Arquivo da categoría: Premios AELG

Mañá entréganse os Premios AELG 2009

Publicado o por

Achégase a data de celebración dun dos actos máis importantes na vida da Asociación de Escritores en Lingua Galega: os Premios AELG, uns galardóns que, concedidos por escritores/as para escritores/as, levan camiño de se afianzar como uns dos de máis prestixio no noso panorama literario. No transcurso da Cea das Letras, que se celebrará mañá sábado 9 de maio no Hotel Porta do Camiño de Santiago de Compostela, recoñecerase a mellor obra publicada no 2008 en cadanseu xénero: Ensaio, Literatura Infantil e Xuvenil (en colaboración con Gálix), Poesía, Narrativa, Tradución (en colaboración coa Asociación Galega de Tradutores), Teatro e Traxectoria Xornalística (que premiará o/a autor/a coa mellor traxectoria xornalística do 2008, e para cuxa elección se contará cos votos dos/as membros do Colexio de Xornalistas). Na edición deste ano incorporase o premio ao Mellor Blog Literario. Igualmente premiarase á Institución que, segundo os escritores e escritoras galegos, fixera unha labor destacada en prol da nosa cultura, premio que nesta ocasión lle corresponde á Sección de Literatura do Liceo de Ourense, personificada na figura de Marcos Valcárcel.

Á cea asistirá a escritora e xornalista Elena Poniatowska, galardonada coa distinción Escritora Galega Universal.

Finalistas dos premios AELG 2009

Programa da estadía de Elena Poniatowska en Galicia

Publicado o por

Programa da estadía da escritora mexicana Elena Poniatowska en Galicia con motivo do seu nomeamento como “Escritora Galega Universal”:

Martes 5 de maio: Tarde reservada para atender á prensa a partires das 17 horas

Mércores 6 de maio, 19.30h: no Salón Nobre do Pazo de Fonseca da Universidade de Santiago de Compostela, conferencia de Dona Elena Poniatowska co título La literatura que viene de la calle. Laudatio do escritor Manuel Rivas. Interven o Presidente da Aelg, Cesáreo Sánchez Iglesias. Intervencion de representante institucional e entrega da Escultura como “Escritora Galega Universal”.

Xoves 7 de maio, 20.00h: Carpa da Feira do Libro de Santiago de Compostela: Presentación do libro A filla do filósofo, tradución ao galego dunha serie de relatos da autoría de Elena Poniatowska. Inclúe lectura de textos por parte dalgúns dos/das tradutores/as (Rosa Aneiros, Eva Veiga, Xabier López, Anxos Sumai e Francisco Castro) Coa presenza de Víctor Freixanes, director da Editorial Galaxia, que publica o libro, e Cesáreo Sánchez Iglesias, presidente da Asociación de Escritores en Lingua Galega.

Venres 8 de maio 20.00h: Conferencia de Dona Elena Poniatowska no II Encontro Cidade da Coruña, co título La literatura que viene de la calle, na sede da Real Academia Galega (Rúa Tabernas, 11, A Coruña)

Sábado 9 de maio: Cea das letras, 20.30h. Hotel Porta do Camiño. Entrega da pluma estilográfica que a acredita como “Escritora Galega Universal”.

Contacto: AELG

Finalistas dos Premios AELG 2009

Publicado o por

Literatura infanto-xuvenil (Aelg-Gálix):
1. A cabeza da medusa, Marilar Aleixandre
2. Caderno de animalista, Antón Fortes Torres
3. Fume, Antón Fortes Torres
4. O libro das viaxes imaxinarias, Xabier P. DoCampo
5. PAlAbrAs brAncAs, Elvira Riveiro

Poesía:
1. A melancolía dos corpos, Xulio López Valcárcel
2. Acendede as almenaras: cántigas de amor, de amigo e de escarnio, Bernardino Graña
3. Amor Amén, Iolanda Zúñiga
4. Construcións, Eduardo Estévez
5. Cultivos transxénicos, Carlos Negro
6. Hordas de escritura, Chus Pato
7. Látego de algas, Antón Reixa
8. Libro de Alicia, Olalla Cociña
9. Migracións, Rafa Villar
10. Non son de aquí, María do Cebreiro
11. O xeito de Freud, Carlos Lema
12. Reversos: días adiados, Ramiro Fonte

Teatro:
1. Fume / Insomnio, Rubén Ruibal Armesto e Carlos Losada Galiñáns
2. Historia da chuvia que cae todos os días, Roberto Salgueiro
3. Nachtmahr, Raúl Dans
4. Unha primavera para Aldara, Teresa Moure

Ensaio:
1. Anti Natura, María Xosé Queizán
2. Caderno de notas, Jenaro Marinhas del Valle
3. Fendas abertas: seis ensaios sobre a cuestión nacional, Carlos Taibo
4. Fin de século en Palestina, Miguel Anxo Murado
5. Historia de Ourense, Marcos Valcárcel
6. Miro Casabella e a nova canción galega, Xan Fraga
7. O espírito da letra. Nove achegas filosóficas a textos literarios, Luís G. Soto
8. O natural é político, Teresa Moure
9. Por unha Galiza liberada e novos ensaios, Xosé Manuel Beiras

Tradución:
1. A conxura dos necios (John Kennedy Toole), Eva María Almazán García
2. As flores do mal (Charles Baudelaire), Gonzalo Navaza
3. Cantos e fragmentos (Safo), Raúl Gómez Pato
4. O xiro postal (Sembène Ousmane), María Isabel García Fernández
5. Un home na escuridade (Paul Auster), Eva María Almazán García

Narrativa:
1. A choiva do mundo, Xosé Manuel Pacho Blanco
2. A verdade como mal menor, X. Luís Martínez Pereiro
3. Costa Norte/ZFK, Xurxo Borrazás
4. Festina lente, Marcos S. Calveiro
5. Memoria de cidades sen luz, Inma López Silva
6. O libro das viaxes imaxinarias, Xabier P. DoCampo
7. O profesor de vegliota, Manuel Veiga
8. O xardín das pedras flotantes, Manuel Lourenzo
9. Os nomes do traidor, Xurxo Sierra Veloso
10. Shakespeare destilado, Xesús Constela

Mellor traxectoria xornalística (Aelg-Colexio de Xornalistas):
1. Ana Romaní
2. Bieito Iglesias
3. Camilo Franco
4. Gustavo Luca de Tena
5. Marcos Valcárcel
6. Xosé Manuel Eyré
7. Xosé Manuel Pereiro

Mellor blog literario:
1. …mmmm…, Estíbaliz Espinosa
2. As uvas na solaina, Marcos Valcárcel
3. Das orixes de marzo, Helena González
4. Lándoa. Marxes de Texto, Arturo Casas
5. Henrique Marques-Samyn, Henrique Marques-Samyn
6. O levantador de minas, Alfredo Ferreiro