das 19:00 horas, María Reimóndez asinará exemplares de O monstro das palabras, publicado en Xerais, e do resto da súa obra. A partir das 19:30 horas, fará o mesmo Benigno Campos co seu libro A cociña de Larpeiros, publicado en Galaxia.
Vigo: presentación de O soño (re)dirixido, de Vítor Vaqueiro
No marco das actividades da Feira do Libro de Vigo, o martes 6 de xullo, ás 20:30 horas, Vítor Vaqueiro presenta O soño (re)dirixido, publicado por Galaxia. No acto participarán Víctor F. Freixanes, Xosé María Álvarez Cáccamo e o propio autor.
Vigo: presentación de Xuvia-Neda, de Vicente Araguas e sinatura de libros de X. R. Quintana Garrido
Dentro das actividades da Feira do Libro de Vigo, o martes 6 de xullo, ás 19:30 horas, Vicente Araguas presenta Xuvia-Neda, publicado por Xerais. No acto participarán Manuel Bragado e o propio autor.
Ese mesmo día, ás 20:00 horas, Xosé Ramón Quintana Garrido asinará exemplares do seu libro Un longo e tortuoso camiño, publicado por Galaxia.
Vigo: Rosa Aneiros asina exemplares da súa obra e presentación de Dragal, de Elena Gallego
Este luns 5 de xullo, no marco da Feira do Libro de Vigo, Rosa Aneiros asinará exemplares de Sol de Inverno, Ás de bolboreta e do resto da súa obra, a partir das 19:00 horas.
A partir das 19:30 horas, preséntase a novela Dragal, de Elena Gallego, publicada por Edicións Xerais. No acto acompañará á autora Manuel Bragado.
Vigo: presentación de Covalladas, de Xurxo Borrazás
No marco da Feira do Libro de Vigo, o luns 5 de xullo, ás 20:30 horas, Xurxo Borrazás presentará Covalladas, publicado por Galaxia. No acto participarán Carlos Lema, Arturo López Regueiro e o propio autor.
Éxito da tradución de Made in Galiza, de Séchu Sende, no Curdistán
Vigo: Agustín Fernández Paz e Suso de Toro asinan exemplares da súa obra na Feira do Libro
No marco da Feira do Libro de Vigo, este sábado 3 de xullo, a partir das 19:00 horas, Agustín Fe
rnández Paz asinará exemplares dos seus libros Valados, Lúa do Senegal, premio ao mellor libro infantil e xuvenil 2010 da Asociación de Escritores en Lingua Galega, e do resto da súa obra.
Fará o mesmo Suso de Toro con Sete palabras e o resto da súa obra a partir das 19:30 horas.
Sol de Inverno, de Rosa Aneiros, é unha das cinco novelas finalistas do Premio Casino de Santiago
(Vigo: comeza a Feira do Libro (do 2 ao 11 de xullo)
O venres 2 de xullo inaugúrase a Feira do Libro de Vigo, que se celebrará na praza de Compostela, co pregón que pronunciará ás 20:00 horas o escritor Xosé Cid Cabido, autor de Unha historia que non vou contar, premio ao mellor libro de Narrativa do ano 2009 da Asociación de Escrtiores en Lingua Galega. A continuación, ás 20:30 horas, realizarase a presentación do libro A viaxe do Ser de Manuel Pérez de Lis, na que o autor estará acompañado pola editora Helena Pérez.
O programa de actividades pódese descargar aquí.
