Será en Compostela o 24 e o 25 de xullo. Inclúe recitais poéticos, presentacións de libros e de editoras. Recoméndase consultar o programa.
Arquivo da categoría: Recitais
Lucía Aldao recitará en Laxe
O 24 de xullo terá lugar en Laxe o “Solpor poético: recital poético e entrega dos premios do Certame de Poesía Antón Zapata”. Participará a poeta Lucía Aldao e será ás 10:30 na Praia dos Cristais.
Eduardo Estévez na Galería Sagadelos d’ A Coruña
O martes 10 de xullo, ás 20:00 horas, a Galería Sargadelos da Coruña (Rúa Real, 56) contará coa presenza de Eduardo Estévez nunha nova edición do ciclo quincenal “Martes Literarios”.
Lucía Aldao, María Lado e Suso Pensado recitarán n’ A Coruña
Lucía Aldao, María Lado e Suso Pensado recitarán n’ A Coruña
O xoves 28, ás 19:30 horas no Centro On de Caixa Galicia (Cantón Pequeno, 7-11), terá lugar un recital poético no que participarán Lucía Aldao, María Lado e Suso Pensado. Remata así o ciclo “Xoves poéticos”, no que estiveron presentes Estíbaliz Espinosa, Eduardo Estévez, Emma Pedreira e Lía Santiso.
Miguel Anxo Fernán-Vello na Galería Sargadelos d’ A Coruña
O martes 26 de xuño, ás 20:00 horas, a Galería Sargadelos da Coruña (Rúa Real, 56) contará coa presenza de Miguel Anxo Fernán-Vello nunha nova edición do ciclo quincenal “Martes Literarios”.
Luz Pozo Garza, Miguel Anxo Fernán-Vello, Ánxeles Penas e Xulio Valcárcel recitarán na Arabesque Gallery d’ A Coruña
O 21 de xuño, ás 20:30 horas, Luz Pozo Garza, Miguel Anxo Fernán-Vello, Ánxeles Penas e Xulio Valcárcel participarán nun recital poético ofrecido pola Arabesque Gallery (Pza. María Pita, 25B) con motivo da mostra “Transformando a materia”, de Enrique Ferrer, Fina Mantiñán e Ánxeles Penas.
Viaxe literaria á Lóuzara de Fiz Vergara
A viaxe literaria á Lóuzara de Fiz Vergara, no día 16 de xuño, completarase coa actuación de musical de Uxía na Fonte da Cova, xunto ao vello muíño. Neste mesmo lugar terá lugar un recital de poemas do Fiz aos que poñerán voz, entre outros: Isidro Novo, Marica Campo, Xosé Manuel Beiras, Xosé Mª Álvarez Cáccamo, Xavier Rodríguez Baixeras, Valentín Arias, e Margarita Ledo.
Presentación en Viveiro de “Farrapos de nube”, de Xoán Neira
O mércores 6 de xuño, ás 20:30 horas, presentarase o libro Farrapos de nube, poemario infantil de Xoán Neira publicado por Baía Edicións. O acto, organizado polo Seminario de Estudos Terra de Viveiro na aula de Caixa Galicia de Viveiro, contará coa intervención, ademais do autor, de Carlos Nuevo, Emilio Xosé Insua. Tamén será ofrecido un recital poético musical a cargo de nenas e nenos do Cep. Lois Tobío.
Presentación dunha antoloxía dos Premios Esquío (1981-2006)
O día 21 de abril, sábado, a Sociedade de cultura Valle-Inclán de Ferrol honrará o Patrimonio de Feira Antiga na Arquitectura dos Pendellos d’Agolada coa celebración dos seus 25 anos (máis un) de existencia, na coordinación do Premio Esquío de poesía (galego e castelán). Neste contexto terá lugar a presentación do libro Poesía viva, pura poesía (Antoloxía dos Premios Esquío: 1981-2006), e un recital dos poetas premiados conducido por Vicente Araguas. Entre os poetas que xa teñen confirmada a súa asistencia figuran: María do Carme Álvaro, Ramón Caride, Baldomero Iglesias Dobarrio, Fernández Abella, David Otero, Elvira Riveiro Tobío e Ángel Utrera Baza.
