Co lema “Sen tregua, coma as nubes” a 5ª edición do Festival Mundial de Poesía de Venezuela está a ter lugar no país caribeño dende o día 18 e ata o 25. O evento, organizado polo Ministerio do Poder Popular para a Cultura –que dirixe o galego Francisco Sesto- a través da “Casa Nacional das Letras Andrés Bello” celébrase en todo o territorio nacional, dedicándose este ano ao poeta margariteño Gustavo Pereira (Premio Nacional de Literatura 2000).
Nun percorrido pola totalidade dos 24 estados do país, 200 poetas venezolanos súmanse aos 38 internacionais provintes de 30 diferentes países de Europa, América, Oriente Próximo, África e Oceanía. Entre eles, a galega Yolanda Castaño, única chegada dende as linguas minorizadas do Estado, e que completa xunta Mª Ánxeles Pérez López a delegación española.
Este Festival Mundial, que xa contara con outro galego –Miguel Anxo Fernán-Vello- na súa segunda edición hai dous anos, experimenta un constante crecemento dende os seus comezos, colocándose coma o segundo en importancia en toda América Latina, despois do de Medellín (Colombia). O programa inaugurouse o día 19 ás 18:30, no emblemático Teatro Teresa Carreño da capital. Recitais, obradoiros e presencia editorial darán respaldo a este acontecimento cultural.
Arquivo da categoría: Poesía
Viaxe literaria a Lóuzara
VIAXE LITERARIA A LÓUZARA
Se viñeras a min polo avesedo
dunha norteira fraga de veludo,
o viño meu xa non sería acedo.
Nin acedo sería o tempo rudo,
pois farías da miña vida un ledo
paraíso de amor no vento mudo.
Fiz Vergara, Nos eidos da bremanza
Lóuzara a Xabreira, o val máis cheo de risos deste país, o berce da poesía do Fiz e o lugar máis máxico para todos os ERGUEITOS, un centro alimentador, un lugar de repouso. Os centos de castiñeiros a tripar polas encostas, o silencio, o río, a Fonte da Cova, o muíño do Fiz, a fervenza de Augadalte e o pozo de Beltrán. Porque ningún lugar hai mellor para metamorfosearse en auga como o Fanto Fantini de Cunqueiro e escapar dos cárceres da vida. Convidámosvos a todos a acompañarnos en xuño *(o día 14)* á nosa viaxe literaria a Lóuzara, para recitar aos outeiros os versos do Fiz que voarán polo ceo do seu val como bolboretas preñadas de ilusións. Quizais teñamos tempo para perdelo, coñezamos o noso interior como un mapa de sentimentos e escoitemos aos recitadadores como a música dos ríos de Lóuzara.
Agardaremos por vós na Casa da Cultura de Sárria ás 12:00 para saír cara Paredes de Lóuzara ao Mesón de Paredes onde nos agarda o comezo. Confirmade por mail (*mariacasar@hotmail.com* ) ou nos teléfonos 678 60 15 50 (María) ou 677 429 225 (Xerardo).
VI Ciclo de conferencias visións de Galicia: ”Poetas Galegos da Posguerra”
Continuando co VI Ciclo de Conferencias Visións de Galicia, con título “Poetas Galegos da Posguerra”, organizado pola Sección de Literatura do Liceo de Ourense, co patrocinio da Universidade de Vigo -Vicerectorado do Campus de Ourense e a Diputación Provincia, o 15 de maio as oito e cuarto da tarde, no Salón Noble da Entidade, será o turno de Ramón Nicolás Rodríguez, quen falará da obra e a vida do poeta celanovense Celso Emilio Ferreiro. O ciclo finaliza o vindeiro luns 19 coa conferencia de Marcos Valcárcel sobre Antón Tovar. (Liceo de Ourense)
Recital de Alberte Momán en Compostela
O próximo venres 16 Alberte Momán recitando no Pub Momo (Virxe da Cerca, 23) textos do caderno de poesía Déixanse levar. Será ás 21:00 horas. O caderno de poesía Déixanse levar, distribúese conxuntamente c’ O alento da musa (Difusora de Letras, Artes e Ideas, 2007). Tamén se contará coa presenza de Óscar Antón Pérez García. (Alberte Momán)
Preséntase na Coruña Corpo baleiro, de Berta Dávila
A Galería Sargadelos e Edicións Espiral Maior organizan a presentación do libro Corpo baleiro, de Berta Dávila. O acto, que contará coa participación de Miguel Anxo Fernán Vello, Xulio López Valcárcel e Berta Dávila, terá lugar o venres 9 de maio ás 20:00 na Galería Sargadelos da Coruña (Rúa Real, 56).
Presentación do libro Safo: cantos e fragmentos
A presentación do libro Safo: cantos e fragmentos terá lugar o próximo día 8 de maio, ás 19:00 na biblioteca Anxel Casal de Santiago (Rúa Xoán XIII). Intervirán Francisco Macías, de Edicións Positivas, Mª Teresa Amado, profesora de Grego da USC e tradutora, Pilar Buela, escritora, e Raúl Gómez Pato, tradutor desta obra e escritor. Poranlle calor, arte e música ao acto Carmen Dor e Tino Baz.
Francisco X. Fernández Naval na Sargadelos da Coruña
O martes 6 de maio, ás 20:00 horas, a Galería Sargadelos da Coruña (Rúa Real, 56) contará coa presenza de Francisco X. Fernández Naval cunha intervención titulada “Auga crebada –poemas de río e mar- (dos libros Mar de Lira e Miño)”, nunha nova edición do ciclo quincenal “Martes Literarios”.
Nancy Morejón recollererá o Premio “Escritora Galega Universal”
Como viñemos informando, a Aelg conta xa estes días coa presenza da escritora cubana Nancy Morejón no noso país, que vén recoller o Premio “Escritora Galega Universal” no marco da Cea das Letras deste sábado 26 de abril.
A Aelg organizou unha conferencia e unha lectura de poemas comentados segundo o seguinte programa:
• Xoves 24 de abril, ás 20,00 horas, conferencia de Nancy Morejón na Fundación Rosalía de Castro, en Padrón, baixo título “Nancy Morejón: a muller na súa obra e na literatura cubana e caribeña”. Estarán presentes a Secretaria Xeral de Igualdade, Carme Adán; a presidenta da Fundación Rosalía de Castro, Helena Villar Janeiro, e a secretaria xeral da AELG, Mercedes Queixas.
• Venres 25 de abril, ás 19,00 horas, Lectura de poemas comentados, baixo título “A beleza de todos os días”, a cargo de Nancy Morejón, no salón de actos do Consello da Cultura Galega. Acompañarán á escritora cubana o presidente da AELG, Cesáreo Sánchez, e Elvira Cienfuegos en representación da Concellaría de Cultura do Concello de Santiago de Compostela .
• Sábado 26 de abril, ás 20,30 horas, entrega dos Premios AELG na Cea das Letras, no Hotel Porta do Camiño de Santiago de Compostela.
Nancy Morejón nace en Cuba en 1944. Aos 18 anos foi incluída na antoloxía Novísima Poesía Cubana, e publica o seu primeiro libro de poemas, Mutismos. La duodécima noche de William Shakespeare. En 1989 asiste como invitada de honra ao 54 Congreso Mundial do Pen Club Internacional en Toronto e Montreal. En 1992 é invitada polo Congreso Nacional de Escritores Sudafricanos (COSAW) e percorre a República Sudafricana, onde ofrece recitais e obradoiros literarios. Asistiu como invitada de honra á III Conferencia de Escritores del Caribe, celebrada en Curazao, así como á V Edición de Carifesta, en Trinidad-Tobago. Entre 1986 e 1993 exerceu como directora do Centro de Estudios del Caribe da Casa de las Américas, función que volve asumir no 2000. Dirixiu a Editorial PM da Fundación Pablo Milanés desde 1993 a 1995, e foi asesora da Dirección do Teatro Nacional de Cuba desde 1995 a 2000. En 1991 foi elixida membro da Academia de Ciencias de Cuba. Conferenciante en institucións de Europa e América.
Entre as súas obras, caben salientar: Richard trajo su flauta y otros argumentos, Nación y mestizaje en Nicolás Guillén, Piedra pulida, Paisaje célebre, Elogio y Paisaje e Poemas 1987-1992. Obtivo numerosos premios, como: Premio de Poesía Rubén Martínez Villena da Universidade da Habana; Mención da Unión Nacional de Escritores y Artistas Cubanos; Premio Nacional de Ensayo Enrique José Varona; Mención no Premio Internacional de Poesía “Pérez Bonalde”; Premio da Crítica Literaria por Piedra Pulida, 1986 e Elogio y Paisaje, 1996, e en 2001 foi Premio Nacional de Literatura. (AELG)
Yolanda Castaño na Sargadelos da Coruña
O martes 22 de abril, ás 20:00 horas, a Galería Sargadelos da Coruña (Rúa Real, 56) contará coa presenza de Yolanda Castaño nunha nova edición do ciclo quincenal “Martes Literarios”.
Festival poético en Arteixo
O xoves 17 de abril terá lugar o festival poético que terá lugar en Arteixo no pub da alfombra vermella da flor das viñas, o Entrance Bar (R/ Ría de Noia, Praza das Viñas, a carón do Balneario). Apartir das 22:00 poderase desfrutar dun festival en lingua galega onde participarán autores coma o recoñecido poeta Paco de Souto, Miguel Mato Fondo e Paco de Tano, entre outros.
