Arquivos da etiqueta: Asociación Cultural Raigañas

Polafías Polavida (cantos tradicionais), Asociación Cultural Raigañas

Publicado o por

Desde a sección de Literatura de Tradición da AELG convidámosvos a reunirnos cada día, momentaneamente, arredor da lareira virtual que representa o noso inmenso arquivo.
A música e o canto tradicional foron parte fundamental das polafías da AELG.
Velaí a Asociación Cultural Raigañas na polafía de Cerqueda-Malpica o 13 de marzo de 2011 interpretando “Muiñeira de Cambre”.
Aquí podes ver os vídeos desta Polafía.

Rechiade e unídevos baixo cancelos comúns como #CorentenaLiteraria, #Euquedonacasa, #LerGalegoSempre, #Acasainfinita, #DescobreACulturaGalega, #CulturaGalegaCuradora, #CulturaNaRede, #Aculturasegue e/ou #aculturasegue.

Cerqueda, Malpica: nova edición das Polafías

Publicado o por

O domingo 13 de marzo, a partir das 17:00 h., no Complexo-Restaurante Aldeola, en Cerqueda (Malpica), con entrada libre, nova edición das Polafías: a Asociación de Escritores en Lingua Galega aproveitará para realizar unhas gravacións da tradición da literatura oral e da música tradicional da parroquia de Cerqueda. Gravaranse romances de cego, coplas, comparsas, regueifas, contos, lendas así como o repertorio de catro xeracións de pandereteiras da parroquia. Esta actividade está coorganizada coa Asociación de Veciños Monte d’Arxa (AVMD) e a Asociación Cultural Raigañas (ACR), co patrocinio da Deputación Provincial da Coruña e o Complexo-Restaurante Aldeola. Crónica posterior en Galicia Confidencial.