Nos
meses de outubro e novembro, na Biblioteca Pública González Garcés da Coruña (Rúa Miguel González Garcés, s/n), con horario de apertura do centro de 8:30 a 20:30 h. de luns a venres e de 10:00 a 14:00 h. os sábados, pódese visitar a exposición itinerante sobre o Certame de Poesía Eusebio Lorenzo Baleirón, que ten o obxectivo de difundir a súa figura. A relación dos premiados nestes anos xunta un relevante ronsel da nosa poesía contemporánea. Fotografías, biografías e poemas de todos eles conforman os paneis da mostra: fotografía e texto fan que, amén de ser lidos, tamén teñan unha notable beleza visual para o espectador da exposición.
O poeta Eusebio Lorenzo Baleirón naceu na parroquia de Laíño, Dodro, en 1962. Licenciouse en Filoloxía Galega e foi profesor de ensino medio, persoa estudosa da lingua e dinámico promotor de iniciativas culturais. Publicou libros de poesía, poemas en revistas e en antoloxías, e tamén prosa: libros e artigos varios en prensa e en revistas. Morreu en 1986 e en 1988 o Concello de Dodro creou o premio de poesía que leva o seu nome.
Arquivos da etiqueta: Biblioteca Pública da Coruña Miguel González Garcés
A Coruña: obradoiro literario dirixido por Emma Pedreira
Desde 
a Biblioteca Pública Miguel González Garcés da Coruña:
“- Obradoiro literario dirixido pola coruñesa Enma Pedreira Lombardía, licenciada en filoloxía hispánica con ampla experiencia en talleres literarios. Unha das poetas máis prolíficas e premiadas da xeración dos 90, autora tamén de narrativa e outras obras colectivas.
– Programa: Obradoiro da escrita creativa con xogos de lectura e escrita lúdica. Lectura, análise e interpretación de textos. Retórica e figuras literarias. Exposición de textos creados in situ (haikus, cadáver exquisito, poemas visuais, caligramas). Ler e recitar.
– Datas: os xoves de maio e xuño, de 16:45 h. a 18:45 h.
– Destinatarios e prazas: maiores de 18 anos. 20 prazas. Terán preferencia os socios da biblioteca.
– Información na propia Biblioteca, chamando ao tel. 981170218 ou enviando un correo electrónico a bppmgonzalezgarces@xunta.es.
– Inscrición: de forma presencial no mostrador da entrada (planta baixa) ou cubrindo esta solicitude, exclusivamente a partir do martes 23 de abril ás 10:00 h., ata o domingo 5 de maio ás 24:00 h. Cada persoa só pode cubrir unha solicitude.
– A adxudicación de prazas pode ser:
. Directa, no caso de que a demanda non supere o número de prazas dispoñibles.
. Por sorteo, no suposto de que o número de solicitudes supere o número de prazas dispoñibles.
– Só nos poñeremos en contacto coas persoas admitidas.”
A Coruña: presentación de A noite branca, de Francisco Xosé Fernández Naval
A Coruña: presentación de Paxaro de mar e vento, de Tucho Calvo
O 
martes 18 de decembro, ás 20:00 horas, na Biblioteca Pública Miguel González Garcés (Rúa González Garcés) da Coruña, terá lugar a presentación do libro de Tucho Calvo e Xosé Cobas Paxaro de mar e vento, publicado por Biblos Clube. Logo da presentación, inaugurarase a exposición dos orixinais realizados por Xosé Cobas para ilustralo. O acto contará coa presenza e intervención de autor e ilustrador, xunto a Laura Garcés. A exposición permanecerá aberta ata o 26 de xaneiro de 2013 no horario de apertura ao público: de luns a venres, de 8:30 a 20:30 h. e sábados de 10:00 a 14:00 h.
A Coruña: exposición sobre Castelao no 125 aniversario do seu nacemento
A exposición estará aberta até o mércores 19 de outubro no horario de apertura ao público da Biblioteca.
A Coruña: Clube de lectura coordinado por Francisco Fernández Naval na Biblioteca González Garcés
En xoves 
alternos desde o 14 de outubro até o 23 de decembro retómase o Clube de Lectura en Galego que dirixe Francisco Fernández Naval na Biblioteca Miguel González Garcés da Coruña. Neste último trimestre conxugaranse autores galegos clásicos e contemporáneos, homes e mulleres de idades diferentes, para poder ter unha mellor visión do panorama actual da narrativa galega, lendo, por exemplo a Rafael Dieste e Anxos Sumai. Lidos os libros na casa, as persoas que forman o club comentarán as súas impresións, discutíndose aspectos, literarios ou non, relacionados coa obra e co autor ou autora, favorecendo o diálogo e a convivencia e unha mellor comprensión da obra. Máis información sobre as actividades e a inscrición neste enlace.
Hoxe na Coruña: lectura dramatizada e textos de Gustavo Pernas Cora
Na Biblioteca Pública da Coruña Miguel González Garcés, terá lugar o xoves 22 de abril, ás 20:30 h., unha lectura dramatizada de textos do escritor Gustavo Pernas Cora que serán interpretados polo propio autor e por Ánxela G. Abalo. Abordan temas como a incomunicación, as relacións de parella, a identidade, os malos tratos, a violencia e a fronteira entre a realidade e a representeción, entre outros.
A Coruña: Novo Club de Lectura en Galego, coordinado por Francisco Fernández Naval
Achegamos información relativa ao Novo Club de Lectura en Galego que, coordinado polo escritor Francisco Fernández Naval, comeza a súa andaina na Biblioteca Pública da Coruña Miguel González Garcés. Se está interesado, pode inscribirse por teléfono (981-170218/19) de 8:30-15 h. ou na Sala de Consulta da Biblioteca (15-20:20 h.).
A Coruña: mesa redonda Editar en Galicia hoxe
A Biblioteca Pública da Coruña “Miguel González Garcés” (Rúa Miguel González Garcés, 1) celebra unha mesa redonda co título Editar en Galicia hoxe. Terá lugar no salón de actos o xoves 17 de decembro ás 20:30 h. Intervirán Isaac Díaz Pardo, Víctor F. Freixanes e Miguel Anxo Fernán-Vello. O acto serve ademais para presentar a exposición Editar en galego baixo a censura franquista, organizada pola Fundación Penzol e Editorial Galaxia.
A Coruña: recital poético en homenaxe a González Garcés
