O martes 29 de xaneiro, ás 20:15 horas no Salón Nobre do Liceo de Ourense, finalizan os XVIII Encontros Literarios organizados polo Liceo de Ourense coa conferencia-coloquio de Manuel Rivas titulada: ” A corpo aberto”. (Liceo de Ourense)
IV concurso de relatos de muller Matilde Bares
Até o 30 de abril de 2008. Máis información no Centro de Información ás Mulleres (CIM) de Bueu. Tel. 986 32 43 95.
Premio Barco de Vapor 2008
Até o 15 de abril de 2008. As bases na web da editorial.
Últimos días do VIII Premio de Poesía Fiz Vergara Vilariño
Até 30 de xaneiro. Os poemarios deberán contar un mínimo de 400 versos. Este premio incrementa a súa dotación a 6.000 euros. Máis información no Concello de Sarria.
VI Certame de Teatro Infantil e Xuvenil ATENEA 2008
Até o 22 de febreiro de 2008. Bases.
Convite do Ateneo Ferrolán para o Día da Paz
«Como todos os anos, con motivo do Día da Paz, o próximo día 30 de xaneiro, convocámosvos a un Maratón de Lectura a partir das 18:00 horas no Ateneo Ferrolán. A convocatoria é aberta e de lectura libre de textos, poesía, teatro, escenificacións, …. só tedes que anotarvos na secretaría do Ateneo Ferrolán. Animádevos!» (Ateneo Ferrolán)
Salón do Libro de Pontevedra
Consultade aquí o programa do Salón do Libro de Pontevedra.
Inauguración da exposición ART-NATURA na Coruña
A exposición Art Natura, na que participan máis de 140 artistas e escritores galegos coa temática da defensa do medio natural, inagúrase este xoves 24 ás 20:00 horas no Edificio do Palexco, na Coruña. Poderase visitar entre os días 24 de xaneiro e 14 de febreiro. Á inauguración da exposición asistirán membros de ADEGA, da corporación municipal do Concello da Coruña e artistas participantes. A mostra realízase coa colaboración da Concellería de Cultura do Concello da Coruña e as consellerías de Cultura e Medio Ambiente. (ADEGA)
Entre as plumas figuran: Marilar Aleixandre, Glauco Antonio Amigo, Rosa Aneiros, Xurxo Borrazás, Darío Xohán Cabana, Fernando Cabeza, Francisco Castro, Olalla Cociña, Marta Dacosta, Lois Diéguez, Xoán Carlos Domínguez, Rosa Enríquez, Lobato, Yolanda López, Xulio Valcárcel, Ramón Loureiro, Xosé Miranda, Teresa Moure, Xesús Pereiras, Vicente Piñeiro, Xesús Rábade, Henrique Rabuñal, Daniel Salgado, Xavier Seoane, Xosé Vázquez Pintor, Miro Villar, Helena Villar e Alfredo Ferreiro.
XXIV Premio de Poesía ”Cidade de Ourense”
Até o 8 de febreiro de 2008. Bases. (Concello de Ourense)
A AELG inicia o proxecto “Escritores/as en Compostela” coa presenza do escritor Jean-Philippe Toussaint
A Asociación de Escritores en Lingua Galega (Aelg), en colaboración coa Concellaría de Cultura do Concello de Santiago, inicia o proxecto “Escritores/as en Compostela” co que se pretende traer autores/as internacionais ao noso país e así dar oportunidade aos lectores de afondar no coñecemento da súa obra dunha forma máis persoal, a través de encontros e conferencias.
O proxecto inaugúrase coa presenza do escritor Jean-Philippe Toussaint (Bruxelas, 1957), un dos máis brillantes escritores en lingua francesa da súa xeración.
Estará en Galiza os días 6, 7, 8 e 9 de febreiro, celebrando o primeiro día un encontro con escritores/as galegos no Club Internacional de Prensa en Santiago; o día seguinte participará nunha mesa redonda de presentación do seu libro Fuxir (Galaxia, 2007) no Casino de Compostela, na que estarán presentes o autor, Xavier Queipo, un representante da editorial, o concelleiro Nestor Rego e o presidente da Aelg, Cesáreo Sánchez. Finalmente, o día 8 trasladarase a Vigo para estar presente nunha serie de actos organizados pola Editorial Galaxia.
(AELG)
